വയനാട്​ മെ​ഡിക്കൽ കോ​ള​ജ്: ആ​ക്​​ഷ​ൻ ക​മ്മി​റ്റി​ക​ളു​ടെ പൊ​തു​വേ​ദി​യു​ണ്ടാ​ക്കും

ക​ൽ​പ​റ്റ: വ​യ​നാ​ട് ഗ​വ. മെ​ഡി​ക്ക​ൽ കോ​ള​ജ് വ​യ​നാ​ട്ടു​കാ​ർ​ക്ക് വേ​ണ്ടി​യാ​വ​ണം, അ​ത് ജി​ല്ല​യു​ടെ മ​ധ്യ​ഭാ​ഗ​ത്ത് സൗ​ക​ര്യ​പ്ര​ദ​മാ​യ സ്ഥ​ല​ത്താ​വ​ണം എ​ന്നീ ആ​വ​ശ്യ​മു​ന്ന​യി​ച്ച് ജി​ല്ല​യി​ലെ വി​വി​ധ ഭാ​ഗ​ങ്ങ​ളി​ലെ ആ​ക്​​ഷ​ൻ ക​മ്മി​റ്റി​ക​ൾ പൊ​തു​വേ​ദി രൂ​പ​വ​ത്ക​രി​ച്ച് പ്ര​ക്ഷോ​ഭ​ത്തി​നൊ​രു​ങ്ങു​ന്നു.

വ​യ​നാ​ട് ഗ​വ. മെ​ഡി​ക്ക​ൽ കോ​ള​ജി​ന് അ​നു​യോ​ജ്യ​മാ​യ സ്ഥ​ലം ക​ണ്ണൂ​ർ ജി​ല്ല അ​തി​ർ​ത്തി​യി​ലെ ബോ​യ്സ് ടൗ​ൺ അ​ല്ല, വ​യ​നാ​ടിെൻറ മ​ധ്യ​ഭാ​ഗ​ത്ത് എ​ൻ.​എ​ച്ച് 766 നോ​ടു​ചേ​ർ​ന്ന മു​ട്ടി​ൽ നോ​ർ​ത്ത് വി​ല്ലേ​ജി​ലെ വാ​ര്യാ​ടു​ള്ള 65 ഏ​ക്ക​ർ സ​ർ​ക്കാ​ർ ഭൂ​മി​യാ​ണ്.

സ​ർ​ക്കാ​ർ മെ​ഡി​ക്ക​ൽ കോ​ള​ജ് വ​യ​നാ​ടി​ന് ഉ​പ​കാ​ര​പ്പെ​ടു​ന്ന രീ​തി​യി​ൽ അ​വി​ടെ സ്ഥാ​പി​ക്ക​ണ​മെ​ന്നാ​വ​ശ്യ​പ്പെ​ട്ട് തു​ട​ർ​പ്ര​വ​ർ​ത്ത​ന​ങ്ങ​ൾ ഏ​കീ​ക​രി​ക്കു​ന്ന​തി​ന് ഞാ​യ​റാ​ഴ്ച വൈ​കീ​ട്ട് നാ​ലി​ന് ക​ൽ​പ​റ്റ ടൗ​ൺ​ഹാ​ളി​ന് സ​മീ​പം വ്യാ​പാ​ര​ഭ​വ​നി​ൽ ചേ​രു​ന്ന യോ​ഗ​ത്തി​ൽ ക​ർ​മ​സ​മി​തി രൂ​പ​വ​ത്ക​രി​ക്കും.

താ​ൽ​പ​ര്യ​മു​ള്ള മു​ഴു​വ​നാ​ളു​ക​ളും യോ​ഗ​ത്തി​ൽ പ​ങ്കെ​ടു​ക്ക​ണ​മെ​ന്ന് താ​ൽ​ക്കാ​ലി​ക ഭാ​ര​വാ​ഹി​ക​ളാ​യ ജോ​ണി പാ​റ്റാ​നി, ഇ. ​ഹൈ​ദ്രു, അ​ഡ്വ. ടി.​എം. റ​ഷീ​ദ്, ടി​ജി ചെ​റു​തോ​ട്ടി​ൽ, എം.​എ. അ​സൈ​നാ​ർ, ബാ​ബു പ​ഴു​പ്പ​ത്തൂ​ർ, മോ​ഹ​ൻ ന​വ​രം​ഗ്, പി.​വൈ. മ​ത്താ​യി, സി.​കെ. സ​മീ​ർ എ​ന്നി​വ​ർ അ​റി​യി​ച്ചു.