വയനാട് കാണാൻ കൂട്ടത്തോടെ; ഗതാഗതക്കുരുക്കിലമർന്ന് ചുരം

വൈ​ത്തി​രി: പ്ര​ള​യ​ദു​ര​ന്ത​ത്തി​നും കോ​വി​ഡി​നും ശേ​ഷ​മു​ണ്ടാ​യ മാ​ന്ദ്യ​ത്തെ അ​തി​ജീ​വി​ച്ച് ഉ​ണ​ർ​ന്ന ടൂ​റി​സം മേ​ഖ​ല​യാ​യ ജി​ല്ല​യി​ലേ​ക്കു​ള്ള വി​നോ​ദ സ​ഞ്ചാ​രി​ക​ളു​ടെ വ​ര​വ് മു​ൻ​വ​ർ​ഷ​ങ്ങ​ളെ അ​പേ​ക്ഷി​ച്ചു 2023ൽ ​വ​ള​രെ ഉ​യ​ർ​ന്ന നി​ല​യി​ൽ. വാ​രാ​ന്ത്യ​ങ്ങ​ളി​ലും അ​വ​ധി​ക്കാ​ല​ത്തും ജി​ല്ല​യി​ലേ​ക്ക് ആ​യി​ര​ക്ക​ണ​ക്കി​ന് സ​ഞ്ചാ​രി​ക​ളാ​ണ് എ​ത്തി​ക്കൊ​ണ്ടി​രു​ന്ന​ത്. ഇ​തോ​ടൊ​പ്പം ത​ന്നെ വാ​ഹ​ന​ബാ​ഹു​ല്യം മൂ​ല​മു​ള്ള തി​ര​ക്കും ചു​രം റോ​ഡു​ക​ളി​ലെ അ​പ​ക​ട​ങ്ങ​ളും വാ​ഹ​നം വ​ഴി​യി​ൽ നി​ല​ച്ചു​പോ​കു​ന്ന​തും മൂ​ല​മു​ണ്ടാ​കു​ന്ന ഗ​താ​ഗ​ത​ക്കു​രു​ക്കും നി​ത്യ​സം​ഭ​വ​മാ​യി.

തെ​ക്കു ഭാ​ഗ​ത്തു​നി​ന്നും ജി​ല്ല​യി​ലേ​ക്കു​ള്ള ഏ​ക​ഗ​താ​ഗ​ത മാ​ർ​ഗ​മാ​യി ഉ​പ​യോ​ഗ​പ്പെ​ടു​ത്തു​ന്ന വ​യ​നാ​ട് ചു​രം റോ​ഡി​ലൂ​ടെ​യു​ള്ള സ​ഞ്ചാ​രം ഏ​റെ ദു​ഷ്ക​രം. വ​ർ​ഷ​ത്തി​ന്റെ എ​റി​യ​ഭാ​ഗ​വും ഒ​ന്ന​ല്ലെ​ങ്കി​ൽ മ​റ്റൊ​രു കാ​ര​ണം കൊ​ണ്ട് ചു​ര​ത്തി​ൽ ബ്ലോ​ക്കി​ന്റെ കാ​ല​മാ​യി​രു​ന്നു.

വ​യ​നാ​ട് ചു​രം എ​ന്നാ​ൽ ‘ബ്ലോ​ക്ക്’ എ​ന്ന അ​ർ​ഥ​ത​ല​ത്തി​ലേ​ക്ക് സം​ഗ​തി​ക​ൾ എ​ത്തി​യ​പ്പോ​ൾ ഗ​താ​ഗ​ത​കു​രു​ക്കി​ൽപെ​ട്ട് വ​ല​യാ​ൻ ത​യാ​റാ​കാ​തെ മ​റ്റി​ട​ങ്ങ​ളി​ലേ​ക്ക് യാ​ത്ര മാ​റ്റി​യ​വ​രും ഏ​റെ. നാ​ലും അ​ഞ്ചും എ​ട്ടും മ​ണി​ക്കൂ​റു​ക​ൾ പ്രാ​ഥ​മി​കാ​വ​ശ്യ​ങ്ങ​ൾ നി​ർ​വ​ഹി​ക്കാ​ൻ പോ​ലു​മാ​കാ​തെ ചു​ര​ത്തി​ൽ കു​ടു​ങ്ങി​യ സ്ത്രീ​ക​ളും കു​ട്ടി​ക​ളു​മ​ട​ങ്ങി​യ​വ​രു​ടെ ദൈ​ന്യ വാ​ർ​ത്ത​ക​ൾ സ്ഥി​ര​മാ​യി​രു​ന്നു.

എ​ന്നാ​ൽ, ഇ​തി​ലൊ​ന്നും അ​ധി​കൃ​ത​ർ ത​ങ്ങ​ൾ​ക്ക് യാ​തൊ​രു ഉ​ത്ത​ര​വാ​ദി​ത്വ​വു​മി​ല്ലെ​ന്ന നി​ല​പാ​ടി​ലാ​യി​രു​ന്നു. ചു​ര​ത്തി​നു ബൈ​പാ​സ് ആ​യി നി​ർ​ദേ​ശി​ക്ക​പ്പെ​ട്ട ചി​പ്പി​ലി​ത്തോ​ട്-​മ​രു​തി​ലാ​വ്-​ത​ളി​പ്പു​ഴ റോ​ഡി​നു വേ​ണ്ടി ആ​ക്ഷ​ൻ ക​മ്മി​റ്റി​യും അ​തോ​ടൊ​പ്പം മ​റ്റു സം​ഘ​ട​ന​ക​ളും പോ​യ വ​ർ​ഷ​ത്തി​ൽ നി​ര​വ​ധി സ​മ​ര​ങ്ങ​ളും പ്ര​ക്ഷോ​ഭ​ങ്ങ​ളും ന​ട​ത്തി​യെ​ങ്കി​ലും എ​ല്ലാം വ​ന​രോ​ദ​ന​മാ​യി മാ​റി.

പ​ടി​ഞ്ഞാ​റ​ത്ത​റ-​പൂ​ഴി​ത്തോ​ട് ബ​ദ​ൽ റോ​ഡി​ന്റെ കാ​ര്യ​ത്തി​ലും ഏ​ക​ദേ​ശം ഇ​തേ അ​വ​സ്ഥ​യാ​ണ്. സ​മ​ര​ങ്ങ​ളും പ്ര​ക്ഷോ​ഭ​ങ്ങ​ളും ഇ​പ്പോ​ഴും ന​ട​ക്കു​ന്നു​ണ്ടെ​ങ്കി​ലും പ​രി​ഹാ​രം ഏ​റെ അ​ക​ലെ​യാ​ണ്. ആ​ന​ക്കാം​പൊ​യി​ൽ-​ക​ള്ളാ​ടി തു​ര​ങ്ക​പാ​ത​ക്കു ചി​ല ച​ല​ന​ങ്ങ​ളൊ​ക്കെ ന​ട​ക്കു​ന്നു​ണ്ടെ​ങ്കി​ലും ഇ​ത് ചു​ര​ത്തി​നു ബ​ദ​ലാ​കു​ക​യു​മി​ല്ല എ​ന്ന​തി​ന​പ്പു​റം എ​പ്പോ​ൾ യാ​ഥാ​ർ​ഥ്യ​മാ​കു​മെ​ന്നും ഒ​രൂ​ഹ​വു​മി​ല്ല.

ബ​ദ​ൽ റോ​ഡു​ക​ൾ പോ​യി​ട്ട് കു​ടു​ങ്ങി​പ്പോ​കു​ന്ന​തും അ​പ​ക​ട​ത്തി​ല്പെ​ടു​ന്ന​തു​മാ​യ വാ​ഹ​ന​ങ്ങ​ൾ മാ​റ്റി​യി​ടു​വാ​ൻ ഉ​ത​കു​ന്ന ഒ​രു മു​ഴു​വ​ൻ സ​മ​യ ക്രെ​യി​ൻ ചു​ര​ത്തി​ൽ നി​ർത്തി​യി​ടു​മെ​ന്നു പ്ര​സ്താ​വ​ന​ക​ൾ വ​ന്ന​ത​ല്ലാ​തെ ഒ​ന്നും ന​ട​ന്നി​ല്ല. ​പോ​യ വ​ർ​ഷ​ത്തി​ൽ നി​ര​വ​ധി അ​പ​ക​ട​ങ്ങ​ളാ​ണ് ചു​രം റോ​ഡു​ക​ളി​ലു​ണ്ടാ​യി​ട്ടു​ണ്ട്. നി​ര​വ​ധി ജീ​വ​നു​ക​ളും ന​ഷ്ട​പ്പെ​ട്ടു. പ​ല​തും അ​ധി​കൃ​ത​രു​ടെ ഉ​ത്ത​ര​വാ​ദി​ത്ത​മി​ല്ലാ​യ്മ​യും അ​ശ്ര​ദ്ധ​യും മൂ​ല​മു​ണ്ടാ​യ​താ​യി​രു​ന്നു.

കേ​ര​ള​ത്തി​ൽ ഇ​പ്പോ​ൾ ടൂ​റി​സ്റ്റു​ക​ൾ കൂ​ടു​ത​ലെ​ത്തു​ന്ന​ത് വ​യ​നാ​ട്ടി​ലേ​ക്കാ​ണ്. ഇ​നി​യും അ​ത് വ​ർ​ധി​ക്കും. വ​രു​മാ​ന​വും വ​ർ​ധി​ക്കും. ജി​ല്ല​യി​ലേ​ക്കു​ള്ള ഗ​താ​ഗ​ത സൗ​ക​ര്യ​ങ്ങ​ൾ പ​ക്ഷെ, മെ​ച്ച​പ്പെ​ടു​ത്താ​ൻ ആ​ർ​ക്കും താ​ല്പ​ര്യ​മി​ല്ലെ​ന്നാ​ണ് വാ​സ്ത​വം.