ലോകായുക്ത: ഗവർണറുടെ തീരുമാനം മുഖ്യമന്ത്രി മടങ്ങി എത്തിയശേഷം

തി​രു​വ​ന​ന്ത​പു​രം: ലോ​കാ​യു​ക്ത നി​യ​മ​ഭേ​ദ​ഗ​തി​യു​ടെ പേ​രി​ൽ രാ​ഷ്ട്രീ​യ വി​വാ​ദം കൊ​ഴു​ക്കു​മ്പോ​ഴും തീ​രു​മാ​നം നീ​ട്ടി​വെ​ച്ച്​ ഗ​വ​ർ​ണ​ർ. ഓ​ർ​ഡി​ന​ൻ​സ്​ അം​ഗീ​ക​രി​ക്കാ​നോ സ​ർ​ക്കാ​റി​ലേ​ക്ക്​ തി​രി​ച്ച​യ​ക്കാ​നോ ഗ​വ​ർ​ണ​ർ ത​യാ​റാ​യി​ട്ടി​ല്ല. മു​ഖ്യ​മ​ന്ത്രി മ​ട​ങ്ങി​യെ​ത്തി​യ​ശേ​ഷ​മേ ഭേ​ദ​ഗ​തി കാ​ര്യ​ത്തി​ൽ ഗ​വ​ർ​ണ​റു​ടെ തീ​രു​മാ​നം ഉ​ണ്ടാ​കൂ എ​ന്ന്​ ഏ​ക​ദേ​ശം ഉ​റ​പ്പാ​യി.

നി​യ​മ​ഭേ​ദ​ഗ​തി​യി​ൽ ഗ​വ​ർ​ണ​ർ ആ​വ​ശ്യ​പ്പെ​ട്ട പ്ര​കാ​രം സ​ര്‍ക്കാ​ര്‍ ന​ൽ​കി​യ വി​ശ​ദീ​ക​ര​ണം ചോ​ദ്യം​ചെ​യ്ത്​ പ്ര​തി​പ​ക്ഷ​നേ​താ​വ്​ വി.​ഡി. സ​തീ​ശ​ൻ വീ​ണ്ടും ക​ത്ത്​ ന​ല്‍കി​യി​ട്ടു​ണ്ട്. ക​ഴി​ഞ്ഞ​യാ​ഴ്ച യു.​ഡി.​എ​ഫ്​ പ്ര​തി​നി​ധി​സം​ഘം നി​യ​മ​ഭേ​ദ​ഗ​തി​ക്ക്​ അം​ഗീ​കാ​രം ന​ൽ​ക​രു​തെ​ന്നാ​വ​ശ്യ​പ്പെ​ട്ട്​ ഗ​വ​ർ​ണ​ർ​ക്ക്​ നി​വേ​ദ​നം ന​ൽ​കി​യി​രു​ന്നു. ഈ ​നി​വേ​ദ​ന​ത്തി​ൽ ചൂ​ണ്ടി​ക്കാ​ട്ടി​യ ത​ട​സ്സ​വാ​ദ​ങ്ങ​ളി​ലാ​ണ്​ ഗ​വ​ർ​ണ​ർ സ​ർ​ക്കാ​റി​ന്‍റെ വി​ശ​ദീ​ക​ര​ണം തേ​ടി​യ​ത്. ഭേ​ദ​ഗ​തി നി​ർ​ദേ​ശ​ങ്ങ​ളി​ൽ ഔ​ദ്യോ​ഗി​ക​മാ​യി ഗ​വ​ർ​ണ​ർ ഇ​തേ​വ​രെ നി​യ​മോ​പ​ദേ​ശം തേ​ടി​യി​ട്ടി​ല്ല. ചി​ല അ​നൗ​പ​ചാ​രി​ക കൂ​ടി​യാ​ലോ​ച​ന​ക​ൾ ന​ട​ത്തി​യ​താ​യി അ​റി​യു​ന്നു​ണ്ട്. ഔ​ദ്യോ​ഗി​ക​മാ​യി നി​യ​മോ​പ​ദേ​ശം തേ​ടാ​ൻ ഗ​വ​ർ​ണ​ർ തീ​രു​മാ​നി​ച്ചാ​ൽ അ​തും മു​ഖ്യ​മ​ന്ത്രി മ​ട​ങ്ങി​യെ​ത്തി​യ ശേ​ഷ​മേ ഉ​ണ്ടാ​കൂ.ലോ​കാ​യു​ക്ത നി​യ​മ​ഭേ​ദ​ഗ​തി​ക്കെ​തി​രെ സി.​പി.​ഐ സം​സ്ഥാ​ന ക​മ്മി​റ്റി​യി​ലു​യ​ർ​ന്ന രൂ​ക്ഷ വി​മ​ർ​ശ​ന​ങ്ങ​ൾ പ്ര​തി​പ​ക്ഷ​വാ​ദ​ങ്ങ​ൾ​ക്ക്​ ശ​ക്തി പ​ക​രു​ന്ന​താ​ണ്.

സ​ഖ്യ​ക​ക്ഷി ഉ​യ​ർ​ത്തു​ന്ന എ​തി​ർ​പ്പി​ന്‍റെ ഗൗ​ര​വം മ​ന​സ്സി​ലാ​ക്കി​യ സി.​പി.​എം നേ​തൃ​ത്വം, കാ​ര്യ​ങ്ങ​ൾ അ​വ​രെ ബോ​ധ്യ​പ്പെ​ടു​ത്താ​നാ​ൻ തീ​രു​മാ​നി​ച്ചു​ക​ഴി​ഞ്ഞു. നി​യ​മ​ഭേ​ദ​ഗ​തി​യു​മാ​യി മു​ന്നോ​ട്ടു​പോ​കാ​ൻ ത​ന്നെ​യാ​ണ്​ സി.​പി.​എം തീ​രു​മാ​നം. വൈ​കി​യാ​ലും ഓ​ർ​ഡി​ന​ൻ​സി​ന്​ ഗ​വ​ർ​ണ​ർ അം​ഗീ​കാ​രം ന​ൽ​കു​മെ​ന്ന പ്ര​തീ​ക്ഷ സി.​പി.​എം ഉ​പേ​ക്ഷി​ച്ചി​ട്ടി​ല്ല. ഓ​ർ​ഡി​ന​ൻ​സ്​ തി​രി​ച്ച​യ​ക്കു​ക​യോ നി​യ​മ​സ​ഭ സ​മ്മേ​ള​നം വി​ളി​ച്ചു​ചേ​ർ​ക്കും​വ​രെ തീ​രു​മാ​നം നീ​ട്ടി​ക്കൊ​ണ്ടു​ പോ​കു​ക​യോ ചെ​യ്താ​ൽ നി​യ​മ​സ​ഭ​യി​ൽ ബി​ല്ലാ​യി ഭേ​ദ​ഗ​തി കൊ​ണ്ടു​വ​രാ​നാ​ണ്​ സി.​പി.​എം ആ​ലോ​ചി​ക്കു​ന്ന​ത്. ഇ​പ്പോ​ൾ സ്വീ​ക​രി​ച്ച നി​ല​പാ​ടി​ൽ​നി​ന്ന്​ പി​ൻ​മാ​റാ​ൻ വേ​ഗ​ത്തി​ൽ സി.​പി.​ഐ നേ​തൃ​ത്വ​ത്തി​ന്​ ക​ഴി​യാ​ത്ത സാ​ഹ​ച​ര്യ​ത്തി​ൽ സി.​പി.​എ​മ്മി​ന്​ അ​വ​രെ എ​ത്ര​മാ​ത്രം കാ​ര്യ​ങ്ങ​ൾ ബോ​ധ്യ​പ്പെ​ടു​ത്താ​ൻ സാ​ധി​ക്കു​മെ​ന്ന​തി​ൽ സം​ശ​യ​മു​ണ്ട്.