Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightശനിയും ​ഞായറും കടുത്ത...

ശനിയും ​ഞായറും കടുത്ത നിയന്ത്രണം; വെള്ളിയാഴ്ച അയവ്​

text_fields
bookmark_border
kochi lockdown
cancel

തിരുവനന്തപുരം: കോവിഡ്​ വ്യാപനം തടയുന്നതിന്‍റെ ഭാഗമായി സംസ്​ഥാനത്ത്​ വരുന്ന ശനിയാഴ്ചയും ഞായറാഴ്ചയും കടുത്ത നിയന്ത്രണങ്ങൾ. എന്നാൽ, വെള്ളിയാഴ്ച നിയന്ത്രണങ്ങളിൽ ഇളവുണ്ട്​. കര്‍ശന ലോക്ഡൗണ്‍ പ്രഖ്യാപിച്ചിരിക്കുന്ന ശനി, ഞായര്‍ ദിവസങ്ങളിലേക്കാണ് പുതിയ മാര്‍ഗനിര്‍ദേശങ്ങള്‍ പ്രഖ്യാപിച്ചത്. ഈ ദിവസങ്ങളില്‍ ഹോട്ടലുകളില്‍ പാഴ്‌സല്‍, ടേക്ക് എവേ സര്‍വീസുകള്‍ അനുവദിക്കില്ല. ഹോം ഡിലിവറി മാത്രമാണ് അനുവദിക്കുക. വെള്ളിയാഴ്ച പ്രവർത്തിക്കാവുന്ന സ്​ഥാപനങ്ങൾ സംബന്ധിച്ചും നിർദേശമുണ്ട്​.

നിര്‍മാണ പ്രവര്‍ത്തനങ്ങള്‍ കര്‍ശന നിയന്ത്രണങ്ങളോടെ 12, 13 തീയതികളില്‍ അനുവദിക്കും. എന്നാല്‍ പ്രവര്‍ത്തനങ്ങള്‍ അടുത്തുള്ള പോലീസ് സ്‌റ്റേഷനില്‍ അറിയിക്കണം.

വെള്ളിയാഴ്ച പ്രവർത്തിക്കാൻ അനുമതിയുള്ളവ

  • അവശ്യവസ്തുക്കൾ വിൽക്കുന്ന സ്ഥാപനങ്ങൾ, വ്യവസായത്തിനാവശ്യമായ അസംസ്‌കൃത വസ്‌തുക്കൾ (പാക്കേജിങ് ഉൾപ്പെടെ), നിർമാണ സാമഗ്രികൾ വിൽക്കുന്ന സ്ഥാപനങ്ങൾ
  • ബാങ്കുകൾ നിലവിലുള്ളതുപോലെ പ്രവർത്തിക്കും
  • സ്‌റ്റേഷനറി, ജ്വല്ലറി, പാദരക്ഷകളുടെ ഷോറൂം, തുണിക്കടകൾ, ഒപ്‌റ്റിക്കൽസ്‌ തുടങ്ങിയ കടകൾ രാവിലെ ഏഴു മണിമുതൽ വൈകീട്ട്‌ ഏഴു വരെ
  • ബുക്ക്​​ഷോപ്പുകൾ, റിപ്പയർഷോപ്പുകൾ, ശ്രവണ സഹായികൾ വിൽക്കുന്ന കടകൾ ഉൾപ്പെടെയുള്ളവക്കും രാവിലെ ഏഴു മുതൽ വൈക​ീട്ട്​ ഏഴു​ വരെ പ്രവർത്തിക്കാം
  • വാഹനഷോറൂമുകൾ അടിയന്തര അറ്റകുറ്റപ്പണികൾക്കായി ​രാവിലെ ഏഴു മുതൽ ഉച്ചക്ക്​ രണ്ടുവരെ പ്രവർത്തിക്കാം. എന്നാൽ, വാഹന വിൽപന അനുവദിക്കില്ല
  • റബർ വ്യാപാര സ്ഥാപനങ്ങൾക്ക്​ അധിക സുരക്ഷാമാനദണ്ഡ​ങ്ങൾ പാലിച്ച്​ പ്രവർത്തിക്കാം
  • അനുവദിച്ചിട്ടുള്ള നിർമാണ പ്രവർത്തനങ്ങളിൽ ഏർപ്പെട്ടിട്ടുള്ള സൈറ്റ്​ എൻജിനീയർമാർ, സൂപ്പർവൈസർമാർ എന്നിവർക്ക്​ തിരിച്ചറിയൽ കാർഡ്​ ഉപയോഗിച്ച്​ സൈറ്റിലേക്കും തിരിച്ചും യാത്ര ചെയ്യാം
  • മൊബൈല്‍ ഫോണ്‍ റിപ്പയര്‍ചെയ്യുന്ന കടകള്‍ക്ക് തുറന്നുപ്രവര്‍ത്തിക്കാന്‍ അനുമതിയുണ്ട്.

കോവിഡ് വ്യാപനം പ്രതീക്ഷിച്ച തോതില്‍ കുറയാത്ത സാഹചര്യത്തില്‍ സംസ്ഥാനത്തെ നിലവിലെ ലോക്ഡൗണ്‍ നിയന്ത്രണങ്ങള്‍ ജൂണ്‍ 16 വരെ നീട്ടിയിരുന്നു.

Show Full Article
TAGS:lockdown 
News Summary - lockdown instructions for Saturday and sunday
Next Story