പൂ​ക്കോ​ട് ത​ടാ​ക​ക്ക​ര​യി​ലെ ക​ളി​ക്കോ​പ്പു​ക​ൾ ഉ​പ​യോ​ഗ​ശൂ​ന്യം

വൈ​ത്തി​രി: കൂ​ടു​ത​ൽ സ​ന്ദ​ർ​ക​രെ​ത്തു​ക​യും കൂ​ടു​ത​ൽ വ​രു​മാ​നം ല​ഭി​ക്കു​ക​യും ചെ​യ്യു​ന്ന പൂ​ക്കോ​ട് ത​ടാ​ക​ത്തി​ൽ ന​വീ​ക​ര​ണ പ്ര​വൃ​ത്തി​ക​ൾ മാ​ത്രം ന​ട​ക്കു​ന്നി​ല്ല. ക​ര​യി​ലു​ള്ള കു​ട്ടി​ക​ളു​ടെ പാ​ർ​ക്കി​ലെ യ​ന്ത്ര സാ​മ​ഗ്രി​ക​ൾ കേ​ടു​വ​ന്നി​ട്ടും അ​റ്റ​കു​റ്റ​പ​ണി​ക​ളി​​ല്ലെ​ന്നാ​ണ് പ​രാ​തി. യ​ന്ത്ര സാ​മ​ഗ്രി​ക​ളി​ൽ ന​ല്ലൊ​രു പ​ങ്കും ദ്ര​വി​ച്ചും തു​രു​മ്പെ​ടു​ത്തും പ​ല ക​ഷ്ണ​ങ്ങ​ളാ​യി. ക​ളി സ്ഥ​ല​ത്തേ​ക്കെ​ത്തു​ന്ന കു​ട്ടി​ക​ൾ​ക്ക് അ​പ​ക​ട​മു​ണ്ടാ​ക്കും വി​ധ​മാ​ണ് ഇ​വ കി​ട​ക്കു​ന്ന​ത്.

ഇ​തു​മൂ​ലം ത​ടാ​ക​ത്തി​ലെ​ത്തു​ന്ന സ​ഞ്ചാ​രി​ക​ൾ കു​ട്ടി​ക​ളെ ക​ളി സ്ഥ​ല​ത്തേ​ക്കു വി​ടാ​റി​ല്ല. ഇ​ക്കാ​ര്യ​ത്തി​ൽ സ​ഞ്ചാ​രി​ക​ൾ പ​ല​പ്പോ​ഴും ജീ​വ​ന​ക്കാ​രോ​ട് ത​ട്ടി​ക്ക​യ​റു​ക പ​തി​വാ​ണ്. ആ​ർ​ക്കും വേ​ണ്ടാ​ത്ത അ​വ​സ്ഥ​യി​ലാ​ണ് കു​ട്ടി​ക​ൾ​ക്ക് വേ​ണ്ടി ല​ക്ഷ​ങ്ങ​ൾ ചെ​ല​വ​ഴി​ച്ചു നി​ർ​മി​ച്ച ക​ളി​ക്കോ​പ്പു​ക​ളും യ​ന്ത്ര​സാ​മ​ഗ്രി​ക​ളും. ല​ക്ഷ​ക്ക​ണ​ക്കി​ന് രൂ​പ വ​രു​മാ​ന​മു​ള്ള പൂ​ക്കോ​ട് ത​ടാ​കം ജി​ല്ലാ ടൂ​റി​സം പ്ര​​മോ​ഷ​ൻ കൗ​ൺ​സി​ലി​ന്റെ (ഡി.​ടി.​പി.​സി) കീ​ഴി​ലാ​ണ്.

ജി​ല്ല​യി​ലെ എ​ക്കോ ടൂ​റി​സം കേ​ന്ദ്ര​ങ്ങ​ളി​ൽ പ​ല​തും മാ​സ​ങ്ങ​ളാ​യി അ​ട​ഞ്ഞു​കി​ട​ക്കു​ക​യാ​ണ്. ഉ​ള്ള​വ ന​ല്ല​രീ​തി​യി​ൽ കൊ​ണ്ടു ന​ട​ക്കാ​ൻ ഡി.​ടി.​പി.​സി​ക്കാ​വു​ന്നു​മി​ല്ല.

കോ​ടി​ക​ൾ ചെ​ല​വ​ഴി​ച്ച് ന​ട​ത്തി​യ ത​ടാ​ക​ത്തി​ലെ ച​ളി​യും പാ​യ​ലും വാ​ര​ൽ ക​ണ്ണി​ൽ പൊ​ടി​യി​ട​ലാ​യി. ത​ടാ​ക​ത്തി​ന്റെ പ​കു​തി​യോ​ളം ഭാ​ഗം ഇ​പ്പോ​ഴും പാ​യ​ൽ നി​റ​ഞ്ഞ നി​ല​യി​ലാ​ണ്. ബോ​ട്ടു സ​വാ​രി​ക്കാ​ർ​ക്ക് പാ​യ​ൽ അ​പ​ക​ട ഭീ​ഷ​ണി​യു​യ​ർ​ത്തു​ന്നു​ണ്ട്.

ജി​ല്ല​യി​ലെ​ത്തു​ന്ന വി​നോ​ദ സ​ഞ്ചാ​രി​ക​ൾ ഇ​പ്പോ​ൾ പൂ​ക്കോ​ട് ത​ടാ​കം സ​ന്ദ​ർ​ശി​ക്കാ​ൻ വി​മു​ഖ​ത കാ​ട്ടു​ക​യാ​ണ്. വൈ​ത്തി​രി​യി​ലെ സ്വ​കാ​ര്യ പാ​ർ​ക്കു​ക​ൾ​ക്കാ​ണ് ഇ​തി​ന്റെ നേ​ട്ടം.