നാ​ടി​ന്റെ ഉ​റ​ക്കം കെ​ടു​ത്തി കാ​ട്ടാ​ന​ക​ൾ

പു​ൽ​പ​ള്ളി: മു​ള്ള​ൻ​കൊ​ല്ലി പ​ഞ്ചാ​യ​ത്തി​ലെ മ​ര​ക്ക​ട​വ്, പ​ഞ്ഞി​മു​ക്ക് പ്ര​ദേ​ശ​ങ്ങ​ളി​ൽ കാ​ട്ടാ​ന​യി​റ​ങ്ങി വ്യാ​പ​ക കൃ​ഷി​നാ​ശ​മു​ണ്ടാ​ക്കി. ക​ഴി​ഞ്ഞ ദി​വ​സം മ​ങ്ങാ​ട്ടു​കു​ന്നേ​ല്‍ ബേ​ബി​യു​ടെ കൃ​ഷി​യി​ട​ത്തി​ലെ കാ​ര്‍ഷി​ക വി​ള​ക​ളാ​ണ് കാ​ട്ടാ​ന ന​ശി​പ്പി​ച്ച​ത്. തോ​ട്ട​ത്തി​ലെ തെ​ങ്ങ്, ക​മു​ക്, വാ​ഴ, കാ​പ്പി, കു​രു​മു​ള​ക് തു​ട​ങ്ങി​യ വി​ള​ക​ളെ​ല്ലാം ആ​ന നി​ലം​പ​രി​ശാ​ക്കി. കൃ​ഷി​യി​ടം ന​ന​ക്കാനാ​യി സ്ഥാ​പി​ച്ച പൈ​പ്പ് ലൈ​നു​ക​ളും ന​ശി​പ്പി​ച്ചി​ട്ടു​ണ്ട്. ക​ര്‍ണാ​ട​ക വ​ന​മേ​ഖ​ല​യി​ല്‍നി​ന്നാ​ണ് കാ​ട്ടാ​ന​ക​ള്‍ ക​ബ​നി പു​ഴ​ക​ട​ന്ന് ഈ ​മേ​ഖ​ല​യി​ലേ​ക്കെ​ത്തു​ന്ന​ത്. ച​ക്ക​യു​ടെ​യും മാ​ങ്ങ​യു​ടെ​യും കാ​ല​മെ​ത്തി​യ​തോ​ടെ​യാ​ണ് ആ​ന​ശ​ല്യം രൂ​ക്ഷ​മാ​യ​ത്.

ബേ​ബി​യു​ടെ കൃ​ഷി​യി​ട​ത്തി​ന് ചു​റ്റും സ്ഥാ​പി​ച്ച വേ​ലി​യും ആ​ന​ക​ള്‍ ത​ക​ര്‍ത്തു. ക​ഴി​ഞ്ഞ വ​ര്‍ഷ​വും ഇ​തേ​സ​മ​യ​ത്ത് കാ​ട്ടാ​ന കൃ​ഷി​യി​ട​ത്തി​ലി​റ​ങ്ങി നാ​ശം​വ​രു​ത്തിയ​താ​യി ബേ​ബി പ​റ​ഞ്ഞു. അ​ന്നും തോ​ട്ട​ത്തി​ലെ സ​ക​ല​വി​ള​ക​ളും ന​ശി​പ്പി​ച്ചി​രു​ന്നു. ഇവ വീ​ണ്ടും സം​ര​ക്ഷി​ച്ച് വ​ള​ര്‍ത്തി​ക്കൊ​ണ്ടു​വ​രു​ന്ന​തി​നി​ടെ​യാ​ണ് ആ​ന​ശ​ല്യം രൂ​ക്ഷ​മാ​യ​ത്. കാ​ട്ടാ​ന​ശ​ല്യം​മൂ​ലം കൃ​ഷി ചെ​യ്ത് ജീ​വി​ക്കാ​ന്‍ ക​ഴി​യാ​ത്ത സാ​ഹ​ച​ര്യ​മാ​ണെ​ന്നാ​ണ് പ്ര​ദേ​ശ​ത്തെ ക​ര്‍ഷ​ക​ര്‍ പ​റ​യു​ന്ന​ത്.

അ​തി​ര്‍ത്തി മേ​ഖ​ല​യി​ലെ വൈ​ദ്യു​തി വേ​ലി​യ​ട​ക്കം പ്ര​തി​രോ​ധ സം​വി​ധാ​ന​ങ്ങ​ള്‍ ദു​ർ​ബ​ല​മാ​ണ്. പ്ര​തി​രോ​ധ സം​വി​ധാ​ന​ങ്ങ​ൾ ശ​ക്തി​പ്പെ​ടു​ത്തി വ​ന്യ​മൃ​ഗ​ങ്ങ​ളു​ടെ ശ​ല്യം ത​ട​യാ​ന്‍ വ​നം​വ​കു​പ്പ് അ​ധി​കൃ​ത​ര്‍ ത​യാ​റാ​ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

പു​ഴ​മൂ​ല വീ​ട്ടു​മു​റ്റ​ത്ത് വീ​ണ്ടും കാ​ട്ടാ​ന

മേ​പ്പാ​ടി : പു​ഴ​മൂ​ല ജ​ന​വാ​സ മേ​ഖ​ല​യി​ൽ വ്യാ​ഴാ​ഴ്ച രാ​ത്രി വീ​ണ്ടും കാ​ട്ടാ​ന​യെ​ത്തി. വീ​ട്ടു​മു​റ്റ​ത്തെ​ത്തി​യ കാ​ട്ടു​കൊ​മ്പ​നെ നാ​ട്ടു​കാ​ർ ടോ​ർ​ച്ച​ടി​ച്ചും ഒ​ച്ച​യി​ട്ടും ഓ​ടി​ച്ചു​വി​ടു​ക​യാ​യി​രു​ന്നു.

പു​ഴ​മൂ​ല, പു​ഴ​മൂ​ല-22 പ്ര​ദേ​ശ​ത്ത് കാ​ട്ടാ​ന​ക​ൾ വി​ഹ​രി​ക്കാ​ത്ത ഒ​റ്റ രാ​ത്രി പോ​ലു​മി​ല്ല എ​ന്ന് പ്ര​ദേ​ശ​വാ​സി​ക​ൾ പ​റ​യു​ന്നു. ക​ഴി​ഞ്ഞ പ​ല ദി​വ​സ​ങ്ങ​ളി​ലാ​യി നെ​ല്ലി​മു​ണ്ട, പാ​റ​ക്കം​വ​യ​ൽ പ്ര​ദേ​ശ​ങ്ങ​ളി​ലും കാ​ട്ടാ​ന​ക​ൾ ജ​ന​വാ​സ മേ​ഖ​ല​ക​ളി​ലി​റ​ങ്ങി കാ​ർ​ഷി​ക വി​ള​ക​ൾ വ്യാ​പ​ക​മാ​യി ന​ശി​പ്പി​ച്ചി​രു​ന്നു. പ്ര​ദേ​ശ​ത്ത് എ​ല്ലാ ദി​വ​സ​വും കാ​ട്ടാ​ന സാ​ന്നി​ധ്യ​മു​ണ്ട്.