ആ ​മ​ക​ൾ​ക്കാ​യി പ്രാ​ർ​ഥ​ന​യോ​ടെ വെ​ണ്ണി​യോ​ട് ഗ്രാ​മം

വെ​ണ്ണി​യോ​ട്: മ​ഴ​യി​ൽ ക​ല​ങ്ങി​യൊ​ഴു​കി​യ പു​ഴ​യി​ൽ തി​ര​ച്ചി​ൽ ന​ട​ക്കു​മ്പോ​ൾ ആ ​പി​ഞ്ചു​കു​ഞ്ഞി​നെ ക​ണ്ടെ​ത്താ​നു​ള്ള പ്രാ​ർ​ഥ​ന​യി​ലാ​യി​രു​ന്നു വെ​ണ്ണി​യോ​ട് ഗ്രാ​മം. അ​ഞ്ചു വ​യ​സ്സു​ള്ള ബാ​ലി​ക​യു​മാ​യി മാ​താ​വ് പാ​ല​ത്തി​ല്‍ നി​ന്ന് പു​ഴ​യി​ലേ​ക്ക് ചാ​ടി​യെ​ന്ന വാ​ർ​ത്ത കേ​ട്ട് നാ​ടൊ​ന്നാ​കെ പു​ഴ​യ​രി​കി​ലെ​ത്തി. വെ​ണ്ണി​യോ​ട് ഓം പ്ര​കാ​ശി​ന്റെ ഭാ​ര്യ ദ​ര്‍ശ​ന​യാ​ണ് മ​ക​ള്‍ ദ​ക്ഷ​യു​മാ​യി വെ​ണ്ണി​യോ​ട് പാ​ല​ത്തി​ല്‍ ക​ട​വി​ല്‍ നി​ന്ന് പു​ഴ​യി​ലേ​ക്ക് ചാ​ടി​യ​ത്.

വ്യാ​ഴാ​ഴ്ച ഉ​ച്ച ക​ഴി​ഞ്ഞാ​ണ് സം​ഭ​വം. മ​ക​ളെ​യും കൊ​ണ്ട് മാ​താ​വ് പാ​ല​ത്തി​ല്‍ നി​ന്ന് ചാ​ടു​ന്ന​ത് ക​ണ്ട പ്ര​ദേ​ശ​വാ​സി പു​ഴ​യി​ലേ​ക്ക് എ​ടു​ത്തു​ചാ​ടി ദ​ര്‍ശ​ന​യെ ര​ക്ഷി​ച്ചു. ഗു​രു​ത​ര പ​രിക്കേ​റ്റ അ​മ്മ​യെ ആ​ദ്യം കൈ​നാ​ട്ടി ജ​ന​റ​ല്‍ ആ​ശു​പ​ത്രി​യി​ലും പി​ന്നീ​ട് കോ​ഴി​ക്കോ​ട് മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലും പ്ര​വേ​ശി​പ്പി​ച്ചു. ദ​ര്‍ശ​ന​യു​ടെ നി​ല ഗു​രു​ത​ര​മാ​ണ്.

മ​ക​ള്‍ ദ​ക്ഷ​ക്കാ​യി എ​ന്‍.​ഡി.​ആ​ര്‍.​എ​ഫ് സം​ഘ​വും തു​ര്‍ക്കി ജീ​വ​ന്‍ര​ക്ഷ സ​മി​തി​യും പി​ണ​ങ്ങോ​ട് ബെ​റ്റ് അം​ഗ​ങ്ങ​ളും രാ​ത്രി വൈ​കി​യും തി​ര​ച്ചി​ല്‍ ന​ട​ത്തി​യെ​ങ്കി​ലും കു​ട്ടി​യെ ക​ണ്ടെ​ത്താ​ന്‍ ക​ഴി​ഞ്ഞി​ട്ടി​ല്ല. രാ​ത്രി​യാ​യ​തോ​ടെ തി​ര​ച്ചി​ല്‍ അ​സാ​ധ്യ​മാ​വു​ക​യാ​യി​രു​ന്നു.

ജ​ന​റേ​റ്റ​റി​ന്റെ സ​ഹാ​യ​ത്തോ​ടെ വെ​ളി​ച്ച​മെ​ത്തി​ച്ച് തി​ര​ച്ചി​ല്‍ തു​ട​രാ​ന്‍ ആ​ലോ​ചി​ച്ചി​രു​ന്നു​വെ​ങ്കി​ലും പ്രാ​യോ​ഗി​ക​മല്ലാ​ത്ത​തി​നാ​ല്‍ ഉ​പേ​ക്ഷി​ക്കു​ക​യാ​യി​രു​ന്നു. പ​ടി​ഞ്ഞാ​റ​ത്ത​റ സി.​ഐ ഉ​ള്‍പ്പെ​ടെ പൊ​ലീ​സ്, റ​വ​ന്യൂ ഉ​ദ്യോ​ഗ​സ്ഥ​ര്‍ സം​ഭ​വ​സ്ഥ​ല​ത്തെ​ത്തി​യി​രു​ന്നു. ഇ​ന്ന് രാ​വി​ലെ വീ​ണ്ടും തി​ര​ച്ചി​ല്‍ തു​ട​രു​മെ​ന്ന് ത​ഹ​സി​ല്‍ദാ​ര്‍ ശി​വ​ദാ​സ് അ​റി​യി​ച്ചു.