എൽ.ജെ.ഡിയിൽ നിന്ന് രാജിവെച്ച് ജനതാദൾ-എസ്സിൽ ചേർന്നു

മേപ്പാടി: എൽ.ജെ.ഡി കൽപറ്റ നിയോജക മണ്ഡലം ജനറൽ സെക്രട്ടറി ഷംസുദ്ദീൻ അരപ്പറ്റയടക്കം ഏതാനും പ്രവർത്തകർ രാജിവെച്ച് ജനതാദൾ-എസ്സിൽ ചേർന്നതായി പ്രഖ്യാപിച്ചു.

രാജിവെച്ചവർ സിറ്റി ടൂറിസ്റ്റ് ഹോമിൽ യോഗം ചേരുകയും ജെ.ഡി.എസ് ജില്ല നേതാക്കൾ അവർക്ക് സ്വീകരണം നൽകുകയും ചെയ്തു.

ജെ.ഡി.എസ് മണ്ഡലം പ്രസിഡന്റ് ദാസൻ അധ്യക്ഷത വഹിച്ചു. സംസ്ഥാന സമിതിയംഗം വി.പി. വർക്കി, ജില്ല കമ്മിറ്റി അംഗം പി.ജെ. ബേബി, വിശ്വനാഥൻ, പി. കണ്ണൻകുട്ടി, പി. കുഞ്ഞുട്ടി, ഷംസുദ്ദീൻ അരപ്പറ്റ, ശിവാനന്ദൻ, ശിവൻ നത്തംകുനി എന്നിവർ സംസാരിച്ചു. അയ്യപ്പൻ സ്വാഗതം പറഞ്ഞു.