ലോക്സഭ തെരഞ്ഞെടുപ്പ് പ്രചാരണം; ഇടതുമുന്നണിക്ക് ആവേശത്തുടക്കം

കോ​ഴി​ക്കോ​ട്‌: ഔ​ദ്യോ​ഗി​ക​മാ​യി പ്ര​ഖ്യാ​പി​ച്ച് മി​നി​റ്റു​ക​ൾ​ക്കു​ള്ളി​ൽ പ്ര​ചാ​ര​ണം തു​ട​ങ്ങി ജി​ല്ല​യി​ലെ എ​ൽ.​ഡി.​എ​ഫ് സ്ഥാ​നാ​ർ​ഥി​ക​ൾ. ​വ​ട​ക​ര​യി​ലും കോ​ഴി​ക്കോ​ട്ടും സ്ഥാ​നാ​ർ​ഥി​ക​ൾ​ക്ക് വ​ര​വേ​ൽ​പ് ന​ൽ​കി. എ​ൽ.​ഡി.​എ​ഫ്‌ കോ​ഴി​ക്കോ​ട്‌ ലോ​ക്സ​ഭ മ​ണ്ഡ​ലം സ്ഥാ​നാ​ർ​ഥി എ​ള​മ​രം ക​രീ​മി​ന്‌ ന​ഗ​ര​ത്തി​ൽ തു​റ​ന്ന ജീ​പ്പി​ൽ ന​ൽ​കി​യ വ​ര​വേ​ൽ​പ് മു​ത​ല​ക്കു​ള​ത്ത്‌ സ​മാ​പി​ച്ചു. സ്ഥാ​നാ​ർ​ഥി​യാ​യി പ്ര​ഖ്യാ​പി​ച്ച ശേ​ഷ​മു​ള​ള ആ​ദ്യ പ​രി​പാ​ടി​യി​ൽ വ​ൻ ജ​ന​പ​ങ്കാ​ളി​ത്ത​മു​ണ്ടാ​യി.

നോ​ത്രാ​വ​തി എ​ക്‌​സ്‌​പ്ര​സി​ൽ വൈ​കീ​ട്ട്‌ 6.05ന്‌ ​നാ​ലാം ന​മ്പ​ർ പ്ലാ​റ്റ്ഫോ​മി​ലെ​ത്തി​യ എ​ള​മ​രം ക​രീ​മി​നെ മു​ദ്രാ​വാ​ക്യ​ങ്ങ​ളാ​ൽ പ്ര​വ​ർ​ത്ത​ക​ർ സ്വീ​ക​രി​ച്ചു. സി.​പി.​എം സം​സ്ഥാ​ന​ക​മ്മി​റ്റി അം​ഗം എ. ​പ്ര​ദീ​പ്‌ കു​മാ​ർ, ജി​ല്ല സെ​ക്ര​ട്ട​റി പി. ​മോ​ഹ​ന​ൻ, എ​ൽ.​ഡി.​എ​ഫ്‌ ജി​ല്ല ക​ൺ​വീ​ന​ർ മു​ക്കം മു​ഹ​മ്മ​ദ്‌ എ​ന്നി​വ​ർ ഷാ​ള​ണി​യി​ച്ചു. സ്‌​റ്റേ​ഷ​ൻ പ​രി​സ​ര​ത്തു പ്ര​വ​ർ​ത്ത​ക​രെ അ​ഭി​വാ​ദ്യം ചെ​യ്തു. തു​റ​ന്ന ജീ​പ്പി​ൽ മു​ത​ല​ക്കു​ള​ത്തേ​ക്കു​ള്ള യാ​ത്ര​യി​ൽ ചെ​ണ്ട വാ​ദ്യ​ങ്ങ​ളും പ്ല​ക്കാ​ർ​ഡു​ക​ളും ബാ​ന​റു​ക​ളും വ​ർ​ണ ബ​ലൂ​ണു​ക​ളു​മാ​യി സ്‌​ത്രീ​ക​ളും കു​ട്ടി​ക​ളും പ​​ങ്കെ​ടു​ത്തു. സ​മാ​പ​ന യോ​ഗ​ത്തി​ൽ എ​ള​മ​രം ക​രീം സ്ഥാ​നാ​ർ​ഥി​യാ​യ ശേ​ഷ​മു​ള്ള ആ​ദ്യ പ്ര​സം​ഗ​വും മു​ത​ല​ക്കു​ള​ത്ത് ന​ട​ത്തി.

അ​നു​കൂ​ല സാ​ഹ​ച​ര്യം-എ​ള​മ​രം ക​രീം

കോ​ഴി​ക്കോ​ട്: മ​ണ്ഡ​ല​ത്തി​ൽ അ​നു​കൂ​ല സാ​ഹ​ച​ര്യ​മാ​ണു​ള്ള​തെ​ന്ന് എ​ള​മ​രം ക​രീം എം.​പി പ​റ​ഞ്ഞു. രാ​ജ്യം നേ​രി​ടു​ന്ന ഭ​വി​ഷ്യ​ത്തു​ക്ക​ളെ​ക്കു​റി​ച്ച്‌ ജ​ന​ങ്ങ​ൾ ബോ​ധ​വാ​ന്മാ​രാ​ണ്. ഇ​ന്ത്യ​ൻ ഭ​ര​ണ​ഘ​ട​ന​യും രാ​ജ്യ​ത്തി​ന്റെ ഐ​ക്യ​വും സം​ര​ക്ഷി​ക്ക​പ്പെ​ട​ണ​മെ​ങ്കി​ൽ വി​ട്ടു​വീ​ഴ്‌​ച​യി​ല്ലാ​ത്ത നി​ല​പാ​ട്‌ ആ​വ​ശ്യ​മാ​ണ്‌.

അ​വ​സ​ര​വാ​ദ നി​ല​പാ​ട്‌ സ്വീ​ക​രി​ക്കു​ന്ന ക​ക്ഷി​ക്ക് ഈ ​പ്ര​ശ്‌​ന​ത്തി​ന്‌ പ​രി​ഹാ​ര​മു​ണ്ടാ​ക്കാ​നാ​വി​ല്ല. എ​ൽ.​ഡി.​എ​ഫ്‌ കൈ​ക്കൊ​ള്ളു​ന്ന സു​വ്യ​ക്ത​വും സു​ധീ​ര​വു​മാ​യ നി​ല​പാ​ട്‌ ജ​നം അം​ഗീ​ക​രി​ക്കും. ത​ങ്ങ​ളു​ടെ തി​ള​ക്ക​മാ​ർ​ന്ന രാ​ഷ്‌​ട്രീ​യ ന​യ​ത്തോ​ട്‌ മ​ത്സ​രി​ക്കാ​ൻ യു.​ഡി.​എ​ഫി​നോ ബി.​ജെ.​പി​ക്കോ സാ​ധ്യ​മ​ല്ലെ​ന്നും ക​രീം മു​ത​ല​ക്കു​ള​ത്ത്‌ പ​റ​ഞ്ഞു.

വടകരയിൽ ഉജ്ജ്വല വിജയം നേടും -കെ.കെ. ശൈലജ

വ​ട​ക​ര: പാ​ർ​ല​മെ​ന്റ് തെ​ര​ഞ്ഞെ​ടു​പ്പി​ൽ വ​ട​ക​ര​യി​ൽ ഉ​ജ്ജ്വ​ല വി​ജ​യം നേ​ടു​മെ​ന്ന് എ​ൽ.​ഡി.​എ​ഫ് സ്ഥാ​നാ​ഥി കെ.​കെ. ശൈ​ല​ജ. സ്ഥാ​നാ​ർ​ഥി​യാ​യി പ്ര​ഖ്യാ​പ​നം വ​ന്ന ശേ​ഷം വ​ട​ക​ര​യി​ൽ ന​ൽ​കി​യ സ്വീ​ക​ര​ണ യോ​ഗ​ത്തി​ൽ സം​സാ​രി​ക്കു​ക​യാ​യി​രു​ന്നു അ​വ​ർ.

തെ​ര​ഞ്ഞെ​ടു​പ്പി​ൽ വ​ട​ക​ര​യി​ൽ നി​ഷ്പ​ക്ഷ​രാ​യ ഒ​ട്ടേ​റെ പേ​ർ ഞ​ങ്ങ​ളോ​ടൊ​പ്പ​മു​ണ്ട് എ​ന്ന​ത് ആ​ശ്വാ​സ​ക​ര​മാ​ണ്. ഇ​ന്ത്യ​ൻ പാ​ർ​ല​മെ​ന്റി​ൽ ബി.​ജെ.​പി​യി​ത​ര സ​ർ​ക്കാ​റു​ണ്ടാ​ക്കാ​ൻ എ​ല്ലാ ജ​നാ​ധി​പ​ത്യ പാ​ർ​ട്ടി​ക​ളും സ​ഹാ​യി​ക്കു​ന്നു​ണ്ട്.

അ​ങ്ങ​നെ​യൊ​രു ഗ്രൂ​പ്പി​ന്റെ ഭാ​ഗ​മാ​യി വ​ലി​യൊ​രു മാ​റ്റ​മു​ണ്ടാ​ക്കാ​ൻ ക​ഴി​യു​മെ​ന്നാ​ണ് ഞ​ങ്ങ​ൾ ക​രു​തു​ന്ന​ത്. കോ​ൺ​ഗ്ര​സ് എ​ല്ലാ​യി​ട​ത്തും ത​ക​ര​ണ​മെ​ന്ന് ഞ​ങ്ങ​ൾ​ക്ക് ആ​ഗ്ര​ഹ​മി​ല്ല. പ​ക്ഷേ, ന​മ്മ​ളാ​ഗ്ര​ഹി​ച്ചി​ട്ട് കാ​ര്യ​മി​ല്ല.

അ​വ​ർ​ക്ക് ഭ​ര​ണ​ത്തി​ൽ വ​രാ​ൻ സീ​റ്റു​ക​ൾ ല​ഭി​ക്കി​ല്ല. പ​ല സം​സ്ഥാ​ന​ങ്ങ​ളി​ലും കോ​ൺ​ഗ്ര​സ് എം.​എ​ൽ.​എ​മാ​രും എം.​പി​മാ​രും ബി.​ജെ.​പി​യി​ലേ​ക്ക് ചേ​ക്കേ​റു​ക​യാ​ണ്. അ​ത് അ​ത്ര ഗു​ണ​ക​ര​മ​ല്ലെ​ന്നും ഇ​ട​ത് എം.​പി​മാ​രാ​ണ് വി​ജ​യി​ക്കേ​ണ്ട​തെ​ന്നും അ​ത് ഇ​ത്ത​വ​ണ​യു​ണ്ടാ​വു​മെ​ന്നും അ​വ​ർ പ​റ​ഞ്ഞു.