ഉ​രു​ൾ ത​ക​ർ​ത്ത​ത് തോ​ട്ടം​തൊ​ഴി​ലാ​ളി​ക​ളു​ടെ ജീ​വി​തം കൂ​ടി​യാ​യി​രു​ന്നു

നാ​ടി​ന്റെ വേ​ദ​ന​യാ​യ മു​ണ്ട​ക്കൈ ഉ​രു​ൾ​പൊ​ട്ട​ലി​ന് ഒ​രു വ​ർ​ഷം ക​ഴി​ഞ്ഞു. 41 തോ​ട്ടം​തൊ​ഴി​ലാ​ളി​ക​ളാ​ണ് മ​രി​ച്ച​ത്. ദു​ര​ന്ത പ്ര​ദേ​ശ​ങ്ങ​ളി​ൽ ന​ല്ലൊ​രു ശ​ത​മാ​ന​വും തോ​ട്ടം മേ​ഖ​ല​യാ​യി​രു​ന്നു. നി​ര​വ​ധി തൊ​ഴി​ലാ​ളി​ക​ൾ, അ​വ​രു​ടെ കു​ടും​ബ​ങ്ങ​ൾ, തു​ച്ഛ​മാ​യ വേ​ത​ന​ത്തി​ൽ പ​ണി​യെ​ടു​ത്ത് കു​ടും​ബം പു​ല​ർ​ത്തി​യി​രു​ന്ന​വ​ർ. അ​വ​രു​ടെ നെ​ഞ്ച​ക​ത്തി​ലൂ​ടെ​യാ​യി​രു​ന്നു 2024 ജൂ​ലൈ 30ന് ​ഉ​രു​ൾ​പൊ​ട്ടി​യൊ​ലി​ച്ച​ത്. എ​ന്നാ​ൽ, അ​വ​രു​ടെ ജീ​വി​തം മാ​ത്രം അ​ധി​കം ച​ർ​ച്ച​യാ​യി​ല്ല. ഉ​രു​ൾ ദു​ര​ന്തം തോ​ട്ടം​തൊ​ഴി​ലാ​ളി​ക​ളു​ടെ ജീ​വി​തം കൂ​ടി​യാ​യി​രു​ന്നു കീ​ഴ്മേ​ൽ മ​റി​ച്ച​ത്. ദു​ര​ന്ത​ത്തി​നു​ശേ​ഷ​മു​ണ്ടാ​യ അ​വ​രു​ടെ തൊ​ഴി​ൽ പ്ര​തി​സ​ന്ധി​യും തൊ​ഴി​ലാ​ളി​ക​ളു​ടെ ജീ​വി​ത​വും സം​ബ​ന്ധി​ച്ച് ‘മാ​ധ്യ​മം’ ന​ട​ത്തി​യ അ​ന്വേ​ഷ​ണം ഇ​ന്നു​മു​ത​ൽ

മു​ണ്ട​ക്കൈ, ചൂ​ര​ൽ​മ​ല ഉ​രു​ൾ ദു​ര​ന്ത​ത്തി​ന് ഒ​രാ​ണ്ട് ക​ഴി​ഞ്ഞ​പ്പോ​ഴും ആ ​പ്ര​ദേ​ശ​ങ്ങ​ളി​ലു​ള്ള തോ​ട്ടം തൊ​ഴി​ലാ​ളി​ക​ളു​ടെ തൊ​ഴി​ലും ജീ​വി​ത​വും ഇ​ന്നും പ്ര​തി​സ​ന്ധി​യി​ൽ​ത​ന്നെ. ഹാ​രി​സ​ൺ​സ് മ​ല​യാ​ളം സെ​ന്റി​ന​ൽ റോ​ക്ക് എ​സ്റ്റേ​റ്റാ​ണ് പ്ര​ദേ​ശ​ത്ത് ഏ​റ്റ​വും കൂ​ടു​ത​ൽ തൊ​ഴി​ലാ​ളി​ക​ൾ ജോ​ലി ചെ​യ്യു​ന്ന തേ​യി​ല​ത്തോ​ട്ടം. പു​ത്തു​മ​ല, ചൂ​ര​ൽ​മ​ല, അ​ട്ട​മ​ല, മു​ണ്ട​ക്കൈ, ഫാ​ക്ട​റി ഡി​വി​ഷ​ൻ എ​ന്നി​വി​ട​ങ്ങ​ളി​ലാ​യി 400ൽ​പ​രം തൊ​ഴി​ലാ​ളി​ക​ൾ ഈ ​ക​മ്പ​നി​ക്കു കീ​ഴി​ൽ ജോ​ലി ചെ​യ്യു​ന്നു.

വ​ന​റാ​ണി, റാ​ണി​മ​ല, ക​രി​മ​റ്റം തു​ട​ങ്ങി​യ തോ​ട്ട​ങ്ങ​ൾ കൂ​ടി​യാ​കു​മ്പോ​ൾ ആ​യി​ര​ത്തോ​ളം തൊ​ഴി​ലാ​ളി​ക​ൾ പ്ര​ത്യ​ക്ഷ​മാ​യി തോ​ട്ടം മേ​ഖ​ല​യെ ആ​ശ്ര​യി​ച്ച് ഉ​രു​ൾ ദു​ര​ന്ത പ്ര​ദേ​ശ​ങ്ങ​ളി​ൽ ജോ​ലി ചെ​യ്യു​ന്നു​ണ്ട്. പ​രോ​ക്ഷ​മാ​യി നൂ​റു​ക​ണ​ക്കി​നാ​ളു​ക​ളും തോ​ട്ട​ങ്ങ​ളെ ആ​ശ്ര​യി​ച്ച് ഉ​പ​ജീ​വ​നം ക​ഴി​ക്കു​ന്നു​ണ്ട്. ദു​ര​ന്ത​ത്തി​ൽ മു​ണ്ട​ക്കൈ, പു​ഞ്ചി​രി​മ​ട്ടം പ്ര​ദേ​ശ​ത്തെ നി​ര​വ​ധി ചെ​റു പാ​ല​ങ്ങ​ൾ ത​ക​ർ​ന്നു. അ​തു​മൂ​ലം എ​സ്റ്റേ​റ്റി​ന്റേ​താ​യ വാ​ഹ​ന​ങ്ങ​ൾ ഓ​ടാ​ൻ ക​ഴി​യാ​ത്ത​ത് പ​ച്ച​ത്തേ​യി​ല​യു​ടെ ച​ര​ക്കു​നീ​ക്കം അ​സാ​ധ്യ​മാ​ക്കി.

ചൂ​ര​ൽ​മ​ല​യി​ലെ ഫാ​ക്ട​റി ഉ​രു​ൾ ദു​ര​ന്ത​ത്തി​നു​ശേ​ഷം പ്ര​വ​ർ​ത്തി​ക്കു​ന്നി​ല്ല. ത​മി​ഴ്നാ​ട്ടി​ലെ ഫാ​ക്ട​റി​ക​ളി​ലേ​ക്ക് പ​ച്ച​ത്തേ​യി​ല കൊ​ണ്ടു​പോ​കു​ന്ന​തും ദു​ഷ്ക​ര​മാ​യി. ശ​ക്ത​മാ​യ മ​ഴ​യു​ള്ള​പ്പോ​ൾ ബെ​യ് ലി ​പാ​ല​ത്തി​ന​പ്പു​റം ചൂ​ര​ൽ​മ​ല, ഫാ​ക്ട​റി, മു​ണ്ട​ക്കൈ ഡി​വി​ഷ​നു​ക​ളി​ൽ തൊ​ഴി​ലാ​ളി​ക​ൾ​ക്ക് ജോ​ലി​ക്കി​റ​ങ്ങാ​ൻ ക​ഴി​യു​ന്നു​മി​ല്ല.

ചെ​റു പാ​ല​ങ്ങ​ൾ പ​ല​തും ത​ക​ർ​ന്ന​തോ​ടെ അ​ട്ട​മ​ല തേ​യി​ല​ത്തോ​ട്ട​ങ്ങ​ളി​ലേ​ക്ക് തൊ​ഴി​ലാ​ളി​ക​ൾ​ക്ക് എ​ത്തി​ച്ചേ​രു​ക അ​സാ​ധ്യ​മാ​യി​ത്തീ​ർ​ന്നു. ബെ​യ് ലി ​പാ​ല​ത്തി​ന​പ്പു​റ​ത്തേ​ക്ക് ക​ട​ക്കാ​ൻ വാ​ഹ​ന​ങ്ങ​ൾ​ക്ക് അ​നു​മ​തി നി​ഷേ​ധി​ക്കു​ന്ന സാ​ഹ​ച​ര്യ​മാ​ണ് പ​ല​പ്പോ​ഴും. മേ​ഖ​ല​യി​ലെ മ​റ്റു തോ​ട്ട​ങ്ങ​ളി​ൽ ജോ​ലി ചെ​യ്യു​ന്ന തൊ​ഴി​ലാ​ളി​ക​ൾ​ക്കും ഈ ​കാ​ല​യ​ള​വി​ൽ ജോ​ലി ചെ​യ്യാ​ൻ ക​ഴി​യാ​ത്ത സാ​ഹ​ച​ര്യ​മു​ണ്ടാ​യി. ഉ​രു​ൾ ദു​ര​ന്തം എ​ച്ച്.​എം.​എ​ല്ലി​നു​ത​ന്നെ 13.5 കോ​ടി രൂ​പ​യു​ടെ നാ​ശ​ന​ഷ്ട​മു​ണ്ടാ​ക്കി​യെ​ന്നാ​ണ് ക​ണ​ക്ക്. ഈ ​നി​ല​യി​ൽ തോ​ട്ട​ങ്ങ​ൾ ന​ട​ത്തി​കൊ​ണ്ടു​പോ​കു​ന്ന​ത് ന​ഷ്ടം സ​ഹി​ച്ചാ​ണെ​ന്നാ​ണ് എ​സ്റ്റേ​റ്റ് മാ​നേ​ജ്മെ​ന്റു​ക​ൾ പ​റ​യു​ന്ന​ത്. തോ​ട്ടം പൂ​ർ​ണ​മാ​യി അ​ട​ച്ചി​ടേ​ണ്ട സാ​ഹ​ച​ര്യ​മു​ണ്ടാ​യാ​ൽ ത​ങ്ങ​ൾ എ​ന്ത് ചെ​യ്യു​മെ​ന്നാ​ണ് തൊ​ളി​ലാ​ളി​ക​ളു​ടെ ഉ​ള്ളു​നീ​റു​ന്ന ചോ​ദ്യം.

എ​ല്ലാ ദി​വ​സ​വും പ​ണി​യു​ണ്ടോ...? ഒ​രു നി​ശ്ച​യ​വു​മി​ല്ല

കാ​ലാ​വ​സ്ഥ വ്യ​തി​യാ​നം മൂ​ല​മു​ള്ള നി​ര​ന്ത​ര മ​ഴ തൊ​ഴി​ലാ​ളി​ക​ൾ​ക്ക് തു​ട​ർ​ച്ച​യാ​യി ജോ​ലി​ക്കി​റ​ങ്ങാ​ൻ ത​ട​സ്സ​മാ​കു​ന്നു എ​ന്ന​ത് വ​ലി​യ പ്ര​ശ്ന​മാ​ണ്. നൂ​റു​ക​ണ​ക്കി​ന് തൊ​ഴി​ലാ​ളി​ക​ളെ​യും അ​വ​രു​ടെ കു​ടും​ബ​ങ്ങ​ളെ​യും നേ​രി​ട്ടും അ​തി​ലേ​റെ ആ​ളു​ക​ളെ പ​രോ​ക്ഷ​മാ​യും ഇ​ത് ബാ​ധി​ക്കു​ന്നു. ഒ​രു ദി​വ​സം ജോ​ലി ചെ​യ്താ​ൽ അ​ടു​ത്ത ദി​വ​സം ജോ​ലി​യു​ണ്ടോ എ​ന്ന​തി​ന് ഒ​രു നി​ശ്ച​യ​വു​മി​ല്ല. അ​പ്ര​തീ​ക്ഷി​ത​മാ​യാ​ണ് റെ​ഡ് അ​ല​ർ​ട്ട് പ്ര​ഖ്യാ​പി​ക്ക​പ്പെ​ടു​ന്ന​തും ബെ​യ് ലി ​പാ​ല​ത്തി​ന​പ്പു​റ​ത്തേ​ക്ക് പ്ര​വേ​ശ​ന വി​ല​ക്ക് ഏ​ർ​പ്പെ​ടു​ത്തു​ന്ന​തും.

അ​തി​തീ​വ്ര മ​ഴ പ്ര​വ​ചി​ക്ക​പ്പെ​ടു​മ്പോ​ൾ തോ​ട്ട​ങ്ങ​ളി​ൽ ജോ​ലി​ക്കി​റ​ങ്ങാ​ൻ തൊ​ഴി​ലാ​ളി​ക​ൾ ഭ​യ​പ്പെ​ടേ​ണ്ട സാ​ഹ​ച​ര്യ​മാ​ണ്. ക​ഴി​ഞ്ഞ ര​ണ്ടു​മാ​സ​ത്തി​ലേ​റെ​യാ​യി ശ​ക്ത​മാ​യ മ​ഴ പെ​യ്യു​മ്പോ​ൾ ഇ​ട​ക്കി​ടെ റെ​ഡ് അ​ല​ർ​ട്ടു​ണ്ടാ​കു​മ്പോ​ൾ തൊ​ഴി​ലാ​ളി​ക​ൾ​ക്ക് പ്ര​വേ​ശ​ന​വി​ല​ക്കാ​യി​രു​ന്നു. എ​ച്ച്.​എം.​എ​ൽ ഉ​ട​മ​സ്ഥ​ത​യി​ലു​ള്ള തേ​യി​ല​ത്തോ​ട്ട​ങ്ങ​ൾ, മ​റ്റു സ്വ​കാ​ര്യ ഉ​ട​മ​സ്ഥ​ത​യി​ലു​ള്ള തേ​യി​ല, കാ​പ്പി, ഏ​ലം തോ​ട്ട​ങ്ങ​ൾ എ​ന്നി​വ​യി​ലെ​ല്ലാം ജോ​ലി ചെ​യ്യു​ന്ന സ്ഥി​രം തൊ​ഴി​ലാ​ളി​ക​ളും അ​ന്ത​ർ സം​സ്ഥാ​ന തൊ​ഴി​ലാ​ളി​ക​ളു​മെ​ല്ലാം ക​ഴി​ഞ്ഞ ഒ​രു വ​ർ​ഷ​ത്തി​നി​ട​ക്ക് പ​ല​ത​വ​ണ ജോ​ലി​ക്കി​റ​ങ്ങാ​ൻ ക​ഴി​യാ​തെ​യാ​യ​വ​രാ​ണ്. അ​തു​മൂ​ലം അ​വ​ർ​ക്കു​ണ്ടാ​യി​ട്ടു​ള്ള വ​രു​മാ​ന ന​ഷ്ട​വും വ​ള​രെ വ​ലു​താ​ണ്.

ഉ​രു​ൾ​പൊ​ട്ട​ൽ, അ​വ​ർ​ക്ക് ജീ​വ​നും ജീ​വി​ത​വും ന​ഷ്ടം

എ​ല്ലാ പ്ര​കൃ​തി ദു​ര​ന്ത​ങ്ങ​ളും തോ​ട്ടം​തൊ​ഴി​ലാ​ളി​ക​ൾ​ക്ക് പേ​ടി സ്വ​പ്ന​മാ​ണ്. 2019ലെ ​പു​ത്തു​മ​ല ഉ​രു​ൾ​പൊ​ട്ട​ലി​ൽ എ​ച്ച്.​എം.​എ​ല്ലി​ന്റെ തൊ​ഴി​ലാ​ളി​ക​ളും പാ​ടി​ക​ളും ന​ഷ്ട​മാ​യി. മു​ണ്ട​ക്കൈ​യി​ൽ മ​ണ്ണി​ടി​ഞ്ഞു വീ​ണാ​ണ് പാ​ടി​ക​ൾ ത​ക​ർ​ന്ന​ത്. തു​ട​ർ​ന്ന്, 2020ലെ ​മു​ണ്ട​ക്കൈ ഉ​രു​ൾ​പൊ​ട്ട​ലി​ൽ പു​ഞ്ചി​രി​മ​ട്ട​ത്തെ മൂ​ന്ന് വീ​ടു​ക​ളും ചെ​റു പാ​ല​ങ്ങ​ളും ത​ക​ർ​ന്നു. 2024 ജൂ​​​ലൈ 30ലെ ​മു​ണ്ട​ക്കൈ-​ചൂ​ര​ൽ​മ​ല ഉ​രു​ൾ​പൊ​ട്ട​ലി​ൽ എ​ച്ച്.​എം.​എ​ല്ലി​ന്റെ 41 തൊ​ഴി​ലാ​ളി​ക​ൾ മ​രി​ച്ച​താ​യാ​ണ് ക​ണ​ക്ക്. അ​ഞ്ചു​പേ​ർ​ക്ക് ഗു​രു​ത​ര പ​രി​ക്കു​ണ്ടാ​യി. അ​തി​ൽ ര​ണ്ടു​പേ​ർ​ക്ക് തു​ട​ർ ചി​കി​ത്സ അ​ത്യാ​വ​ശ്യ​മാ​ണ്.

ദു​ര​ന്ത​ മു​ന്ന​റി​യി​പ്പ് സം​വി​ധാ​നം പേ​രി​ന് മാ​ത്രം

പ്ര​ഖ്യാ​പ​ന​ങ്ങ​ളു​ണ്ടാ​യെ​ങ്കി​ലും ദു​ര​ന്ത​മു​ന്ന​റി​യി​പ്പ് സം​വി​ധാ​ന​ങ്ങ​ളൊ​ന്നും പ്ര​ദേ​ശ​ത്ത് ഇ​ത്ര നാ​ളാ​യി​ട്ടും സ്ഥാ​പി​ച്ചി​ട്ടി​ല്ല. മ​ഴ​യു​ടെ അ​ള​വ് രേ​ഖ​പ്പെ​ടു​ത്തു​ന്ന മ​ഴ​മാ​പി​നി​പോ​ലും സ്ഥാ​പി​ച്ചി​ട്ടു​ള്ള​ത് എ​ച്ച്.​എം.​എ​ൽ ക​മ്പ​നി​യാ​ണ്. അ​വി​ടെ​നി​ന്നാ​ണ് മ​ഴ​യു​ടെ ക​ണ​ക്ക് സ​ർ​ക്കാ​റി​നു​പോ​ലും ല​ഭി​ക്കു​ന്ന​ത്.

തു​ട​രും