മാ​ളു​ക​ളും ബാർബർ ഷോപ്പുകളും അടഞ്ഞുകിടക്കും; ഗ്രാ​മീ​ണ മേഖലയിൽ കട തുറക്കാം

തിരുവനന്തപുരം: സം​സ്ഥാ​ന​ത്തെ ഹോ​ട്സ്പോ​ട്ട് ഒ​ഴി​കെ ഇ​ട​ങ്ങ​ളി​ലെ ക​ട​ക​ൾ തു​റ​ക്കാൻ അനുമതിയായി. ഷോ​പ്സ് ആ​ൻ​ഡ്​ എ​സ്​​റ്റാ​ബ്ലി​ഷ്മ​​​െൻറ്​ ആ​ക്ട് പ്ര​കാ​രം ര​ജി​സ്​​റ്റ​ർ ചെ​യ്ത കോ​ർ​പ​റേ​ഷ​ൻ, മു​നി​സി​പ്പാ​ല ി​റ്റി​ക്ക് പു​റ​ത്തു​ള്ള ക​ട​ക​ൾ തു​റ​ക്കാ​മെ​ന്നാ​ണ് കേന്ദ്ര സർക്കാർ ഉ​ത്ത​ര​വ്. എന്നാൽ, കേരളത്തിൽ ന​ഗ​ര​ ങ്ങ​ളും ഗ്രാ​മ​ങ്ങ​ളും കൂ​ടി​ക്ക​ല​ർ​ന്നു കിടക്കുന്നതിനാൽ പ​ട്ട​ണ​ങ്ങ​ളെ പൂ​ർ​ണ​മാ​യും മാ​റ്റി​നി​ർ​ത്താ ​നാ​കി​ല്ലെന്നും ഹോ​ട്​​സ്പോ​ട്ട​ല്ലാ​ത്ത സ്ഥ​ല​ങ്ങ​ളി​ലെ ക​ട​ക​ൾ തു​റ​ക്കാ​നാ​ണ് തീ​രു​മാ​ന​മെ​ന്നും മു ​ഖ്യ​മ​ന്ത്രി കഴിഞ്ഞ ദിവസം പറഞ്ഞിരുന്നു.

​റെ​സി​ഡ​ന്‍ഷ്യ​ല്‍ കോം​പ്ല​ക്സു​ക​ളി​ലെ​യും മാ​ര്‍ക്ക​റ്റ് കോ​പ്ല​ക്സു​ക​ളി​ലെ​യും ഷോ​പ്സ് ആ​ൻ​ഡ്​ എ​സ്​​റ്റാ​ബ്ലി​ഷ്മ​​​െൻറ്​ ആ​ക്ട് പ്ര​കാ​ര​മു​ള്ള ക​ട​ക​ള്‍ തു​റ​ക്കാം. മു​നി​സി​പ്പ​ല്‍-​കോ​ര്‍പ​റേ​ഷ​ന്‍ പ​രി​ധി​യി​ലാ​ണെ​ങ്കി​ലും ഒ​റ്റ​പ്പെ​ട്ടു നി​ല്‍ക്കു​ന്ന ക​ട​ക​ള്‍ക്ക് തു​റ​ക്കാം. സാ​മൂ​ഹി​ക​ അ​ക​ലം കൃ​ത്യ​മാ​യി പാ​ലി​ച്ചു​വേ​ണം ക​ട​ക​ൾ തു​റ​ക്കാ​ൻ. എ​ന്നാ​ൽ മാ​ളു​ക​ളും ബാർബർ ഷോപ്പുകളും തു​റ​ക്കരുത്.

50 ശ​ത​മാ​നം ജീ​വ​ന​ക്കാ​രെ മാ​ത്രം ഉ​പ​യോ​ഗി​ച്ച് വേ​ണം ക​ട​ക​ൾ പ്ര​വ​ർ​ത്തി​ക്കാ​ൻ. ജീ​വ​ന​ക്കാ​ർ നി​ർ​ബ​ന്ധ​മാ​യും മാ​സ്ക് ധ​രി​ക്ക​ണം. ശാ​രീ​രി​ക അ​ക​ലം ന​ട​പ്പാ​ക്കു​ന്ന​തി​ന് ആ​വ​ശ്യ​മെ​ങ്കി​ൽ ക​ട​ക​ൾ​ക്ക് പൊ​ലീ​സി​​​​െൻറ സ​ഹാ​യം തേടാം.

ക​ട​ക​ൾ ശു​ചീ​ക​രി​ച്ച് അ​ണു​മു​ക്ത​മാ​ക്കിയ ശേ​ഷം തു​റ​ന്നാ​ൽ മ​തി​യെ​ന്ന് മുഖ്യമന്ത്രി നിർദേശിച്ചിരുന്നു.

ഇവ തുറക്കരുത്​:
തി​യ​റ്റ​റു​ക​ൾ, ഷോ​പ്പി​ങ്​ മാ​ളു​ക​ൾ, ബാ​ർ​ബ​ർ ഷോ​പ്പു​ക​ൾ, സ​ലൂ​ണു​ക​ൾ, മ​ദ്യ​ശാ​ല​ക​ളും വി​ല്‍പ​ന കേ​ന്ദ്ര​ങ്ങ​ളും, കൂ​ട്ടം ചേ​ര്‍ന്നു​ള്ള ക​ട​ക​ള്‍, മ​ള്‍ട്ടി ബ്രാ​ന്‍ഡ്, സിം​ഗി​ള്‍ ബ്രാ​ന്‍ഡ് ഷോ​പ്പു​ക​ള്‍, ജിം​നേ​ഷ്യം, സ്‌​പോ​ര്‍ട്ട്‌​സ് കോം​പ്ല​ക്‌​സു​ക​ള്‍, സ്വി​മ്മി​ങ്​ പൂ​ളു​ക​ള്‍, ഓ​ഡി​റ്റോ​റി​യ​ങ്ങ​ള്‍.

ഇവ തുറക്കാം:
ഗ്രാ​മീ​ണ, അ​ർ​ധ ഗ്രാ​മീ​ണ മേ​ഖ​ല​ക​ളി​ലെ ര​ജി​സ്​​റ്റ​ർ ചെ​യ്​​ത ക​ട​ക​ള്‍, റ​സി​ഡ​ന്‍ഷ്യ​ല്‍ ഏ​രി​യ​ക​ള്‍ക്കും മാ​ര്‍ക്ക​റ്റു​ക​ളോ​ടും ചേ​ർ​ന്ന ക​ട​ക​ള്‍, റ​സി​ഡ​ന്‍ഷ്യ​ല്‍ കോം​പ്ല​ക്‌​സു​ക​ളോ​ട് ചേ​ർ​ന്ന ത​യ്യ​ല്‍ ക​ട​ക​ള്‍, ന​ഗ​ര​ങ്ങ​ങ്ങ​ളി​ല്‍ റ​സി​ഡ​ന്‍ഷ്യ​ന്‍ കോം​പ്ല​ക്‌​സു​ക​ളോ​ട്​ ചേ​ര്‍ന്ന​തോ ഒ​റ്റ​ക്കു നി​ല്‍ക്കു​ന്ന​തോ ആ​യ അ​വ​ശ്യേ​ത​ര വ​സ്തു​ക്ക​ളു​ടെ വി​ല്‍പ​ന ശാ​ല​ക​ള്‍, കോ​ര്‍പ​റേ​ഷ​നു​ക​ള്‍ക്കും മു​നി​സി​പ്പാ​ലി​റ്റി​ക​ള്‍ക്കും പു​റ​ത്തു​ള്ള മാ​ര്‍ക്ക​റ്റ് കോം​പ്ല​ക്‌​സു​ക​ൾ.