ആശുപത്രി ജീവനക്കാർ കൂട്ടമായി ടൂറിന്​ പോയി; തിരിച്ചെത്തിയപ്പോൾ കോവിഡ്

വൈ​ത്തി​രി: ആ​രോ​ഗ്യ​വ​കു​പ്പ്​ ജീ​വ​ന​ക്കാ​ർ കൂ​ട്ട​മാ​യി മൂ​ന്നാ​റി​ലേ​ക്ക് വി​നോ​ദ​യാ​ത്ര പോ​യി തി​രി​ച്ചെ​ത്തി​യ​പ്പോ​ൾ ആ​ശു​പ​ത്രി സൂ​പ്ര​ണ്ട​ട​ക്കം നി​ര​വ​ധി പേ​ർ​ക്ക് കോ​വി​ഡ് പോ​സി​റ്റി​വ്. വൈ​ത്തി​രി താ​ലൂ​ക്കാ​ശു​പ​ത്രി​യി​ലാ​ണ് സം​ഭ​വം. ആ​ശു​പ​ത്രി സൂ​പ്ര​ണ്ടും ഡോ​ക്ട​ർ​മാ​രു​മ​ട​ക്കം 45 പേ​രാ​ണ് വെ​ള്ളി​യാ​ഴ്ച രാ​ത്രി മൂ​ന്നാ​റി​ലേ​ക്ക് ബ​സി​ൽ യാ​ത്ര പോ​യ​ത്. ഞാ​യ​റാ​ഴ്ച വൈ​ത്തി​രി​യി​ൽ തി​രി​ച്ചെ​ത്തി​യ ഇ​വ​രി​ൽ ന​ല്ലൊ​രു വി​ഭാ​ഗ​ത്തി​നും പ​നി​യും ജ​ല​ദോ​ഷ​വും പി​ടി​പെ​ട്ടി​രു​ന്നു.

തു​ട​ർ​ന്ന് ന​ട​ത്തി​യ പ​രി​ശോ​ധ​ന​യി​ലാ​ണ് ഡോ​ക്ട​ർ​മാ​ര​ട​ക്കം നി​ര​വ​ധി പേ​ർ​ക്ക് പോ​സി​റ്റി​വാ​ണെ​ന്ന്​ ക​ണ്ടെ​ത്തി​യ​ത്. ഡോ​ക്ട​ർ​മാ​ർ​ക്കും അ​ന​സ്ത​റ്റി​സ്റ്റി​നും പ്ര​ധാ​ന​പ്പെ​ട്ട മ​റ്റു ജീ​വ​ന​ക്കാ​ർ​ക്കും കോ​വി​ഡ് പി​ടി​പെ​ട്ട്​ അ​വ​ധി​യി​ലാ​യ​ത്​ ആ​ശു​പ​ത്രി​യു​ടെ പ്ര​വ​ർ​ത്ത​ന​ത്തെ ത​ന്നെ ബാ​ധി​ക്കാ​നി​ട​യു​ണ്ട്. ആ​ശു​പ​ത്രി​യി​ലെ മ​റ്റു ജീ​വ​ന​ക്കാ​രും രോ​ഗി​ക​ളും രോ​ഗം പ​ട​രു​മോ എ​ന്ന ഭ​യ​പ്പാ​ടി​ലാ​ണി​​​പ്പോ​ൾ.