ലോകായുക്ത നിയമഭേദഗതി: നിയമപരമായ അപാകതയില്ല –ഗവർണറോട്​ സർക്കാർ

തി​രു​വ​ന​ന്ത​പു​രം: ലോ​കാ​യു​ക്ത നി​യ​മ​ഭേ​ദ​ഗ​തി​യി​ൽ പ്ര​തി​പ​ക്ഷം ചൂ​ണ്ടി​ക്കാ​ട്ടും​പോ​ലെ നി​യ​മ​പ​ര​മാ​യ അ​പാ​ക​ത​ക​ളി​ല്ലെ​ന്ന് ചൂ​ണ്ടി​ക്കാ​ട്ടി ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​ന് സ​ർ​ക്കാ​ർ വി​ശ​ദീ​ക​ര​ണം ന​ൽ​കി. ഭേ​ദ​ഗ​തി​ക്കെ​തി​രെ പ്ര​തി​പ​ക്ഷം രേ​ഖാ​മൂ​ലം ന​ൽ​കി​യ പ​രാ​തി​ക​ളി​ന്മേ​ൽ ഗ​വ​ർ​ണ​ർ സ​ർ​ക്കാ​റി​നോ​ട് ക​ഴി​ഞ്ഞ​യാ​ഴ്ച വി​ശ​ദീ​ക​ര​ണം തേ​ടി​യി​രു​ന്നു. ഇ​തി​നു​ള്ള മ​റു​പ​ടി ചൊ​വ്വാ​ഴ്ച മു​ദ്ര​വെ​ച്ച ക​വ​റി​ൽ മു​ഖ്യ​മ​ന്ത്രി​യു​ടെ ഓ​ഫി​സി​ൽ​നി​ന്ന് രാ​ജ്ഭ​വ​നി​ൽ എ​ത്തി​ച്ചു. ല​ക്ഷ​ദ്വീ​പി​ൽ​നി​ന്ന് കൊ​ച്ചി വ​ഴി ചൊ​വ്വാ​ഴ്ച സ​ന്ധ്യ​യോ​ടെ രാ​ജ്ഭ​വ​നി​ൽ മ​ട​ങ്ങി​യെ​ത്തി​യ ഗ​വ​ർ​ണ​ർ സ​ർ​ക്കാ​റി​ന്റെ വി​ശ​ദീ​ക​ര​ണം പ​രി​ശോ​ധി​ച്ച​ശേ​ഷം തു​ട​ർ​ന​ട​പ​ടി സ്വീ​ക​രി​ക്കും. ഔ​ദ്യോ​ഗി​ക​മാ​യി നി​യ​മോ​പ​ദേ​ശം തേ​ടാ​ൻ അ​ദ്ദേ​ഹം തീ​രു​മാ​നി​ച്ചാ​ൽ നി​യ​മ​ഭേ​ദ​ഗ​തി​യു​ടെ കാ​ര്യ​ത്തി​ലെ തീ​രു​മാ​നം വീ​ണ്ടും വൈ​കും.

ലോ​കാ​യു​ക്ത ബി​ൽ നി​യ​മ​സ​ഭ​യി​ൽ അ​വ​ത​രി​പ്പി​ക്കും​മു​മ്പ്​ രാ​ഷ്ട്ര​പ​തി​യു​ടെ അം​ഗീ​കാ​രം വാ​ങ്ങി​യി​ട്ടു​ള്ള​തി​നാ​ൽ നി​യ​മ​ഭേ​ദ​ഗ​തി​ക്കും അ​ത് വേ​ണ​മെ​ന്നാ​ണ്​ പ്ര​തി​പ​ക്ഷ​വാ​ദം. 2017ൽ ​ഇ​തേ നി​യ​മ​ത്തി​ൽ പൊ​തു​പ്ര​വ​ർ​ത്ത​ക​രു​ടെ സ്വ​ത്തു​വി​വ​രം വെ​ളി​പ്പെ​ടു​ത്തു​ന്ന​തു​മാ​യി ബ​ന്ധ​പ്പെ​ട്ട് ഭേ​ദ​ഗ​തി വ​രു​ത്തി​യ​പ്പോ​ൾ രാ​ഷ്ട്ര​പ​തി​യു​ടെ മു​ൻ​കൂ​ർ അ​നു​മ​തി തേ​ടി​യി​രു​ന്നി​ല്ല. മു​ഖ്യ​മ​ന്ത്രി​യു​ടെ​യും മ​ന്ത്രി​മാ​രു​ടെ​യും നി​യ​മ​നാ​ധി​കാ​രി ഗ​വ​ർ​ണ​റാ​യി​രി​ക്കെ, സ്റ്റാ​റ്റ്യൂ​ട്ട​റി സ്ഥാ​പ​ന​മാ​യ ലോ​കാ​യു​ക്ത​ക്ക്​ അ​മി​ത​മാ​യ അ​ധി​കാ​രം ന​ൽ​കു​ന്ന​ത് ഭ​ര​ണ​ഘ​ട​ന​യു​ടെ അ​ന്ത​സ്സ​ത്ത​ക്ക്​ നി​ര​ക്കു​ന്ന​ത​ല്ലെ​ന്ന നി​യ​മോ​പ​ദേ​ശം അ​ഡ്വ​ക്ക​റ്റ് ജ​ന​റ​ലി​ൽ​നി​ന്ന് ല​ഭി​ച്ച​തി​നാ​ലാ​ണ് നി​യ​മ​ഭേ​ദ​ഗ​തി​യെ​ന്നും ഗ​വ​ർ​ണ​ർ​ക്ക്​ ന​ൽ​കി​യ ക​ത്തി​ൽ വി​ശ​ദീ​ക​രി​ക്കു​ന്നു. ലോ​കാ​യു​ക്ത അ​ന്വേ​ഷ​ണ ഏ​ജ​ൻ​സി മാ​ത്ര​മാ​ണ്. ഈ ​ഏ​ജ​ൻ​സി ക​ണ്ടെ​ത്തു​ന്ന കാ​ര്യ​ത്തി​ൽ അ​പ്പീ​ലി​നു​ള്ള അ​ധി​കാ​രം പോ​ലു​മി​ല്ലാ​ത്ത​ത് ജ​നാ​ധി​പ​ത്യ​സ്വ​ഭാ​വം ഇ​ല്ലാ​താ​ക്കും. സ്വാ​ഭാ​വി​ക നീ​തി​യു​ടെ ലം​ഘ​ന​വും ചൂ​ണ്ടി​ക്കാ​ണി​ക്ക​പ്പെ​ട്ടു. നി​യ​മ​ഭേ​ദ​ഗ​തി കേ​ന്ദ്ര​സ​ർ​ക്കാ​ർ അം​ഗീ​ക​രി​ച്ച ലോ​ക്പാ​ൽ നി​യ​മ​ത്തി​ലെ വ്യ​വ​സ്ഥ​ക​ൾ​ക്ക് വി​രു​ദ്ധ​മാ​ണോ​യെ​ന്ന​ത് രാ​ഷ്ട്ര​പ​തി പ​രി​ശോ​ധി​ക്കേ​ണ്ട​തി​ല്ല. നി​യ​മ​പ​ര​മാ​യ പ​രി​ശോ​ധ​ന ഇ​വി​ടെ ത​ന്നെ​യാ​കാ​മെ​ന്ന് റൂ​ൾ​സ് ഓ​ഫ് ബി​സി​ന​സി​ൽ വ്യ​ക്ത​മാ​ക്കു​ന്നു​ണ്ട്. ലോ​കാ​യു​ക്ത നി​യ​മം സം​സ്ഥാ​ന നി​യ​മ​വും അ​തി​ൽ ഉ​ൾ​ക്കൊ​ള്ളി​ച്ചി​രി​ക്കു​ന്ന വി​ഷ​യം ക​ൺ​ക​റ​ന്റ് സ്വ​ഭാ​വ​ത്തി​ലു​ള്ള​തു​മാ​ണ്. ലോ​കാ​യു​ക്ത എ​ന്ന​ത് ഭ​ര​ണ​ഘ​ട​നാ​സ്ഥാ​പ​ന​മ​ല്ല, മ​റി​ച്ച് അ​ർ​ധ ജു​ഡീ​ഷ്യ​ൽ സ്ഥാ​പ​നം മാ​ത്ര​മാ​ണെ​ന്നും വി​ശ​ദീ​ക​ര​ണ​ത്തി​ൽ സ​ർ​ക്കാ​ർ ചൂ​ണ്ടി​ക്കാ​ട്ടി​യ​താ​യി അ​റി​യു​ന്നു.