ലോക്സഭാ തിരഞ്ഞെടുപ്പ്: കേരളത്തിൽ ഇരു മുന്നണികളും ഒരുങ്ങി, എൽ.ഡി.എഫ് സ്ഥാനാർഥിക​ളെ ഉടനറിയാം

തി​രു​വ​ന​ന്ത​പു​രം: സംസ്ഥാനത്ത് ലോ​ക്സ​ഭ തിര​ഞ്ഞെ​ടു​പ്പി​ന് ഇടത്, വലത് മുന്നണികൾ ഒരുങ്ങി.യു.ഡി.എഫിൽ കക്ഷികൾ തമ്മിലുള്ള സീറ്റ് വിഭജന ചർച്ച അവസാനഘട്ടത്തിലാണ്. എ​ല്‍​​.ഡി.എഫ് സ്ഥാ​നാ​ർ​ഥി​കാ​ളാ​രെ​ന്ന് ഏകദേശ ധാരണയായിരിക്കുകയാണ്. ​ഈമാസം 10, 11, 12 തീ​യ​തി​ക​ളി​ലാ​യി ചേ​രു​ന്ന സി​.പി.എ​മ്മി​ന്‍റെ​യും സി​.പി.ഐ​യു​ടേ​യും യോ​ഗ​ങ്ങ​ളി​ൽ സ്ഥാനാർഥികളുടെ ചിത്രം തെളിയും. 11, 12 തീ​യ​തി​ക​ളി​ല്‍ സി​.പി.എം സം​സ്ഥാ​ന ക​മ്മി​റ്റി യോ​ഗം ചേ​രു​ന്നു​ണ്ട്. 10, 11 തീ​യ​തി​ക​ളി​ല്‍ ആ​ണ് സി​.പി.ഐ സം​സ്ഥാ​ന, നേ​തൃ​യോ​ഗ​ങ്ങ​ളും നടക്ക​ുന്നുണ്ട്.

മു​തി​ർ​ന്ന നേ​താ​ക്ക​ൾ​ക്കൊ​പ്പം പു​തു​മു​ഖ​ങ്ങ​ളും ഇ​ത്ത​വ​ണ സ്ഥാ​നാ​ർ​ഥി പ​ട്ടി​ക​യി​ൽ ഇ​ടം​പി​ടി​ക്കു​മെ​ന്ന​ാണ് സൂചന. കൊ​ല്ല​ത്ത് ഇ​ര​വി​പു​രം എം​.എൽ.എ എ. ​നൗ​ഷാ​ദ്, മു​കേ​ഷ്, ചി​ന്ത ജെ​റോം എ​ന്നി​വ​ർ സജീവ പ​രി​ഗ​ണ​ന​യി​ലു​ണ്ട്. ആ​റ്റി​ങ്ങ​ലി​ല്‍ ക​ട​കം​പ​ള്ളി സു​രേ​ന്ദ്ര​നാ​ണ് സാ​ധ്യ​ത​യെ​ന്ന് പറയുന്നു. ആ​ല​പ്പു​ഴ​യി​ല്‍ സി​റ്റിം​ഗ് എം​.പി എ.​എം ആ​രി​ഫി​ന് ത​ന്നെ​യാ​ണ് പ്ര​ഥ​മ പ​രി​ഗ​ണ​ന. ആ​ല​പ്പു​ഴ ജി​ല്ല ക​മ്മി​റ്റി​ക്ക് തോ​മ​സ് ഐ​സ​ക്കി​നെ മ​ത്സ​രി​പ്പി​ക്ക​ണ​മെ​ന്ന് താ​ൽ​പ്പ​ര്യ​മു​ള്ളതായി സംസാരമുണ്ട്. ത്രി​കോ​ണ മ​ത്സ​രം പ്ര​തീ​ക്ഷി​ക്കു​ന്ന തൃ​ശൂ​രി​ൽ സി.പി.ഐ നേതാവ് വി.​എ​സ്.​സു​നി​ൽ​കു​മാ​റി​ന് ത​ന്നെ​യാ​ണ് സാ​ധ്യ​ത.

വടകര മണ്ഡലം തിരിച്ചുപിടിക്കാൻ കെ.​കെ.​ഷൈ​ല​ജ ടീച്ചറെ മത്സരിപ്പിക്കണമെന്ന ആവശ്യം ഉയരുന്നുണ്ട്. ഇതിനിടെ, ക​ണ്ണൂ​രിൽ ടീച്ചറെ നിർത്തണമെന്നും പാർട്ടി നേതൃത്വം ആലോചിക്കുന്നുണ്ട്. പാ​ല​ക്കാ​ട് എം. ​സ്വ​രാ​ജി​നെ നിർത്തി മണ്ഡലം തിരിച്ചുപിടിക്കാൻ ശ്രമമുണ്ട്. പ​ത്ത​നം​തി​ട്ട​യി​ല്‍ തോ​മ​സ് ഐ​സ​ക്, രാ​ജു എ​ബ്ര​ഹാം എ​ന്നി​വ​രു​ടെ പേ​രു​ക​ളാണുള്ളത്. ഇ​ടു​ക്കി​യി​ല്‍ മു​ന്‍ എം​.പി. ജോ​യ്സ് ജോ​ർ​ജി​ന്‍റെ പേ​ര് സ​ജീ​വ​മാ​ണ്. എ​റ​ണാ​കു​ള​ത്ത് പൊ​തു​സ്വ​ത​ന്ത്ര​ൻ വ​ന്നേ​ക്കു​മെ​ന്നാ​ണ് അ​റി​യു​ന്ന​ത്.

പതിവിനു വിപരീതമായി കോൺഗ്രസ് ഇത്തവണ നേരത്തെ ഒരുക്കം സജീവമാക്കി. കേരളത്തിലെ 20 മണ്ഡലങ്ങളിലേക്കും കോ-ഓർഡിനേറ്റേഴ്സിനെ കഴിഞ്ഞ ദിവസം കോൺഗ്രസ് പ്രഖ്യാപിച്ചു കഴിഞ്ഞു. തിരഞ്ഞെടുപ്പു പ്രവർത്തനങ്ങൾ ഏകോപിപ്പിക്കുകയാണ് ഇവരുടെ ചുമതല. സി​റ്റിം​ഗ് എം​.പിമാരിൽ പലരെയും വീണ്ടും രംഗത്തിറക്കണമെന്ന ആലോചനയു​ം കോൺഗ്രസിനകത്ത് നടക്കുന്നുണ്ട്.