കൊള്ളയടി തുടരുന്നു; ഇന്ധന വിലയില്‍ വീണ്ടും വർധന

​കൊച്ചി: വിലക്കയറ്റത്തി​െൻറ ദുരിതത്തിൽ ജനം ഉഴലു​േമ്പാഴും എണ്ണക്കമ്പനികൾ ഇന്ധനവില കൂട്ടിക്കൊണ്ടേയിരിക്കുന്നു. ജൂലൈയിൽ ഏഴു ദിവസത്തിനിടയിലെ നാലാമത്തെ വിലവർധനവിലൂടെ പെട്രോളിന്​ 35 പൈസയും ഡീസലിന്​ 17 പൈസയും കൂട്ടി. ഡീസൽ വിലവർധന ഈമാസത്തെ രണ്ടാമത്തെതാണ്​. ഇതോടെ പെട്രോളിന്​ പിന്നാലെ ഡീസലും നൂറു രൂപയിലേക്ക്​ അടുക്കുകയാണ്​.

തിരുവനന്തപുരത്ത്​ പെട്രോൾ വില 102.25 രൂപയായി. ഡീസൽ 96.16. എറണാകുളത്ത്​ 100.37, 94.40, കോഴിക്കോട്​ 100.68, 94.71 എന്നിങ്ങനെയാണ്​ യഥാക്രമം പെട്രോൾ, ഡീസൽ വില.

അന്താരാഷ്​ട്ര വിപണിയിൽ അസംസ്​കൃത എണ്ണ വില വീപ്പക്ക്​ 75.84 ഡോളർ എന്ന നിലയിലാണ്​. എണ്ണയുൽപാദക രാഷ്​ട്രങ്ങളുടെ കൂട്ടായ്​മയായ ഒപെക്​ യോഗത്തിൽ എണ്ണയുൽപാദനത്തി​െൻറ വർധന​ സംബന്ധിച്ച തീരുമാനത്തിൽ അനിശ്ചിതത്വം ഉടലെടുത്തത്​ ക്രൂഡോയിൽ വില പിടിച്ചുനിർത്തിയിട്ടുണ്ട്​.​ ആറുവർഷത്തെ ഉയർന്ന വിലയായ 76.98 ഡോളറിൽ തൊട്ടശേഷമാണ്​ വില താഴ്​ന്നത്​.