കാട്ടാന വീട് പൊളിച്ച് നാശനഷ്ടം വരുത്തി

ഗൂഡല്ലൂർ: പുളിയംപാറ കത്തിരിതോട് മുരുകദാസിന്റെ വീട് കാട്ടാന നശിപ്പിച്ചു. ബുധനാഴ്ച രാത്രിയാണ് സംഭവം. ആന വീടിന്‍റെ വാതിൽ തകർത്തു ഉള്ളിൽ കയറുകയും അരിയും വെല്ലവും തിന്ന് നശിപ്പിക്കുകയും ചെയ്തു.

സംഭവസമയം വീട്ടിൽ ആരുമുണ്ടായിരുന്നില്ല. കുടുംബാഗങ്ങൾ സമീപത്തെ വീട്ടിലാണ് താമസിച്ചിരുന്നത്. അതിനാൽ അനിഷ്ട സംഭവങ്ങൾ ഉണ്ടായില്ല.