Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightവടകരയില്‍ ഇടതുമുന്നണി...

വടകരയില്‍ ഇടതുമുന്നണി പ്രതിയോഗിയെ തേടുന്നു

text_fields
bookmark_border
വടകരയില്‍ ഇടതുമുന്നണി പ്രതിയോഗിയെ തേടുന്നു
cancel

വടകര: ലോക്സഭ തെരഞ്ഞെടുപ്പി​​െൻറ ചിത്രം വടകരയില്‍ തെളിഞ്ഞില്ല. സി.പി.എം കണ്ണൂര്‍ ജില്ല സെക്രട്ടറി പി. ജയരാജനെ എല്‍.ഡി.എഫ് പ്രഖ്യാപിച്ചിട്ടും യു.ഡി.എഫ് സ്ഥാനാർഥി നിര്‍ണയം എങ്ങു​െമത്താത്തത്​ പ്രവര്‍ത്തകരെ കുഴക്കുകയാണ്. ക ഴിഞ്ഞ രണ്ടുതവണയായി കൈവിട്ട വടകര ഇത്തവണ തിരിച്ചുപിടിക്കാനുറച്ചാണ് പി. ജയരാജനെ എല്‍.ഡി.എഫ് രംഗത്തിറക്കിയത്. ഈ സാ ഹചര്യത്തില്‍ യു.ഡി.എഫ് സ്ഥാനാർഥിയാരാവും എന്ന ആകാംക്ഷയാണെങ്ങും. സിറ്റിങ് എം.പിയും കെ.പി.സി.സി പ്രസിഡൻറുമായ മുല്ലപ്പള്ളി രാമചന്ദ്രന്‍ വീണ്ടും ഇറങ്ങുമോയെന്നാണ് ചോദ്യം.

മത്സരിക്കാനില്ലെന്ന് മുല്ലപ്പള്ളി ആവര്‍ത്തിക്കുന്നത്​ യു.ഡി.എഫ് നേതാക്കളെയും പ്രവര്‍ത്തകരെയും കുഴക്കുന്നുണ്ട്​. എങ്കിലും ഹൈകമാൻഡ്​ നിര്‍ദേശിച്ചാല്‍ മത്സരിച്ചേക്കുമെന്ന പ്രതീക്ഷ ശക്തമാണ്​. അല്ലാത്തപക്ഷം ഡി.സി.സി പ്രസിഡൻറ്​ അഡ്വ. ടി. സിദ്ദീഖിനെ പരിഗണിക്കണമെന്ന്​ ആവശ്യപ്പെടുന്നവരും ഏറെയാണ്.

2004ല്‍ ജയരാജ​​െൻറ സഹോദരി അഡ്വ. പി. സതീദേവി ഒന്നരലക്ഷത്തിലേറെ വോട്ടിനു ജയിച്ച മണ്ഡലമാണ് 2009ല്‍ അരലക്ഷത്തിലേറെ വോട്ടിന് മുല്ലപ്പള്ളി അട്ടിമറിച്ചത്. 2014ല്‍ എ.എന്‍. ഷംസീറിനെ മൂവായിരത്തിൽപരം വോട്ടിനു മുല്ലപ്പള്ളി പരാജയപ്പെടുത്തി. പതിറ്റാണ്ടുകളായി ഇടതി​​െൻറ കൈകളില്‍ ഭദ്രമായിരുന്ന വടകര ആര്‍.എം.പി.ഐ രൂപവത്കരണത്തി​​െൻറയും വീരേന്ദ്രകുമാറി​​െൻറ നേതൃത്വത്തിലുള്ള ജനതാദള്‍ മുന്നണി വിട്ടതി​​െൻറയും പശ്ചാത്തലത്തിലാണ് നഷ്​ടമായത്. എന്നാലിപ്പോള്‍, ലോക്​ താന്ത്രിക് ജനതാദള്‍ തിരിച്ചെത്തിയ സാഹചര്യത്തില്‍ മണ്ഡലം തിരിച്ചുപിടിക്കാൻ എളുപ്പമാണെന്നാണ് കണക്കുകൂട്ടല്‍. അതേസമയം, മുന്നണി പ്രവേശനം ലഭിച്ചെങ്കിലും സീറ്റ് ലഭിക്കാത്തത് എല്‍.ജെ.ഡി പ്രവര്‍ത്തകരെ അമര്‍ഷത്തിലാക്കിയിട്ടുണ്ട്. ഇത്​ യു.ഡി.എഫിന് അനുകൂലമായി വോട്ട് ചെയ്യുന്നതിലേക്ക് നയിക്കില്ലെന്നാണ് എല്‍.ഡി.എഫ് വിലയിരുത്തല്‍.

പി. ജയരാജൻ സ്ഥാനാർഥിയായ സാഹചര്യത്തില്‍ സ്വന്തം സ്ഥാനാർഥി വേണ്ടെന്ന ചിന്ത ആര്‍.എം.പി.ഐയില്‍ ബലപ്പെട്ടിട്ടുണ്ട്. ജയരാജ​​െൻറ പരാജയം മാത്രമാണ് ആര്‍.എം.പി.ഐ ലക്ഷ്യമിടുന്നതെന്ന് നേതാക്കള്‍ പറയുന്നു. യു.ഡി.എഫ് സ്ഥാനാർഥി നിര്‍ണയത്തെ ഗൗരവത്തോടെയാണ് ആര്‍.എം.പി.ഐ ഉറ്റുനോക്കുന്നത്. എന്‍.ഡി.എ രണ്ടുദിവസത്തിനകം സ്ഥാനാര്‍ഥിയെ പ്രഖ്യാപിക്കും. മണ്ഡലത്തില്‍ ആദ്യം സ്ഥാനാർഥിയെ പ്രഖ്യാപിച്ചത് എസ്.ഡി.പി.ഐയാണ്. മുസ്തഫ കൊമ്മേരിയാണ് സ്ഥാനാർഥി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:vadakarakerala newsp jayarajanLok Sabha Electon 2019
News Summary - Lok Sabha election 2019, CPM - Vadakara- Kerala news
Next Story