തദ്ദേശ ഉപതെരഞ്ഞെടുപ്പിൽ 78 ശതമാനം പോളിങ്
text_fieldsതിരുവനന്തപുരം: സംസ്ഥാനത്തെ 12 ജില്ലകളിലെ 28 തദ്ദേശസ്വയംഭരണ വാർഡുകളിലേക്ക് നടന്ന ഉപതെരഞ്ഞെടുപ്പിൽ 78 ശതമാനം പേർ വോട്ട് രേഖപ്പെടുത്തിയതായി സംസ്ഥാന തെരഞ്ഞെടുപ്പ് കമീഷണർ വി. ഭാസ്കരൻ അറിയിച്ചു.കണ്ണൂർ മുനിസിപ്പൽ കോർപറേഷനിലെ ഒരു വാർഡിലും വൈക്കം, ഷൊർണൂർ, ഒറ്റപ്പാലം, തലശ്ശേരി മുനിസിപ്പാലിറ്റികളിലെ ഓരോ വാർഡിലും കാസർകോട് മുനിസിപ്പാലിറ്റിയിലെ രണ്ട് വാർഡുകളിലും പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലെ 21 ഗ്രാമപഞ്ചായത്ത് വാർഡുകളിലുമായിരുന്നു ഉപതെരഞ്ഞെടുപ്പ്. വോട്ടെണ്ണൽ ബുധനാഴ്ച രാവിലെ 10ന് ആരംഭിക്കും.
പോളിങ് ശതമാനം ക്രമത്തിൽ: പത്തനംതിട്ട കടപ്ര ഗ്രാമപഞ്ചായത്തിലെ ഷുഗർ ഫാക്ടറി (59.58), കോന്നി ഗ്രാമപഞ്ചായത്തിലെ എലിയറയ്ക്കൽ (70.16), ആലപ്പുഴ അരൂക്കുറ്റി ഗ്രാമപഞ്ചായത്തിലെ ഹൈസ്കൂൾ വാർഡ് (90.98), പുളിങ്കുന്ന് ഗ്രാമപഞ്ചായത്തിലെ ചതുർഥ്യാകരി (80.53), പത്തിയൂർ ഗ്രാമപഞ്ചായത്തിലെ കരുവറ്റുംകുഴി (85.34), ദേവികുളങ്ങര ഗ്രാമപഞ്ചായത്തിലെ കുമ്പിളിശ്ശേരി (80.37), കോട്ടയം അകലകുന്നം ഗ്രാമപഞ്ചായത്തിലെ പൂവത്തിളപ്പ് (74.55), വിജയപുരം ഗ്രാമപഞ്ചായത്തിലെ നാൽപാമറ്റം (81.8), വൈക്കം മുനിസിപ്പാലിറ്റിയിലെ എൽ.എഫ് ചർച്ച് (78.46), ഇടുക്കി വണ്ടൻമേട് ഗ്രാമപഞ്ചായത്തിലെ ശാസ്തനട (73.14),
എറണാകുളം മലയാറ്റൂർ നീലീശ്വരം ഗ്രാമപഞ്ചായത്തിലെ തോട്ടുവ (83.74), തൃശൂർ മാടക്കത്തറ ഗ്രാമപഞ്ചായത്തിലെ പൊങ്ങണംകാട് (82.22), മുല്ലശ്ശേരി ഗ്രാമപഞ്ചായത്തിലെ താണവീഥി (77.72), പാലക്കാട് ഷൊർണൂർ മുനിസിപ്പാലിറ്റിയിലെ തത്തംകോട് (84.13), ഒറ്റപ്പാലം മുനിസിപ്പാലിറ്റിയിലെ ചേരിക്കുന്ന് (75.22), മലപ്പുറം പുൽപ്പറ്റ ഗ്രാമപഞ്ചായത്തിലെ തോട്ടെക്കാട് (84.35), കോഴിക്കോട് ചോറോട് ഗ്രാമപഞ്ചായത്തിലെ കൊളങ്ങാട്ട്താഴെ (83.87), വില്യാപ്പള്ളി ഗ്രാമപഞ്ചായത്തിലെ കൂട്ടങ്ങാരം (77.05), മണിയൂർ ഗ്രാമപഞ്ചായത്തിലെ എടത്തുംകര (85.55), പതിയാരക്കര (71.18),
ഉണ്ണികുളം ഗ്രാമപഞ്ചായത്തിലെ നെരോത്ത് (84.95), വയനാട് വെങ്ങപ്പള്ളി ഗ്രാമപഞ്ചായത്തിലെ കോക്കുഴി (82.87), കണ്ണൂർ രാമന്തളി ഗ്രാമപഞ്ചായത്തിലെ ഏഴിമല (78.19), കണ്ണൂർ മുനിസിപ്പൽ കോർപറേഷനിലെ എടക്കാട് (80.6), തലശ്ശേരി മുനിസിപ്പാലിറ്റിയിലെ ടെമ്പിൾ (68.8), കാസർകോട് ബളാൽ ഗ്രാമപഞ്ചായത്തിലെ മാലോം (71.58), കാസർകോട് മുനിസിപ്പാലിറ്റിയിലെ ഹൊണ്ണമൂല (71.44), തെരുവത്ത് (54.39).
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.