ആശുപത്രി കെട്ടിടത്തിൽ കടന്നൽ കൂട്; നിരവധി പേർക്ക് കുത്തേറ്റു

വൈത്തിരി: വൈത്തിരി ബസ്‍സ്റ്റാൻഡിനടുത്തുള്ള സ്വകാര്യ ആശുപത്രി കെട്ടിടത്തിന്റെ മേൽക്കൂരയിൽ കൂടുകൂട്ടിയ കടന്നലുകൾ പരിസരവാസികൾക്ക് ഭീഷണിയാവുന്നു. പരിസരപ്രദേശത്തുള്ള പലർക്കും ഇതിനോടകം കടന്നലിന്റെ കുത്തേറ്റിട്ടുണ്ട്. വനം വകുപ്പ്, അഗ്നിരക്ഷസേന, വൈത്തിരി പഞ്ചായത്ത് എന്നിവരെ വിവരമറിയിച്ചുവെങ്കിലും തിരിഞ്ഞുനോക്കിയില്ലെന്ന്‌ പരാതിയുണ്ട്.