മുത്തങ്ങയിൽ കഞ്ചാവുമായി യുവാക്കൾ പിടിയിൽ
text_fieldsസുൽത്താൻ ബത്തേരി: മുത്തങ്ങ എക്സൈസ് ചെക്ക് പോസ്റ്റില് ചൊവ്വാഴ്ചയും കഞ്ചാവുമായി യുവാക്കൾ പിടിയിലായി. ചൊവ്വാഴ്ച രാവിലെ മുത്തങ്ങ എക്സൈസ് ചെക്ക്പോസ്റ്റില് നടത്തിയ വാഹന പരിശോധനയിൽ കര്ണാടക ബസില് യാത്ര ചെയ്തു വന്നിരുന്ന എറണാകുളം മരട് വില്ലേജില് നെട്ടൂര് പുള്ളുവള്ളിപ്പറമ്പ് നാസിഫ് നാസറി (32)നെയാണ് 300 ഗ്രാം കഞ്ചാവുമായി അറസ്റ്റ് ചെയ്തത്. തിങ്കളാഴ്ച വൈകുന്നേരവും മുത്തങ്ങയിൽ 20 ഗ്രാം കഞ്ചാവുമായി യുവാവ് പിടിയിലായിരുന്നു. കോഴിക്കോട് സ്വദേശിയായ തയ്യിൽ ദീപക് സോമനാണ്(36 ) പിടിയിലായിരുന്നത്. എക്സൈസ് സർക്കിൾ ഇൻസ്പെക്ടർ ടി. ഷറഫുദ്ദീൻ, ടി.എച്ച്. ഷഫീഖ്, പ്രിവന്റീവ് ഓഫീസർ എം.സി. ഷിജു, അബ്ദുൽ സലീം, അമൽ തോമസ്, സിത്താര, ഷാനിയ, അഖില, ശ്രീജിന എന്നിവരാണ് രണ്ടു ദിവസങ്ങളിലായി വാഹന പരിശോധന നടത്തിയത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

