മുള്ളൻപാറ പള്ളിയിൽ രാജ‍ന്‍റെയും കുടുംബത്തിന്‍റെയും നോമ്പുതുറ

വൈത്തിരി: പഴയ വൈത്തിരി മുള്ളൻപാറ മസ്ജിദിൽ മതസൗഹാർദം ഊട്ടിയുറപ്പിച്ച് നെല്ലിക്കാൻകണ്ടി രാജനും കുടുംബവും നടത്തിയ വിഭവസമൃദ്ധമായ നോമ്പുതുറ ശ്രദ്ധേയമായി. നോമ്പ് തുറക്കാനുള്ള എല്ലാ വിഭവങ്ങളും പള്ളിയിൽ നേരിട്ടെത്തിച്ച് രാജനും സഹോദരൻ എൻ.കെ. ബാബുവും വിതരണം ചെയ്തു.

പള്ളി ഇമാം ജാഫറലി വാഖഫി, സൈഫുല്ല, സി.എ. ഫസൽ, അരുൺ ബാബു, രാജിൻ രാജൻ, അബ്ദുൽ സമദ്, സി.പി. അഷ്‌റഫ്, അൻസിൽ, സലിം അലി, സൽമാൻ, ഷമീർ, സിറാജ് എന്നിവർ നേതൃത്വം നൽകി.