ലോക്​ഡൗൺ നീക്കൽ: കോവിഡി​െൻറ മൂന്നാം വ്യാപനത്തിന്​ ഇടയാക്കുമെന്ന്​ ആശങ്ക

പത്തനംതിട്ട: ലോക്​ഡൗൺ നീക്കിയാൽ സംസ്​ഥാനത്തേക്ക്​ അന്യസംസ്​ഥാനങ്ങളിൽ നിന്നും വിദേശത്തുനിന്നും കൂട്ടത്തേ ാടെ എത്തുന്ന പ്രവാസികൾ വലിയ വെല്ലുവിളിയാകുമെന്ന്​ ആരോഗ്യവകുപ്പി​​െൻറ വിലയിരുത്തൽ. ഇത്​ സംസ്​ഥാനത്ത്​ കോവ ിഡി​​െൻറ മൂന്നാം വ്യാപനത്തിന്​ വഴിതെളിക്കുമെന്നും ചൂണ്ടികാട്ടപ്പെടുന്നു. ഒന്നര ലക്ഷത്തോളം പേരെങ്കിലും ലോ ക്​ ഡൗൺ നീങ്ങിയാലുടൻ മടങ്ങിയെത്തുമെന്നാണ്​ കണക്കാക്കുന്നത്​. കോവിഡി​​െൻറ രണ്ടാംവരവിനെയും സംസ്​ഥാനം അതിജീവിച്ച നിലയിലാണി​പ്പോൾ. അതിനിടെ പ്രവാസികൾ കൂട്ടത്തോടെ എത്തുന്നത്​ വലിയ ഭീഷണിയാകും. എത്തുന്നവരെയെല്ലാം ക്വാറൻറീനിൽ താമസിപ്പിക്കേണ്ടിവരും.

നിലവിൽ ക്വാറൻറീനിലുള്ളവർ വീടുകളിൽ തന്നെയാണ്​ തങ്ങുന്നത്​. പുതുതായി എത്തുന്നവരെ വീടുകളിൽ കഴിയാൻ അനുവദിക്കാനാവി​െല്ലന്നാണ്​ ആരോഗ്യവകുപ്പ്​ പറയുന്നത്​. ഇവർ ഓരോരുത്തരെയും പ്രത്യേകം ക്വാറൻറീൻ സെല്ലുകൾ തയാറാക്കി അവിടെ പാർപ്പിക്കണം. അല്ലെങ്കിൽ ഇവരുടെ വീടുകളിലുള്ള പ്രായമായവർക്ക്​ രോഗം പടരാൻ സാധ്യതയുണ്ട്​. എത്തുന്നവരെ ഒരുമിച്ച്​ താമസിപ്പിച്ചാൽ രോഗമുള്ളവരിൽ നിന്ന്​ ഇല്ലാത്തവരിലേക്ക്​ വ്യാപനമുണ്ടാകും. സംസ്​ഥാനത്ത്​ ഇപ്പോൾ കോവിഡ്​ മരണ നിരക്ക്​ 0.58 ശതമാനം മാത്രമാണ്​. രോഗബാധിതർ ഭൂരിഭാഗവും ചെറുപ്പക്കാരായതിനാലാണ്​ മരണനിരക്ക്​ കുറഞ്ഞിരിക്കുന്നത്​. വീടുകളിലുള്ളവർക്ക്​ രോഗബാധയുണ്ടായാൽ അത്​ ക്രമേണ സമൂഹ വ്യാപനത്തിനും കാരണമായേക്കാമെന്നും ആരോഗ്യവകുപ്പ്​ ചൂണ്ടികാട്ടുന്നു.

കോവിഡി​​െൻറ വ്യാപനം ഇപ്പോൾ സംസ്​ഥാനത്ത്​ വളരെ കുറഞ്ഞിട്ടുണ്ട്​. പ്രതിദിന രോഗവ്യാപനം ഒരാഴ്​ചയായി പത്തിൽ താഴെയാണ്​. രോഗമുക്​തരാവുന്നവരുടെ എണ്ണം കൂടിയിട്ടുമുണ്ട്​. ക്വാറൻറീനിൽ കഴിയുന്നവരുടെ എണ്ണവും ദിനംപ്രതി കുറഞ്ഞുവരികയാണ്​. നീരീക്ഷണത്തിലുള്ളവർക്ക്​ അപ്പുറം രോഗവ്യാപനം ഉണ്ടാകില്ലെന്ന ആത്​മവിശ്വാസവും ആരോഗ്യവകുപ്പിനുണ്ട്​. സമ്പർക്കത്തിലൂടെ രോഗം പകരുന്നതി​​െൻറ ശതമാനം മറ്റ്​ സംസ്​ഥാനങ്ങളിലെ നിരക്കിനെക്കാൾ കുറവാണ്​. ഇതുവരെ രോഗബാധിതരായ 345 പേരിൽ 91 പേർ മാത്രമാണ്​ സമ്പർക്കത്തിലൂടെ രോഗം ബാധിച്ചവർ. മറ്റ്​ സംസ്​ഥാനങ്ങളിലും രാജ്യങ്ങളിലും കോവിഡ്​ ബാധ അനുദിനം പെരു​കു​േമ്പാഴാണ്​ കേരളം അതിനെ പിടിച്ചുകെട്ടുന്ന നിലയിലേക്ക്​ എത്തിക്കൊണ്ടിരിക്കുന്നത്​.

പ്രവാസികൾ വീണ്ടും എത്തിത്തുടങ്ങിയാൽ ആരുമായും ഇടപഴകും മുമ്പ്​ അവരെ ക്വാറൻറീനിൽ ആക്കുവാനാകണം. അത്​ എത്രത്തോളം സാധ്യമാകും എന്നിടത്താണ്​ കോവിഡി​​െൻറ മൂന്നാം വ്യാപനം സൃഷ്​ടിക്കുന്ന ആഘാതം കുറക്കാനാവുക. വിപുലമായ ക്വാറൻറീൻ സൗകര്യം ഒരുക്കുന്നതിനുള്ള നടപടികൾ എല്ലാ ജില്ലകളിലും നടന്നുവരുന്നുണ്ട്​. ഓരോ ജില്ലയിലും ശരാശരി 10,000 പേർക്കു വീതമാണ്​ ക്വാറൻറീൻ സൗകര്യം ഒരുക്കേണ്ടിവരിക. പ്രവാസികളുടെ വരവ്​ തടയുന്നത്​ മനുഷ്യത്വപരമല്ലെന്നുമാണ്​ വിലയിരുത്തൽ.