കാ​ട്ടാ​ന​യെ മ​യ​ക്കു​വെ​ടിവെ​ച്ച് പി​ടി​കൂ​ടി; മു​തു​മ​ല​യി​ലെ​ത്തി​ച്ച് മെ​രു​ക്കും

ഗൂ​ഡ​ല്ലൂ​ർ: ഗൂ​ഡ​ലൂ​രി​ലെ ഒ​വേ​ലി​യി​ൽ 12 പേ​രെ കൊ​ല​പ്പെ​ടു​ത്തി​യ കാ​ട്ടാ​ന​യെ മ​യ​ക്കു​വെ​ടി വെ​ച്ച് പി​ടി​കൂ​ടി. പ​ഞ്ചാ​യ​ത്തി​ലെ ചൂ​ണ്ടി, ഡെ​ൽ​ഹൗ​സ്, ഗു​യി​ൻ​ഡ് ഉ​ൾ​പ്പെ​ടെ​യു​ള്ള ഭാ​ഗ​ത്ത് നി​ര​വ​ധി പേ​രെ ആ​ക്ര​മി​ച്ച ആ​ന​യെ​യാ​ണ് തമിഴ്നാട് വ​നം​വ​കു​പ്പാണ് പി​ടി​കൂ​ടി​യ​ത്. ചൊ​വ്വാ​ഴ്ച 1.30നാ​ണ് നാ​ല് കു​ങ്കി​യാ​ന​ക​ളു​ടെ സ​ഹാ​യ​ത്തോ​ടെ വ​ള​ഞ്ഞ​ത്.

ആ​ദ്യ മ​യ​ക്കു​വെ​ടി​യേ​റ്റ ആ​ന കു​റ​ച്ചു​ദൂ​രം ഓ​ടി. ര​ണ്ടാ​മ​ത്തെ മ​യ​ക്കു​വെ​ടി​യി​ലാ​ണ് ആ​ന മ​യ​ങ്ങി​യ​ത്. തു​ട​ർ​ന്ന് താ​പ്പാ​ന​ക​ളു​ടെ നി​യ​ന്ത്ര​ണ​ത്തി​ലാ​ക്കു​ക​യും വ​നം​വ​കു​പ്പ് ത​യാ​റാ​ക്കി​യ പ്ര​ത്യേ​ക വാ​ഹ​ന​ത്തി​ൽ മു​തു​മ​ല ക​ടു​വ സ​ങ്കേ​ത​ത്തി​ലെ അ​ഭ​യാ​ര​ണ്യം ക്യാ​മ്പി​ലെ ആ​ന​ക്കൊ​ട്ടി​ലി​ൽ എ​ത്തി​ക്കു​ക​യാ​യി​രു​ന്നു.

ക​ഴി​ഞ്ഞ 15ന് ​കൊ​മ്പ​നെ പി​ടി​കാ​നൂ​ടാ​നു​ള്ള ഉ​ത്ത​ര​വ് വ​നം​വ​കു​പ്പ് വൈ​ൽ​ഡ് ലൈ​ഫ് വാ​ർ​ഡ​ൻ പു​റ​പ്പെ​ടു​വി​ച്ച​ത്. എ​ട്ടു ദി​വ​സ​മാ​യി നൂ​റോ​ളം വ​ന​പാ​ല​ക​ർ ഓ​വേ​ലി ഭാ​ഗ​ത്ത് ആ​ന​യെ പി​ടി​കൂ​ടാ​ൻ ഒ​രു​ക്ക​ങ്ങ​ൾ ന​ട​ത്തു​ക​യാ​യി​രു​ന്നു. ചൊ​വ്വാ​ഴ്ച എ​ല്ലാ​മ​ല-​സു​ഭാ​ഷ്ന​ഗ​ർ ഭാ​ഗ​ത്ത് പാ​ടി​ക​ൾ​ക്ക് സ​മീ​പം വെ​റ്റ​റി​ന​റി ഡോ​ക്ട​റു​ടെ നേ​തൃ​ത്വ​ത്തി​ൽ ആ​ന​യെ പി​ടി​കൂ​ടി​യ​ത്. പ്ര​ദേ​ശ​വാ​സി​ക​ളാ​യ നി​ര​വ​ധി പേ​രാ​ണ് ആ​ന​യെ ത​ള​ക്കു​ന്ന​ത് കാ​ണാ​നെ​ത്തി​യ​ത്.

അ​തേ​സ​മ​യം ആ​ന​യെ താ​പ്പാന​യാ​ക്കി മാ​റ്റാ​ൻ തീ​രു​മാ​ന​മെ​ടു​ത്തി​ട്ടി​ല്ലെ​ന്നും കോ​ള​ർ ഐ.​ഡി പി​ടി​പ്പി​ച്ച് മു​തു​മ​ല വ​ന​ത്തി​ൽ തു​റ​ന്നു​വി​ടു​മെ​ന്നും പ​റ​യു​ന്നെ​ങ്കി​ലും ഔ​ദ്യോ​ഗി​ക സ്ഥി​തീ​ക​ര​ണം ല​ഭി​ച്ചി​ട്ടി​ല്ല. അ​തേ​സ​മ​യം, കാ​ട്ടാ​ന പി​ടി​യി​ലാ​യ​തോ​ടെ പ്ര​ദേ​ശ​വാ​സി​ക​ൾ ആ​ശ്വാ​സ​ത്തി​ലാ​ണ്. അ​വ​സാ​ന​മാ​യി എ​സ്റ്റേ​റ്റ് സൂ​പ്പ​ർ​വൈ​സ​ർ ഷം​സു​ദ്ദീ​നെ​യാ​ണ് കാ​ട്ടാ​ന അ​വ​സാ​ന​മാ​യി കൊ​ല​പ്പെ​ടു​ത്തി​യ​ത്. ഇ​തോ​ടെ ജ​ന​രോ​ഷം ശ​ക്ത​മാ​വു​ക​യാ​യി​രു​ന്നു. തു​ട​ർ​ന്ന് ആ​ന​യെ പി​ടി​കൂ​ടാ​നു​ള്ള ഉ​ത്ത​ര​വ് ഇ​റ​ങ്ങി​യ​ത്.