വയനാട്: രാ​ഹു​ൽ വാ​ഴും, ഭൂ​രി​പ​ക്ഷം കു​റ​ഞ്ഞാ​ലും

വ​യ​നാ​ട് മ​ണ്ഡ​ല​ത്തി​ൽ ഇ​ത്ത​വ​ണ രാ​ഹു​ൽ ഗാ​ന്ധി​യു​ടെ എ​തി​രാ​ളി​ക​ളാ​യി ദേ​ശീ​യ-​സം​സ്ഥാ​ന നേ​താ​ക്ക​ളെ​ത്തി​യെ​ന്ന​താ​ണ് വ​ലി​യ പ്ര​ത്യേ​ക​ത. എ​ൽ.​ഡി.​എ​ഫി​നാ​യി സി.​പി.​ഐ ദേ​ശീ​യ കൗ​ൺ​സി​ൽ അം​ഗം ആ​നി​രാ​ജ​യും എ​ൻ.​ഡി.​എ​ക്കാ​യി ബി.​ജെ.​പി സം​സ്ഥാ​ന പ്ര​സി​ഡ​ന്റ് കെ. ​സു​രേ​ന്ദ്ര​നും. എ​ന്നാ​ൽ, പോ​രി​ടം തു​റ​ക്കു​ന്ന​തി​ന് മു​മ്പേ പ്ര​ധാ​ന എ​തി​രാ​ളി​യാ​യ ഇ​ട​തു​പ​ക്ഷം ത​ന്നെ പി​ന്നാ​മ്പു​റ​ത്ത് പ​റ​ഞ്ഞ​ത് രാ​ഹു​ലി​ന്റെ ഭൂ​രി​പ​ക്ഷം കു​റ​ക്കു​ക​യാ​ണ് ല​ക്ഷ്യ​മെ​ന്നാ​ണ്. 2019ൽ ​രാ​ഹു​ലി​ന്റെ ഭൂ​രി​പ​ക്ഷം 4,31,770 (കി​ട്ടി​യ വോ​ട്ട്: 7,06,367). വോ​ട്ടു​വാ​ങ്ങി ജ​യി​ച്ച് പോ​യ​ത​ല്ലാ​തെ പി​ന്നീ​ട് മ​ണ്ഡ​ല​ത്തി​ലി​ല്ല, വ​യ​നാ​ടി​ന്റെ എം.​പി​യാ​യി​ട്ടും വ​ന്യ​മൃ​ഗ​ശ​ല്യ പ്ര​തി​രോ​ധ ന​ട​പ​ടി​ക​ൾ​ക്ക് കേ​ന്ദ്ര​ത്തി​ൽ സ​മ്മ​ർ​ദം ചെ​ലു​ത്തി​യി​ല്ല, ക​ർ​ണാ​ട​ക​യി​ൽ കോ​ൺ​ഗ്ര​സ് ഭ​ര​ണം വ​ന്നി​ട്ടും ബ​ന്ദി​പ്പൂ​ര്‍-​മു​ത്ത​ങ്ങ വ​ന​പാ​ത​യി​ലൂ​ടെ​യു​ള്ള രാ​ത്രി​യാ​ത്ര നി​രോ​ധ​നം ഒ​ഴി​വാ​ക്കാ​ൻ ശ്ര​മി​ച്ചി​ല്ല എ​ന്നീ ആ​രോ​പ​ണ​ങ്ങ​ളാ​ണ് എ​തി​രാ​ളി​ക​ൾ അ​വ​സാ​ന​ഘ​ട്ട​ത്തി​ലും രാ​ഹു​ലി​നെ​തി​രെ ഉ​ന്ന​യി​ക്കു​ന്ന​ത്. എ​ന്നാ​ൽ, പ്ര​ള​യ​മ​ട​ക്കം എ​ല്ലാ പ്ര​ശ്ന​ങ്ങ​ളു​ണ്ടാ​യ​പ്പോ​ഴും രാ​ഹു​ലി​ന്റെ പ​ല​വി​ധ സ​ഹാ​യ​ങ്ങ​ൾ മ​ണ്ഡ​ല​ത്തി​ലെ​ത്തി​യി​രു​ന്നു. വ​ന്യ​മൃ​ഗ ആ​ക്ര​മ​ണ​ങ്ങ​ൾ ഉ​ണ്ടാ​യ​പ്പോ​ൾ പാ​ർ​ട്ടി​ത​ല​ത്തി​ലും സ്വ​ന്തം നി​ല​ക്കും രാ​ഹു​ൽ സ​ഹാ​യ​ധ​നം ന​ൽ​കി​യെ​ന്നും ഇ​ര​ക​ൾ​ക്ക് വീ​ട് നി​ർ​മാ​ണ​മ​ട​ക്കം ന​ട​ത്തി​യെ​ന്നും യു.​ഡി.​എ​ഫ് തി​രി​ച്ച​ടി​ക്കു​ന്നു. ക​ഴി​ഞ്ഞ ദി​വ​സം വ​യ​നാ​ട്ടി​ലെ​ത്തി​യ ക​ർ​ണാ​ട​ക ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​ർ രാ​ത്രി​യാ​ത്ര വി​ല​ക്ക് നീ​ക്കു​ന്ന ന​ട​പ​ടി​ക​ൾ സ്വീ​ക​രി​ക്കു​മെ​ന്നും പ്ര​ഖ്യാ​പി​ച്ചു.

സം​സ്ഥാ​ന പ്ര​സി​ഡ​ന്റ് ത​ന്നെ സ്ഥാ​നാ​ർ​ഥി​യാ​യ​ത് ബി.​ജെ.​പി അ​ണി​ക​ളി​ൽ വ​ൻ ഉ​ണ​ർ​വു​ണ്ടാ​ക്കി​യി​ട്ടു​ണ്ട്. ക​ഴി​ഞ്ഞ​ത​വ​ണ എ​ൻ.​ഡി.​എ സ്ഥാ​നാ​ർ​ഥി ബി.​ഡി.​ജെ.​എ​സി​ന്റെ തു​ഷാ​ർ വെ​ള്ളാ​പ്പ​ള്ളി നേ​ടി​യ​ത് 78,816 വോ​ട്ടാ​ണ്. സ്വ​ന്തം വോ​ട്ടു​പോ​ലും ബി.​ജെ.​പി​ക്ക് അ​ന്ന് കി​ട്ടി​യി​ല്ല. എ​ന്നാ​ൽ, ഇ​ത്ത​വ​ണ ‘സ്വ​ന്തം’ ആ​ളാ​യ​തി​നാ​ൽ പാ​ർ​ട്ടി വോ​ട്ടു​ക​ൾ താ​മ​ര​ക്കു​ത​ന്നെ വീ​ഴും. രാ​ജ്യ​ത്തി​ന്റെ അ​ടു​ത്ത പ്ര​ധാ​ന​മ​ന്ത്രി​ക്ക് വോ​ട്ട് ന​ൽ​കാ​മെ​ന്ന് ക​രു​തി 2019ൽ ​സി.​പി.​എ​മ്മു​കാ​രു​ടെ വോ​ട്ടു​പോ​ലും രാ​ഹു​ലി​ന് കി​ട്ടി​യി​രു​ന്നു. അ​ന്ന് എ​ൽ.​ഡി.​എ​ഫി​നാ​യി മ​ത്സ​രി​ച്ച​ത് പ​രി​ചി​ത മു​ഖ​മ​ല്ലാ​തി​രു​ന്ന പി.​പി. സു​നീ​ർ ആ​യി​രു​ന്നു. നേ​ടി​യ​ത് 2,74,597 വോ​ട്ട്. ഇ​ത്ത​വ​ണ എ​ൽ.​ഡി.​എ​ഫി​നാ​യി ദേ​ശീ​യ നേ​താ​വാ​യ ആ​നി രാ​ജ ത​ന്നെ​യെ​ത്തി​യ​ത് പോ​രി​ട​ത്തി​ൽ വീ​ര്യം കൂ​ട്ടി​യി​ട്ടു​ണ്ട്.

ഇ​ൻ​ഡ്യ സ​ഖ്യ​ത്തി​ന്റെ ദേ​ശീ​യ നേ​താ​വ് ത​ന്നെ ഇ​വി​ടെ സ​ഖ്യ​ത്തി​ലെ പ്ര​ധാ​ന പാ​ർ​ട്ടി​ക​ൾ​ക്കെ​തി​രെ മ​ത്സ​രി​ക്കു​ന്നു​വെ​ന്ന ആ​രോ​പ​ണം തു​ട​ക്ക​ത്തി​ൽ കോ​ൺ​ഗ്ര​സി​നെ ബാ​ധി​ച്ചി​രു​ന്നു. രാ​ഹു​ലി​ന്റെ റോ​ഡു​ഷോ​യി​ല​ട​ക്കം മു​സ്‍ലിം ലീ​ഗി​ന്റെ കൊ​ടി​ക​ൾ ഒ​ഴി​വാ​ക്കി​യ​ത് ഉ​യ​ർ​ത്തി ലീ​ഗ് അ​ണി​ക​ളി​ൽ അ​നി​ശ്ചി​ത​ത്വം ഉ​ണ്ടാ​ക്കാ​ൻ സി.​പി.​എം കാ​ര്യ​മാ​യി ശ്ര​മി​ച്ചു. എ​ന്നാ​ൽ, ര​ണ്ട് പ്ര​ചാ​ര​ണ​ങ്ങ​ളും ക്ല​ച്ച് പി​ടി​ച്ചി​ല്ല. അ​വ​സാ​ന നി​മി​ഷ​ത്തി​ലു​ള്ള സു​രേ​ന്ദ്ര​ന്റെ വ​ര​വ് ബി.​ജെ.​പി ക്യാ​മ്പി​ൽ ആ​വേ​ശ​മു​യ​ർ​ത്തി​യി​രു​ന്നു​വെ​ങ്കി​ലും നി​ല​വി​ൽ ഓ​ളം ശ​ക്ത​മ​ല്ല.

മു​സ്‍ലിം, ക്രി​സ്ത്യ​ൻ വി​ഭാ​ഗ​ങ്ങ​ൾ​ക്ക് ന​ല്ല സ്വാ​ധീ​ന​മു​ള്ള മ​ണ്ഡ​ല​ത്തി​ൽ ഇ​രു​സ​മു​ദാ​യ​ങ്ങ​ളും യു.​ഡി.​എ​ഫി​ന്റെ ക​രു​ത്താ​ണ്. ​ക്രൈ​സ്ത​വ വോ​ട്ടു​ക​ൾ നേ​ടാ​നു​ള്ള ത​ന്ത്ര​ങ്ങ​ളു​മാ​യി ബി.​ജെ.​പി കൂ​ടി​യു​ണ്ടെ​ങ്കി​ലും ഫ​ല​സാ​ധ്യ​ത കു​റ​വ്. അ​പ്പോ​ൾ പി​ന്നെ രാ​ഹു​ലി​ന്റെ ഭൂ​രി​പ​ക്ഷം കു​റ​ക്കു​ക​യെ​ന്ന​താ​ണ് എ​തി​രാ​ളി​ക​ളു​ടെ പ​ര​മ​പ്ര​ധാ​ന​ല​ക്ഷ്യം. എ​ങ്ങ​നെ നോ​ക്കി​യാ​ലും വ​യ​നാ​ട്ടി​ൽ രാ​ഹു​ൽ രാ​ജാ​വാ​കും, ആ​നി രാ​ജ ര​ണ്ടാ​മ​തും.