യാ​ത്ര​ക്കാ​രു​ടെ 'കാ​ത്തി​രി​പ്പി'​ന് വി​രാ​മ​മാ​കു​ന്നു; വൈ​ത്തി​രി​യി​ൽ അ​ഞ്ചി​ട​ങ്ങ​ളി​ൽ ബ​സ് കാ​ത്തി​രി​പ്പു കേ​ന്ദ്ര​ങ്ങ​ളു​യ​രും

വൈ​ത്തി​രി: ബ​സ് കാ​ത്തി​രി​പ്പു കേ​ന്ദ്ര​ങ്ങ​ളി​ല്ലാ​തെ വെ​യി​ലും മ​ഴ​യും പൊ​ടി​യു​മേ​റ്റു ദേ​ശീ​യ പാ​ത​യോ​ര​ത്തെ യാ​ത്ര​ക്കാ​രു​ടെ നി​ൽ​പി​ന്​ അ​റു​തി​യാ​വു​ന്നു. വൈ​ത്തി​രി ടൗ​ണി​ല​ട​ക്കം അ​ഞ്ചി​ട​ങ്ങ​ളി​ൽ ബ​സ് കാ​ത്തി​രി​പ്പു കേ​ന്ദ്ര​ങ്ങ​ൾ പ​ണി​യാ​ൻ പ​ഞ്ചാ​യ​ത്ത്​ അ​നു​മ​തി​യാ​യി.

ദേ​ശീ​യ​പാ​ത ന​വീ​ക​ര​ണ​ത്തി‍െൻറ ഭാ​ഗ​മാ​യി റോ​ഡി‍െൻറ വ​ശ​ങ്ങ​ൾ വീ​തി കൂ​ട്ടു​ന്ന​തി​ന് വൈ​ത്തി​രി​യി​ലെ​യും ത​ളി​പ്പു​ഴ​യി​ലെ​യും ബ​സ് കാ​ത്തി​രി​പ്പു​കേ​ന്ദ്ര​ങ്ങ​ൾ പൊ​ളി​ച്ചു​നീ​ക്കി​യ​ത്. മാ​സ​ങ്ങ​ൾ ക​ഴി​ഞ്ഞി​ട്ടും ബ​സ് കാ​ത്തി​രി​പ്പു​​കേ​ന്ദ്ര​ങ്ങ​ൾ പു​ന​ർ​നി​ർ​മി​ക്കാ​താ​യ​തോ​ടെ യാ​ത്ര​ക്കാ​ർ പെ​രു​വ​ഴി​യി​ലാ​യി. റോ​ഡി​നോ​ട് ചേ​ർ​ന്ന് നി​ർ​മി​ക്കേ​ണ്ട​തി​നാ​ൽ ദേ​ശീ​യ​പാ​ത അ​തോ​റി​റ്റി​യു​ടെ പ്ര​ത്യേ​ക അ​നു​മ​തി​യും ല​ഭ്യ​മാ​ക്കേ​ണ്ട​തു​ണ്ടാ​യി​രു​ന്നു.

ചു​ണ്ടേ​ൽ അ​ങ്ങാ​ടി​യി​ൽ കോ​ഴി​ക്കോ​ട് ഭാ​ഗ​ത്തേ​ക്ക് ബ​സ് കാ​ത്തി​രി​പ്പു​കേ​ന്ദ്രം ഇ​ല്ലാ​താ​യി​ട്ട് വ​ർ​ഷ​ങ്ങ​ളാ​യി. റോ​ഡ​രി​കി​ലും പീ​ടി​ക​ത്തി​ണ്ണ​യി​ലു​മാ​യി ജ​ന​ങ്ങ​ൾ ഏ​റെ സാ​ഹ​സ​പ്പെ​ട്ടാ​ണ് ബ​സ് കാ​ത്തു​നി​ൽ​ക്കു​ന്ന​ത്. വൈ​ത്തി​രി പ്ര​ധാ​ന ബ​സ്​​സ്റ്റാ​ൻ​ഡ്​ (റോ​ഡി‍െൻറ ഇ​രു​വ​ശ​വും), ത​ളി​പ്പു​ഴ, ചു​ണ്ടേ​ൽ എ​ന്നി​വി​ട​ങ്ങ​ളി​ലാ​ണ് ആ​ധു​നി​ക സ​ജ്ജീ​ക​ര​ങ്ങ​ളോ​ടെ ബ​സ് കാ​ത്തി​രി​പ്പു കേ​ന്ദ്ര​ങ്ങ​ൾ പ​ണി​യു​ന്ന​ത്. ഇ​തോ​ടൊ​പ്പം പൊ​ഴു​ത​ന ജ​ങ്​​ഷ​നി​ലെ കോ​ഴി​ക്കോ​ട്ടു ഭാ​ഗ​ത്തേ​ക്കു​ള്ള പ​ഴ​യ ബ​സ് കാ​

ത്തി​രി​പ്പു​കേ​ന്ദ്ര​വും പൊ​ളി​ച്ചു പ​ണി​യു​ന്നു​ണ്ട്. പ​ഞ്ചാ​യ​ത്തി​നു കീ​ഴി​ൽ പ​ണി​യു​ന്ന അ​ഞ്ച്​ ബ​സ് സ്റ്റോ​പ്പു​ക​ളു​ടെ​യും പ​ണി മാ​ർ​ച്ചു മാ​സ​ത്തോ​ടെ പൂ​ർ​ത്തീ​ക​രി​ക്കു​മെ​ന്ന്​ പ്ര​സി​ഡ​ന്‍റ്​ എം.​വി. വി​ജേ​ഷ് പ​റ​ഞ്ഞു. ഇ​തോ​ടെ ദേ​ശീ​യ​പാ​ത​യോ​ര​ങ്ങ​ളി​ൽ കാ​ത്തി​രി​പ്പു​കേ​ന്ദ്ര​ങ്ങ​ളി​ല്ലാ​തെ വ​ല​യു​ന്ന യാ​ത്ര​ക്കാ​രു​ടെ പ്ര​ശ്ന​ങ്ങ​ൾ തീ​രു​മെ​ന്നും അ​ദ്ദേ​ഹം സൂ​ചി​പ്പി​ച്ചു.