സമരസംഘടനകളുടെ മത്സരഭൂമിയായി കൊല്ലം മണ്ഡലം

കൊ​ല്ലം: ഏ​റ്റ​വും അ​ധി​കം രാ​ഷ്​​ട്രീ​യ സം​ഘ​ട​ന​ക​ൾ മ​ത്സ​രി​ക്കു​ന്ന​ത്​ കൊ​ല്ലം ലോ​ക്സ​ഭ മ​ണ്ഡ​ല​ത്തി​ൽ. എ​ട്ട്​ സം​ഘ​ട​ന​ക​ളു​ടെ സ്ഥാ​നാ​ർ​ഥി​ക​ളാ​ണ്​ ഇ​വി​ടെ ശ​ക്തി പ​രീ​ക്ഷ​ണ​ത്തി​നൊ​രു​ങ്ങു​ന്ന​ത്. അ​തി​ൽ ഏ​റെ​യും സ​മ​ര സം​ഘ​ട​ന​ക​ളാ​ണെ​ന്ന പ്ര​ത്യേ​ക​ത​യു​മു​ണ്ട്. എ​ട്ടു സം​ഘ​ട​നാ സ്ഥാ​നാ​ർ​ഥി​ക​ളെ കൂ​ടാ​തെ നാ​ലു സ്വ​ത​ന്ത്ര​രും മ​ത്സ​രി​ക്കാ​നു​ണ്ട്, അ​തി​ലൊ​രാ​ൾ അ​പ​ര​നും.

യു.​ഡി.​എ​ഫി​നു​വേ​ണ്ടി ആ​ർ.​എ​സ്.​പി​യു​ടെ എ​ൻ.​കെ. പ്രേ​മ​ച​ന്ദ്ര​നും എ​ൽ.​ഡി.​എ​ഫി​നു​വേ​ണ്ടി സി.​പി.​എ​മ്മി​ന്‍റെ എം. ​മു​കേ​ഷും എ​ൻ.​ഡി.​എ​ക്കു​വേ​ണ്ടി ബി.​ജെ.​പി​യു​ടെ ജി. ​കൃ​ഷ്ണ​കു​മാ​റും മു​ന്ന​ണി സ്ഥാ​നാ​ർ​ഥി​ക​ളാ​യി ജ​ന​വി​ധി തേ​ടു​മ്പോ​ൾ ബി.​എ​സ്.​പി​ക്കു​വേ​ണ്ടി വി​പി​ൻ​ലാ​ൽ വി​ദ്യാ​ധ​ര​നാ​ണ്​ മ​ത്സ​രി​ക്കു​ന്ന​ത്. സോ​ഷ്യ​ലി​സ്റ്റ്​ യൂ​നി​റ്റി സെ​ന്‍റ​ർ ഓ​ഫ്​ ഇ​ന്ത്യ ക​മ്യൂ​ണി​സ്റ്റ്​ (എ​സ്.​യു.​സി.​ഐ) സ്ഥാ​നാ​ർ​ഥി​യാ​യി ട്വി​ങ്കി​ൾ പ്ര​ഭാ​ക​ര​ൻ. മാ​ർ​ക്സി​സ്റ്റ്​ ക​മ്യൂ​ണി​സ്റ്റ്​ പാ​ർ​ട്ടി ഓ​ഫ്​ ഇ​ന്ത്യ യു​നൈ​റ്റ​ഡ്​ (എം.​സി.​പി.​ഐ.​യു) സ്ഥാ​നാ​ർ​ഥി​യാ​യി പി. ​കൃ​ഷ്​​ണ​മ്മാ​ളാ​ണ്​ മ​ത്സ​രി​ക്കു​ന്ന​ത്. തെ​ല​ങ്കാ​ന, ​ആ​ന്ധ്ര, ബി​ഹാ​ർ, രാ​ജ​സ്ഥാ​ൻ എ​ന്നി​വി​ട​ങ്ങ​ളി​ലും മ​ത്സ​രി​ക്കു​ന്ന എം.​സി.​പി.​ഐ.​യു​വി​ന്‍റെ കേ​ര​ള​ത്തി​ലെ ഏ​ക സ്ഥാ​നാ​ർ​ഥി​യാ​ണ്​ ദേ​ശീ​യ​ത​ല​ത്തി​ൽ അ​റി​യ​പ്പെ​ടു​ന്ന തൊ​ഴി​ലാ​ളി നേ​താ​വു​കൂ​ടി​യാ​യ കൃ​ഷ്ണ​മ്മാ​ൾ.

അം​ബേ​ദ്​​ക​റൈ​റ്റ്​ പാ​ർ​ട്ടി ഓ​ഫ്​ ഇ​ന്ത്യ​യു​ടെ(​എ.​പി.​ഐ) ജോ​സ്​ സാ​രാ​നാ​ഥ്​ ആ​ണ്​ മ​റ്റൊ​രു സ്ഥാ​നാ​ർ​ഥി. എ.​പി.​ഐ​ക്ക്​ മാ​വേ​ലി​ക്ക​ര​യി​ലും പ​ത്ത​നം​തി​ട്ട​യി​ലും സ്ഥാ​നാ​ർ​ഥി​യു​ണ്ട്. ഇ​വ​രു​ടെ ദേ​ശീ​യ അ​ധ്യ​ക്ഷ​ൻ വി​ജ​യ്​ മ​ങ്ക​ർ നാ​ഗ്​​പൂ​രി​ൽ സ്ഥാ​നാ​ർ​ഥി​യാ​ണ്. വി​മു​ക്ത​ഭ​ട​ന്മാ​രും ക​ർ​ഷ​ക പ്ര​തി​നി​ധി​ക​ളും ചേ​ർ​ന്ന്​ രൂ​പ​വ​ത്​​ക​രി​ച്ച ഭാ​ര​തീ​യ ജ​വാ​ൻ കി​സാ​ൻ പാ​ർ​ട്ടി (ബി.​ജെ.​കെ.​പി)​യും കൊ​ല്ല​ത്ത്​ മ​ത്സ​രി​ക്കാ​നു​ണ്ട്. പ്ര​ദീ​പ്​ കൊ​ട്ടാ​ര​ക്ക​ര​യാ​ണ്​ സ്ഥാ​നാ​ർ​ഥി. ക​ണ്ണൂ​രും കോ​ഴി​ക്കോ​ടു​മാ​ണ്​ ബി.​ജെ.​കെ.​പി​ക്ക്​ വേ​റെ സ്ഥാ​നാ​ർ​ഥി​ക​ളു​ള്ള​ത്. ബി.​എ​സ്.​പി​ക്ക്​ വ​ട​ക​ര​യും ക​ണ്ണൂ​രു​മൊ​ഴി​ച്ച്​ എ​ല്ലാ​യി​ട​ത്തും സ്ഥാ​നാ​ർ​ഥി​ക​ളു​ണ്ട്. എ​സ്.​യു.​സി.​ഐ​ക്ക്​ എ​ട്ടു​മ​ണ്ഡ​ല​ങ്ങ​ളി​ൽ സ്ഥാ​നാ​ർ​ഥി​ക​ളു​ണ്ട്. കൊ​ല്ല​ത്തെ​ നാ​ലു​സ്വ​ത​ന്ത്ര​രി​ൽ ഒ​രാ​ളാ​യ പ്രേ​മ​ച​ന്ദ്ര​ൻ നാ​യ​ർ യു.​ഡി.​എ​ഫ്​ സ്ഥാ​നാ​ർ​ഥി എ​ൻ.​കെ. പ്രേ​മ​ച​ന്ദ്ര​ന്​ അ​പ​ര​നാ​ണ്. മ​ൺ​വെ​ട്ടി​യും മ​ൺ​കോ​രി​യും ചി​ഹ്ന​ത്തി​ൽ മ​ത്സ​രി​ക്കു​ന്ന എ​ൻ.​കെ. പ്രേ​മ​ച​ന്ദ്ര​ന്‍റെ അ​പ​ര​ന്‍റെ ചി​ഹ്നം മ​ൺ​കോ​രി​യോ​ട്​ സാ​മ്യ​മു​ള്ള ഇ​മേ​ഴ്​​സ​ൺ​റോ​ഡ്​ എ​ന്ന വാ​ട്ട​ർ ഹീ​റ്റ​റാ​ണ്. കൊ​ല്ലം ക​ഴി​ഞ്ഞാ​ൽ ഏ​റ്റ​വും അ​ധി​കം സം​ഘ​ട​ന​ക​ൾ മ​ത്സ​രി​ക്കു​ന്ന​ത്​ കോ​ട്ട​യ​ത്തും എ​റ​ണാ​കു​ള​ത്തു​മാ​ണ്, ഇ​വി​ടെ ഏ​ഴു​വീ​തം സം​ഘ​ട​ന​ക​ൾ രം​ഗ​ത്തു​ണ്ട്.