കുടിവെള്ളമില്ല; പഴയ വൈത്തിരിയിൽ ജനം ദുരിതത്തിൽ

വൈ​ത്തി​രി: കേ​ര​ള വാ​ട്ട​ർ അ​തോ​റി​റ്റി​യു​ടെ കു​ടി​വെ​ള്ള​ത്തെ ആ​ശ്ര​യി​ച്ചു ക​ഴി​യു​ന്ന പ​ഴ​യ വൈ​ത്തി​രി, മു​ള്ള​ൻ​പാ​റ, ക​ച്ചേ​രി​പ്പാ​റ ഭാ​ഗ​ങ്ങ​ളി​ലെ ജ​ന​ങ്ങ​ൾ ദു​രി​ത​ത്തി​ൽ. ഇ​ക്ക​ഴി​ഞ്ഞ വി​ഷ​ുവി​നും ഇ​പ്പോ​ൾ പെ​രു​ന്നാ​ളി​നും പ്ര​ദേ​ശ​ത്തു​കാ​ർ​ക്ക് കു​ടി​വെ​ള്ളം കി​ട്ടാ​ക്ക​നി​യാ​യി മാ​റി​യി​രി​ക്കു​ക​യാ​ണ്. ഒ​രു മാ​സ​ത്തി​ല​ധി​ക​മാ​യി ഈ ​ഭാ​ഗ​ങ്ങ​ളി​ൽ അ​തോ​റി​റ്റി​യു​ടെ വെ​ള്ളം ആ​വ​ശ്യ​ത്തി​ന് ല​ഭി​ക്കു​ന്നി​ല്ല. മൂ​ന്നും നാ​ലും ദി​വ​സ​ങ്ങ​ളി​ലൊ​രി​ക്ക​ൽ മാ​ത്ര​മാ​ണ് വെ​ള്ളം പൈ​പ്പി​ലൂ​ടെ വ​രുക. അ​തും മ​ണി​ക്കൂ​റു​ക​ൾ​ക്ക​കം നി​ല​ക്കു​ക​യും ചെ​യ്യും. വ​ര​ൾ​ച്ച​യും ക​ടു​ത്ത ചൂ​ടും നി​ല​നി​ൽ​ക്കു​ന്ന സാ​ഹ​ച​ര്യ​ത്തി​ൽ കു​ടി​വെ​ള്ളംകൂ​ടി കി​ട്ടാ​താ​വു​ന്ന​തോ​ടെ നി​ര​വ​ധി കു​ടും​ബ​ങ്ങ​ളാ​ണ് ദു​രി​തം പേ​റു​ന്ന​ത്. ജ​ല​ അ​തോ​റി​റ്റി​യു​ടെ ക​ൽ​പ​റ്റ ഓ​ഫി​സു​മാ​യി ത​ദ്ദേ​ശ​വാ​സി​ക​ൾ നി​ര​വ​ധി ത​വ​ണ ബ​ന്ധ​പ്പെ​ട്ടെ​ങ്കി​ലും പ​രി​ഹാ​ര​ന​ട​പ​ടി​ക​ളു​ണ്ടാ​യി​ല്ലെ​ന്ന് മാ​ത്ര​മ​ല്ല വെ​ള്ളം ല​ഭി​ക്കാ​ത്ത​തി​ന്റെ കാ​ര​ണ​വും അ​റി​യി​ക്കു​ന്നി​ല്ലെ​ന്ന് നാ​ട്ടു​കാ​ർ പ​റ​യു​ന്നു.

വൈ​ത്തി​രി​യി​ൽ മു​ന്നൂ​റി​ല​ധി​കം കു​ടും​ബ​ങ്ങ​ൾ​ക്കാ​യു​ള്ള ആ​ശു​പ​ത്രി​ക്ക​ടു​ത്തു​ള്ള പ​ഴ​യ കി​ണ​റി​ൽനി​ന്നാ​ണ് വെ​ള്ളം പ​മ്പു​ചെ​യ്യു​ന്ന​ത്. വൈ​ത്തി​രി ടൗ​ണി​ൽ മി​ക്ക​വാ​റും എ​ല്ലാ​യി​ട​ത്തും വെ​ള്ളം ല​ഭ്യ​മാ​കു​ന്നു​ണ്ടെ​ങ്കി​ലും വൈ​ത്തി​രി മു​ത​ൽ പ​ഴ​യ വൈ​ത്തി​രി ഭാ​ഗ​ത്തേ​ക്കാ​ണ് വെ​ള്ള​പ്ര​ശ്നം രൂ​ക്ഷ​മാ​യി അ​നു​ഭ​വ​പ്പെ​ടു​ന്ന​ത്. ഹൈ​സ്‌​കൂ​ൾ റോ​ഡി​ൽ വൈ.​എം.​സി.​എ​യു​ടെ സ​മീ​പം പു​തി​യ കി​ണ​റും അ​തോ​ട​നു​ബ​ന്ധി​ച്ച് കം​പ്ര​സ​റും നി​ർ​മി​ച്ചി​ട്ട് മാ​സ​ങ്ങ​ളാ​യെ​ങ്കി​ലും ഇ​തി​ൽ​നി​ന്നും വെ​ള്ളം വി​ത​ര​ണം ന​ട​ക്കു​ന്നി​ല്ല. ഉ​യ​ർ​ന്ന വോ​ൾ​ട്ടേ​ജി​ൽ വൈ​ദ്യു​തി ല​ഭി​ക്ക​ണ​മെ​ന്നും അ​തി​ന് പ്ര​ത്യേ​ക ട്രാ​ൻ​സ്ഫോ​ർ​മ​ർ വേ​ണ​മെ​ന്നു​മാ​ണ് ജ​ല​അ​തോ​റി​റ്റി അ​ധി​കൃ​ത​ർ പ​റ​യു​ന്ന​ത്. എ​ങ്കി​ൽ മാ​ത്ര​മേ കൂ​ടു​ത​ലി​ട​ങ്ങ​ളി​ലേ​ക്ക് വെ​ള്ളം പ​മ്പു​ചെ​യ്യാ​ൻ ക​ഴി​യു​ക​യു​ള്ളൂ. ആ​യി​ര​ത്തി​ല​ധി​കം അ​പേ​ക്ഷ​ക​ൾ പു​തി​യ ക​ണ​ക്ഷ​നു​വേ​ണ്ടി ഇ​പ്പോ​ൾ​ത്ത​ന്നെ അ​തോ​റി​റ്റി ഓ​ഫി​സി​ൽ കെ​ട്ടി​ക്കി​ട​ക്കു​ക​യാ​ണ്. പു​തി​യ ട്രാ​ൻ​സ്ഫോ​ർ​മ​റി​നു​വേ​ണ്ടി പ​ഞ്ചാ​യ​ത്തി​നെ​യും എം.​എ​ൽ.​എ​യെ​യും ബ​ന്ധ​പ്പെ​ട്ടി​ട്ടു​ണ്ടെ​ന്നും മ​റു​പ​ടി​ക്ക് കാ​ത്തി​രി​ക്കു​ക​യാ​ണെ​ന്നും അ​തോ​റി​റ്റി ഉ​ദ്യോ​ഗ​സ്ഥ​ർ അ​റി​യി​ച്ചു. ത​ണു​പ്പി​ന്റെ​യും ജ​ല​സ്രോ​ത​സ്സു​ക​ളു​ടെ​യും കേ​ന്ദ്ര​മാ​യി​രു​ന്ന വൈ​ത്തി​രി​യു​ടെ പ​ല മേ​ഖ​ല​ക​ളി​ലും കു​ടി​വെ​ള്ളം കി​ട്ടാ​തെ ജ​നം ക​ഷ്ട​പ്പെ​ടു​ക​യാ​ണ്. ഇ​തി​നി​ട​യി​ലാ​ണ് ജ​ല​സേ​ച​ന വ​കു​പ്പി​ന്റെ കെ​ടു​കാ​ര്യ​സ്ഥ​ത മൂ​ല​മു​ള്ള ദു​രി​ത​ങ്ങ​ളും.