എ​ന്ന് തീ​രും വൈ​ത്തി​രി​യി​ലെ പൊ​ലീ​സു​കാ​രു​ടെ ക​ഷ്ട​പ്പാ​ട്?

വൈ​ത്തി​രി: മ​ഹാ​മാ​രി​യി​ലും പ്ര​ള​യ​ത്തി​ലും​പെ​ട്ട് വൈ​ത്തി​രി​യി​ലെ പൊ​ലീ​സ് സ്റ്റേ​ഷ​ൻ കെ​ട്ടി​ടം ത​ക​ർ​ന്നി​ട്ട് അ​ഞ്ചു വ​ർ​ഷം തി​ക​യു​മ്പോ​ഴും പ​ക​രം നി​ർ​മി​ക്ക​പ്പെ​ട്ട കെ​ട്ടി​ട​ത്തി​ന്റെ പ​ണി പൂ​ർ​ത്തീ​ക​രി​ക്കാ​ത്ത​തി​നാ​ൽ അ​റു​പ​തോ​ളം പൊ​ലീ​സു​കാ​ർ നി​ന്നു​തി​രി​യാ​നി​ട​മി​ല്ലാ​തെ ദുരിതത്തിൽ. അ​ഞ്ചു വ​ർ​ഷം മു​മ്പ് അ​ർ​ധ​രാ​ത്രി​യി​ൽ അ​ന്ന​ത്തെ കെ​ട്ടി​ട​ത്തി​ന്റെ ഒ​രു ഭാ​ഗം ത​ക​ർ​ന്ന് ഒ​ലി​ച്ചു​പോ​യ​തോ​ടെ​യാ​ണ് പൊ​ലീ​സ് സ്റ്റേ​ഷ​ന്റെ പ്ര​വ​ർ​ത്ത​നം നൂ​റ്റാ​ണ്ടി​ല​ധി​കം പ​ഴ​ക്ക​മു​ള്ള സി.​ഐ​യും എ​സ്.​ഐ​യും താ​മ​സി​ച്ചി​രു​ന്ന കെ​ട്ടി​ട​ത്തി​ലേ​ക്ക് താ​ൽ​ക്കാ​ലി​ക​മാ​യി മാ​റ്റി​യ​ത്.

തൊ​ട്ട​ടു​ത്ത വ​ർ​ഷം ത​ന്നെ പു​തി​യ കെ​ട്ടി​ട​ത്തി​ന്റെ നി​ർ​മാ​ണ​ത്തി​ന് ആ​ശു​പ​ത്രി ജ​ങ്ഷ​നി​ൽ തു​ട​ങ്ങാ​ൻ അ​നു​മ​തി​യാ​വു​ക​യും ചെ​യ്തു. തു​ട​ർ​ന്ന് ഹാ​ബി​റ്റാ​റ്റ് നി​ർ​മാ​ണ ക​മ്പ​നി​ക്കു ക​രാ​ർ ല​ഭി​ക്കു​ക​യും മൂ​ന്നു​നി​ല കെ​ട്ടി​ട​ത്തി​ന്റെ പ​ണി 50 ശ​ത​മാ​ന​ത്തി​ല​ധി​കം പൂ​ർ​ത്തീ​ക​രി​ക്കു​ക​യും ചെ​യ്തു. പി​ന്നീ​ട് സ​ർ​ക്കാ​റി​ൽനി​ന്നും ഫ​ണ്ട് ല​ഭി​ക്കു​ന്നി​ല്ലെ​ന്ന കാ​ര​ണം കാ​ണി​ച്ചു ക​രാ​റു​കാ​ർ പ​ണി നി​ർ​ത്തി​പ്പോ​കു​ക​യും ചെ​യ്തു.

നീ​ണ്ട ഇ​ട​വേ​ള​ക്കു ശേ​ഷം മു​ൻ ജി​ല്ല പൊ​ലീ​സ് സൂ​പ്ര​ണ്ട് ആ​ർ. ആ​ന​ന്ദ് പ്ര​ശ്ന​ത്തി​ലി​ട​പെ​ടു​ക​യും എ​ത്ര​യും പെ​ട്ടെ​ന്ന് പ​ണി​പൂ​ർ​ത്തീ​ക​രി​ക്കാ​ൻ ക​രാ​റു​കാ​ർ​ക്ക് നി​ർ​ദേ​ശം ന​ൽ​കു​ക​യും ചെ​യ്തി​രു​ന്നു. എ​ന്നാ​ൽ, കു​റ​ച്ചു പ​ണി​കൂ​ടി തീ​ർ​ത്ത​ത​ല്ലാ​തെ മ​റ്റൊ​ന്നും ന​ട​ന്നി​ല്ല. സ​ർ​ക്കാ​റി​ൽനി​ന്നും ഫ​ണ്ടൊ​ന്നും ക​രാ​റു​കാ​ർ​ക്ക് ല​ഭി​ച്ച​തു​മി​ല്ല. വ​നി​ത​ക​ള​ട​ക്ക​മു​ള്ള പൊ​ലീ​സു​കാ​ർ പ​ഴ​യ, ചോ​ർ​ന്നൊ​ലി​ക്കു​ന്ന കെ​ട്ടി​ട​ങ്ങ​ളി​ൽ ഇ​രി​ക്കാ​ൻ പോ​ലും ക​ഴി​യാ​തെ ഏ​റെ ക​ഷ്ട​പ്പെ​ടു​ക​യാ​ണ്. വൈ​ത്തി​രി പൊ​ലീ​സ് സ്റ്റേ​ഷ​നൊ​പ്പം പ​ണി തു​ട​ങ്ങി​യ തൊ​ണ്ട​ർ​നാ​ട് പൊ​ലീ​സ് സ്റ്റേ​ഷ​ന്റെ​യും പ​ന​മ​രം പൊ​ലീ​സ് സ്റ്റേ​ഷ​ന്റെ​യും ഉ​ദ്‌​ഘാ​ട​നം മാ​സ​ങ്ങ​ൾ​ക്കു മു​മ്പ് ക​ഴി​ഞ്ഞു.

കെ​ട്ടി​ട​ത്തി​ന്റെ പ​ണി​ക​ൾ മു​ക്കാ​ൽ ഭാ​ഗ​വും ക​ഴി​ഞ്ഞി​ട്ടു​ണ്ടെ​ങ്കി​ലും സ​ർ​ക്കാ​റി​ൽനി​ന്നും ഫ​ണ്ട് ല​ഭി​ക്കാ​ത്ത​തി​നാ​ലാ​ണ് പൂ​ർ​ത്തീ​ക​രി​ക്കാ​ൻ ക​ഴി​യാ​ത്ത​തെ​ന്ന് ഹാ​ബി​റ്റാ​റ്റ് ക​ൺ​സ്ട്ര​ക്ഷ​ൻ ക​മ്പ​നി​യു​ടെ എ​ൻ​ജി​നീ​യ​ർ അ​റി​യി​ച്ചു. ബ്രി​ട്ടീ​ഷു​കാ​രു​ടെ കാ​ല​ത്തു നി​ർ​മി​ച്ച ​കെ​ട്ടി​ട​ത്തി​ലാ​ണ് പൊ​ലീ​സ് സ്റ്റേ​ഷ​ന്റെ പ്ര​വ​ർ​ത്ത​നം. പ​ല​യി​ട​ത്തും ചോ​ർ​ന്നൊ​ലി​ക്കു​ന്ന അ​വ​സ്ഥ​യി​ലാ​ണ്. കാ​ന്റീ​ൻ, വ​സ്ത്രം മാ​റു​ന്ന മു​റി, വി​ശ്ര​മ മു​റി​ക​ൾ ഒ​ന്നും ഈ ​കെ​ട്ടി​ട​ങ്ങ​ളി​ലി​ല്ല. ജി​ല്ല​യി​ൽ കൂ​ടു​ത​ൽ റി​സോ​ർ​ട്ടു​ള്ള​ത് വൈ​ത്തി​രി പൊ​ലീ​സ് സ്റ്റേ​ഷ​ൻ പ​രി​ധി​യി​ലാ​ണ്. ജി​ല്ല​യി​ൽ മാ​വോ​യി​സ്റ്റ് ഭീ​ഷ​ണി നേ​രി​ടു​ന്ന സ്റ്റേ​ഷ​നു​ക​ളി​ൽ ഒ​ന്നാ​ണ് ഈ ​സ്റ്റേ​ഷ​ൻ.