പൊൻമുടിക്കോട്ടക്കാരുടെ ഉറക്കംകെടുത്തി കടുവയും പുലിയും; ഭ​യ​ന്നു​വി​റ​ച്ച് ഇ​നി​യും എ​ത്ര​നാ​ൾ?

അ​മ്പ​ല​വ​യ​ൽ: പൊ​ൻ​മു​ടി​ക്കോ​ട്ട പ്ര​ദേ​ശ​ത്തെ ര​ണ്ടു​മാ​സ​ത്തി​ല​ധി​ക​മാ​യി ഭീ​തി​യി​ലാ​ഴ്ത്തി​യ ക​ടു​വ​ക​ളെ​യും പു​ലി​ക​ളെ​യും പി​ടി​കൂ​ടു​ന്ന​തി​ൽ വ​നം​വ​കു​പ്പ് തു​ട​രു​ന്ന അ​നാ​സ്ഥ​ക്കെ​തി​രെ പൊ​ൻ​മു​ടി​ക്കോ​ട്ട ക​ർ​മ സ​മി​തി​യു​ടെ നേ​തൃ​ത്വ​ത്തി​ൽ ചൊ​വ്വാ​ഴ്ച ന​ട​ന്ന റോ​ഡ് ഉ​പ​രോ​ധ സ​മ​ര​ത്തി​ൽ പ്ര​തി​ഷേ​ധം അ​ല​യ​ടി​ച്ചു.

വ​ള​ർ​ത്തു​മൃ​ഗ​ങ്ങ​ളെ കൊ​ന്ന് ഭ​ക്ഷി​ക്കു​ന്ന ക​ടു​വ​ക​ളെ ഉ​ൾ​പ്പെ​ടെ അ​ടി​യ​ന്ത​ര​മാ​യി പി​ടി​കൂ​ടി പ്ര​ദേ​ശ​ത്തെ ജ​ന​ങ്ങ​ളു​ടെ ഭീ​തി​യ​ക​റ്റാ​ൻ ന​ട​പ​ടി​യു​ണ്ടാ​ക​ണ​മെ​ന്നാ​വ​ശ്യ​പ്പെ​ട്ട് കൊ​ള​ഗ​പ്പാ​റ-അ​മ്പ​ല​വ​യ​ൽ റോ​ഡി​ൽ ആ​യി​രം​കൊ​ല്ലി​യി​ൽ ഒ​രു മ​ണി​ക്കൂ​റോ​ളം നീ​ണ്ട ഉ​പ​രോ​ധ സ​മ​ര​ത്തി​ൽ സ്ത്രീ​ക​ളും കു​ട്ടി​ക​ളും മു​തി​ർ​ന്ന​വ​രും ഉ​ൾ​പ്പെ​ടെ ആ​യി​ര​ത്തോ​ളം പേ​ർ പ​ങ്കാ​ളി​ക​ളാ​യി.

ക​ർ​മ​സ​മി​തി​യു​ടെ നേ​തൃ​ത്വ​ത്തി​ൽ പൊ​ൻ​മു​ടി​കോ​ട്ട കു​പ്പ​ക്കൊ​ല്ലി​യി​ൽ​നി​ന്ന് രാ​വി​ലെ പ​ത്തോ​ടെ പ്ല​ക്കാ​ർ​ഡു​ക​ളു​മേ​ന്തി മു​ദ്രാ​വാ​ക്യ​വും വി​ളി​ച്ച് നൂ​റു​ക​ണ​ക്കി​നു​പേ​ർ ആ​യി​രം​കൊ​ല്ലി​യി​ലേ​ക്ക് പ്ര​ക​ട​നം ന​ട​ത്തി. തു​ട​ർ​ന്ന് 10.10ഓ​ടെ എ​ട​ക്ക​ൽ ഗു​ഹ, പൊ​ൻ​മു​ടി​ക്കോ​ട്ട ഭാ​ഗ​ങ്ങ​ളി​ലേ​ക്കു​ള്ള റോ​ഡി​ന് സ​മീ​പ​ത്താ​യു​ള്ള കൊ​ള​ഗ​പ്പാ​റ- അ​മ്പ​ല​വ​യ​ൽ റോ​ഡി​ൽ കു​ത്തി​യി​രു​ന്ന് പ്ര​തി​ഷേ​ധ​മാ​രം​ഭി​ച്ചു.

നാ​ടു​കാ​ക്കാ​ത്ത നീ​തി​യോ​ട് വാ​ഗ്ദാ​ന​മ​ല്ല വേ​ണ്ട​ത് സു​ര​ക്ഷ​യാ​ണ്, കാ​ടും നാ​ടും വേ​ർ​തി​രി​ക്കാ​ൻ എ​ത്ര ജീ​വ​നു​ക​ൾ ന​ൽ​ക​ണം, മ​നു​ഷ്യ​നും ജീ​വി​ക്ക​ണം, നാ​ട്ടി​ൽ വേ​ണ്ട കാ​ട്ടു​നീ​തി, വ​ന്യ​മൃ​ഗ​ങ്ങ​ളി​ൽ​നി​ന്ന് നാ​ടി​നെ സം​ര​ക്ഷി​ക്കു​ക, മ​നു​ഷ്യ ജീ​വ​നേ​ക്കാ​ൾ വി​ല വ​ന്യ​മൃ​ഗ​ങ്ങ​ൾ​ക്കോ, ഇ​നി​യും എ​ത്ര​നാ​ൾ ഭ​യ​ന്ന് വി​റ​ച്ച് തു​ട​ങ്ങി​യ മു​ദ്രാ​വാ​ക്യ​ങ്ങ​ളെ​ഴു​തി​യ പ്ല​ക്കാ​ർ​ഡു​ക​ൾ കൈ​യി​ലേ​ന്തി​യും സു​ര​ക്ഷ​യാ​വ​ശ്യ​പ്പെ​ട്ടു​ള്ള മു​ദ്രാ​വാ​ക്യ​ങ്ങ​ൾ വി​ളി​ച്ചു​മു​ള്ള റോ​ഡ് ഉ​പ​രോ​ധ സ​മ​രം നി​സം​ഗ​ത തു​ട​രു​ന്ന അ​ധി​കൃ​ത​ർ​ക്കു​ള്ള താ​ക്കീ​താ​യി മാ​റി.

ഒ​രു മ​ണി​ക്കൂ​റോ​ളം നീ​ണ്ട റോ​ഡ് ഉ​പ​രോ​ധ സ​മ​ര​ത്തി​നും പൊ​തു​യോ​ഗ​ത്തി​നു​ശേ​ഷം അ​മ്പ​ല​വ​യ​ൽ ടൗ​ണി​ലേ​ക്ക് പ്ര​ക​ട​നം ന​ട​ത്തി​യ​ശേ​ഷ​മാ​ണ് ആ​ദ്യ​ഘ​ട്ട പ്ര​തി​ഷേ​ധ സ​മ​രം ക​ർ​മ സ​മി​തി അ​വ​സാ​നി​പ്പി​ച്ച​ത്. 11.10ഓ​ടെ​യാ​ണ് അ​മ്പ​ല​വ​യ​ലി​ലേ​ക്ക് പ്ര​ക​ട​നം ആ​രം​ഭി​ച്ച​ത്.

വ​ന്യ​മൃ​ഗ​ശ​ല്യം പ​രി​ഹ​രി​ക്ക​ണ​മെ​ന്നാ​വ​ശ്യ​പ്പെ​ട്ട് പ്ര​തി​ഷേ​ധ​ങ്ങ​ൾ ശ​ക്ത​മാ​യി​രു​ന്നെ​ങ്കി​ലും ആ​ദ്യ​മാ​യാ​ണ് പ്ര​ദേ​ശ​ത്തെ ജ​ന​ങ്ങ​ൾ ഒ​ന്ന​ട​ങ്കം തെ​രു​വി​ലി​റ​ങ്ങി പ്ര​ത്യ​ക്ഷ സ​മ​ര​ത്തി​ലേ​ക്ക് ക​ട​ന്ന​ത്. ഇ​തി​ന് മു​ന്നോ​ടി​യാ​യി ദി​വ​സ​ങ്ങ​ൾ​ക്ക് മു​മ്പ് സ​മ​ര പ്ര​ഖ്യാ​പ​ന ക​ൺ​വെ​ൻഷ​നും ന​ട​ന്നി​രു​ന്നു. റോ​ഡ് ഉ​പ​രോ​ധ സ​മ​ര​ത്തെ​തു​ട​ർ​ന്ന് വ​ലി​യ​രീ​തി​യി​ൽ പൊ​ലീ​സ് സ​ന്നാ​ഹ​വും പ്ര​ദേ​ശ​ത്തു​ണ്ടാ​യി​രു​ന്നു.

ജീ​വി​ക്കാ​നു​ള്ള അ​വ​കാ​ശ​ത്തി​നാ​യി വ​ന്യ​മൃ​ഗ​ങ്ങ​ളെ അ​ടി​യ​ന്ത​ര​മാ​യി പി​ടി​കൂ​ടി​യി​ല്ലെ​ങ്കി​ൽ ഡി.​എ​ഫ്.​ഒ ഓ​ഫി​സ് മാ​ർ​ച്ച്, ദേ​ശീ​യ​പാ​ത ഉ​പ​രോ​ധം എ​ന്നി​വ ഉ​ൾ​പ്പെ​ടെ​യു​ള്ള ശ​ക്ത​മാ​യ തു​ട​ർ സ​മ​ര​ങ്ങ​ളു​മാ​യി മു​ന്നോ​ട്ടു​പോ​കു​മെ​ന്ന് ക​ർ​മ​സ​മി​തി ഭാ​ര​വാ​ഹി​ക​ൾ മു​ന്ന​റി​യി​പ്പ് ന​ൽ​കി.

ക​ടു​വ​യെ​യും പു​ലി​യെ​യും അ​ടി​യ​ന്ത​ര​മാ​യി പി​ടി​കൂ​ട​ണം, പ്ര​ദേ​ശ​ത്ത് അ​ടി​യ​ന്ത​ര​മാ​യി ആ​റു കൂ​ടു​ക​ൾ സ്ഥാ​പി​ക്ക​ണം, വ​ന്യ​മൃ​ഗ​ശ​ല്യ​ത്തി​ന് ശാ​ശ്വ​ത പ​രി​ഹാ​രം ഉ​ണ്ടാ​ക​ണം, ക​ടു​വ​യെ മ​യ​ക്കു​വെ​ടി​വെ​ച്ച് പി​ടി​കൂ​ടു​ക തു​ട​ങ്ങി​യ ആ​വ​ശ്യ​ങ്ങ​ൾ റോ​ഡ് ഉ​പ​രോ​ധ സ​മ​ര​ത്തി​ൽ ഉ​ന്ന​യി​ച്ചു.

ക​ഴി​ഞ്ഞ വ​ർ​ഷം ന​വം​ബ​ർ 17നാ​ണ് പൊ​ൻ​മു​ടി​ക്കോ​ട്ട പ്ര​ദേ​ശ​ത്തെ ഭീ​തി​യി​ലാ​ഴ്ത്തി​യ പെ​ൺ​ക​ടു​വ കൂ​ട്ടി​ലാ​കു​ന്ന​ത്. അ​ന്ന് പെ​ൺ​ക​ടു​വ കൂ​ട്ടി​ലാ​യെ​ങ്കി​ലും പൊ​ൻ​മു​ടി​ക്കോ​ട്ട കേ​ന്ദ്രീ​ക​രി​ച്ച് മൂ​ന്നു ക​ടു​വ​ക​ളും ര​ണ്ടു പു​ലി​ക​ളും ഇ​പ്പോ​ഴും കൂ​ടു​ത​ൽ ഭീ​തി പ​ര​ത്ത് നി​ല​യു​റ​പ്പി​ച്ചി​ട്ടു​ണ്ടെ​ന്നാ​ണ് പ്ര​ദേ​ശ​വാ​സി​ക​ൾ പ​റ​യു​ന്ന​ത്.

ക​ടു​വ​യെ ഉ​ൾ​പ്പെ​ടെ പി​ടി​കൂ​ടു​ന്ന​തി​നാ​യി വ​നം​വ​കു​പ്പ് തി​ര​ച്ചി​ൽ ന​ട​ത്തു​ന്നു​ണ്ടെ​ങ്കി​ലും കാ​ര്യ​ക്ഷ​മ​മ​ല്ലെ​ന്നാ​ണ് ആ​രോ​പ​ണം. റോ​ഡ് ഉ​പ​രോ​ധ സ​മ​രം ജി​ല്ല പ​ഞ്ചാ​യ​ത്ത് അംഗം സു​രേ​ഷ് താ​ളൂ​ര്‍ ഉ​ദ്ഘാ​ട​നം ചെ​യ്തു. ക​ര്‍മ​സ​മി​തി ചെ​യ​ര്‍മാ​ന്‍ ഇ.​കെ. സു​രേ​ഷ് അ​ധ്യ​ക്ഷ​ത വ​ഹി​ച്ചു.