താമരശ്ശേരി ചുരത്തിൽ ലോറി മറിഞ്ഞ് മൂന്ന് പേർക്ക് പരിക്ക്

വൈത്തിരി: താമരശ്ശേരി ചുരം അഞ്ചാം വളവിൽ കോഴിലോറി മറിഞ്ഞ് മൂന്ന് പേർക്ക് പരിക്ക്. ശനിയാഴ്ച രാത്രി 11ഓടെയാണ് അപകട ം. രണ്ട് മലപ്പുറം അരീക്കോട് സ്വദേശികൾക്കും ഒരു ഇതരസംസ്ഥാനക്കാരനുമാണ് പരിക്കേറ്റത്. ഇവരെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.

കർണാടകയിൽ നിന്ന് മലപ്പുറത്തേക്ക് കോഴിയുമായി വരികയായിരുന്ന ലോറിയാണ് മറിഞ്ഞത്. പൊലീസും ഫയർഫോഴ്സും ചുരം സംരക്ഷണ സമിതി പ്രവർത്തകരും സ്ഥലത്തെത്തി രക്ഷാപ്രവർത്തനം നടത്തി.