കാട്ടാനകൾ വീട് തകർത്തു: റേഞ്ച്​​ ഓഫിസ് ഉപരോധിച്ചു

ഗൂഡല്ലൂർ: കാട്ടാനക്കൂട്ടം ആദിവാസിയുടെ വീട് തകർത്തു. ആനകളിൽ നിന്ന് ജനങ്ങൾക്ക് സുരക്ഷ ഏർപ്പെടുത്തണമെന്നാവശ്യപ്പെട്ട് നാട്ടുകാർ റേ​ഞ്ച്​ ഓഫിസ് ഉപരോധിച്ചു. ചേരമ്പാടി കുളിവയൽ കോളനിയിലെ കൃഷ്ണൻകുട്ടിയുടെ വീടാണ് ആനകൾ തകർത്തത്. ഇയാളുടെ ഭാര്യയും ആറു മക്കളും കിടന്നുറങ്ങുേമ്പാഴാണ്​ ആക്രമണം. പരിസരത്തുള്ളവർ ഒച്ചവെച്ച് ആനകളെ വിരട്ടുകയായിരുന്നു.

ജനപ്രതിനിധികൾ വീട് സന്ദർശിച്ചു. ഉപരോധക്കാരുമായി പഞ്ചായത്ത് പ്രസിഡൻറ് ലില്ലി ഏലിയാസും വനപാലകരും പൊലീസും സമാധാന ചർച്ച നടത്തിയതോടെ ഉപരോധം പിൻവലിച്ചു. ഗൂഡല്ലൂർ എം.എൽ.എ ദ്രാവിഡ മണിയും വീട് സന്ദർശിച്ചു.