മണ്ണിടിച്ചിൽ ഭീതിയില്ല; കാപ്പുമ്മൽ കോളനിക്കാർക്ക് ഇനി സ്വസ്ഥമായി ഉറങ്ങാം

വെ​ള്ള​മു​ണ്ട (വയനാട്​): മ​ഴ​ക്കെ​ടു​തി​ക്കി​ര​യാ​യ കാ​പ്പു​മ്മ​ൽ കോ​ള​നി​ക്കാ​ർ​ക്ക് ഇ​നി മ​ണ്ണി​ടി​ച്ചി​ൽ ഭീ​തി​യി​ല്ലാ​തെ സ്വ​സ്ഥ​മാ​യി ഉ​റ​ങ്ങാം. പു​ന​ര​ധി​വാ​സ​ത്തി​നാ​യി റീ​ബി​ൽ​ഡ് കേ​ര​ള​യി​ൽ ഉ​ൾ​പ്പെ​ടു​ത്തി നി​ർ​മി​ച്ച ആ​റു വീ​ടു​ക​ൾ ഉ​ട​ൻ കു​ടും​ബ​ങ്ങ​ൾ​ക്ക് കൈ​മാ​റും. വീ​ടു​ക​ളു​ടെ നി​ർ​മാ​ണം അ​വ​സാ​ന​ഘ​ട്ട​ത്തി​ലാ​ണ്. വെ​ള്ള​മു​ണ്ട ഗ്രാ​മ​പ​ഞ്ചാ​യ​ത്തി​ലെ പ​ടാ​രി​കാ​പ്പു​മ്മ​ല്‍ കോ​ള​നി​യി​ലെ ആ​ദി​വാ​സി കു​ടും​ബ​ങ്ങ​ളെ​യാ​ണ് പു​ന​ര​ധി​വ​സി​പ്പി​ക്കു​ന്ന​ത്. ര​ണ്ടു വ​ർ​ഷം മു​മ്പ് ക​ന​ത്ത മ​ഴ​യി​ൽ കോ​ള​നി​ക്ക് പി​റ​കി​ല്‍ നി​ന്ന്​ മ​ണ്ണി​ടി​ഞ്ഞ് വീ​ണ​തോ​ടെ​യാ​ണ് കോ​ള​നി​യി​ലെ വീ​ടു​ക​ൾ ഭീ​ഷ​ണി​യി​ലാ​യ​ത്.

കോ​ള​നി​വാ​സി​യാ​യ വാ​സു​വിെൻറ വീ​ട് പൂ​ര്‍ണ​മാ​യും മ​ണ്ണി​ന​ടി​യി​ലാ​യി. വീ​ടി​നു​ള്ളി​ല്‍ ദോ​ശ​യു​ണ്ടാ​ക്കു​ക​യാ​യി​രു​ന്ന മ​ക​ള്‍ പ​ത്ത് വ​യ​സ്സു​കാ​രി ര​മ്യ​യു​ടെ ദേ​ഹ​ത്ത് തീ ​പ​ട​ര്‍ന്ന് 70 ശ​ത​മാ​ന​ത്തോ​ളം പൊ​ള്ള​ലേ​റ്റു. ആ​ദ്യം ജി​ല്ല അ​ശു​പ​ത്രി​യി​ലും പി​ന്നീ​ട് മെ​ഡി​ക്ക​ല്‍ കോ​ള​ജ്​ ആ​ശു​പ​ത്രി​യി​ലും ചി​കി​ത്സ​യി​ലാ​യി​രു​ന്ന ര​മ്യ ജീ​വി​ത​ത്തി​ലേ​ക്ക് തി​രി​ച്ചെ​ത്തി​യെ​ങ്കി​ലും വീ​ടെ​ന്ന സ്വ​പ്നം പാ​തി​വ​ഴി​യി​ലാ​യി​രു​ന്നു.

മ​ണ്ണി​ടി​ച്ചി​ലു​ണ്ടാ​യ​തി​നെ തു​ട​ര്‍ന്ന് സ​ബ് ക​ല​ക്ട​റു​ള്‍പ്പെ​ടെ​യു​ള്ള ഉ​ദ്യോ​ഗ​സ്ഥ​രും എം.​എ​ല്‍.​എ ഉ​ള്‍പ്പെ​ടെ​യു​ള്ള ജ​ന​പ്ര​തി​നി​ധി​ക​ളും കോ​ള​നി​യി​ലെ​ത്തി മു​ഴു​വ​ന്‍ കു​ടും​ബ​ങ്ങ​ളെ​യും പു​ന​ര​ധി​വ​സി​പ്പി​ക്കു​മെ​ന്ന് ഉ​റ​പ്പു ന​ൽ​കി​യി​രു​ന്നു. ഇ​വ​ര്‍ താ​മ​സി​ച്ചു​വ​ന്നി​രു​ന്ന സ്ഥ​ലം വാ​സ​യോ​ഗ്യ​മ​ല്ലെ​ന്ന് റ​വ​ന്യൂ വ​കു​പ്പും ട്രൈ​ബ​ല്‍ വ​കു​പ്പും വി​ധി​യെ​ഴു​തി​യ​തോ​ടെ​യാ​ണ് പു​ന​ര​ധി​വ​സി​പ്പി​ക്കാ​ൻ തീ​രു​മാ​നി​ച്ച​ത്. ആ​റ് കു​ടും​ബ​ങ്ങ​ൾ​ക്ക് കോ​ള​നി​യോ​ട് ചേ​ർ​ന്ന് പു​തി​യ സ്ഥ​ല​മെ​ടു​ത്താ​ണ് വീ​ട് നി​ർ​മി​ക്കു​ന്ന​ത്. ഒ​രു കു​ടും​ബ​ത്തി​ന് സ്ഥ​ലം എ​ടു​ക്കാ​ൻ ആ​റ് ല​ക്ഷ​വും വീ​ടി​ന് നാ​ല് ല​ക്ഷ​വു​മാ​ണ് അ​നു​വ​ദി​ച്ച​ത്. ഈ ​ഫ​ണ്ട് ഉ​പ​യോ​ഗി​ച്ച് 16 സെൻറ് സ്ഥ​ല​വും വീ​ടു​മാ​ണ് ന​ൽ​കു​ന്ന​ത്.

500 ച​തു​ര​ശ്ര അ​ടി​യാ​ണ് ഓ​രോ വീ​ടും. ഫെ​ബ്രു​വ​രി പ​ത്തി​ന​കം വീ​ടു​ക​ൾ കൈ​മാ​റു​മെ​ന്നാ​ണ് സൂ​ച​ന. അ​തേ​സ​മ​യം, ന​ല്ല രീ​തി​യി​ൽ നി​ർ​മാ​ണം പൂ​ർ​ത്തി​യാ​യെ​ങ്കി​ലും ചി​ല പോ​രാ​യ്മ​ക​ൾ പ​രി​ഹ​രി​ക്കേ​ണ്ട​തു​ണ്ടെ​ന്ന് ആ​ദി​വാ​സി​ക​ൾ പ​റ​ഞ്ഞു. മ​ഴ പെ​യ്താ​ൽ പു​തി​യ വീ​ടു​ക​ളി​ൽ ചി​ല​ത് ചോ​ർ​ന്നൊ​ലി​ക്കു​ന്നു​ണ്ട​ത്രേ. ടോ​യ്​​ല​റ്റിെൻറ കു​ഴി നി​ർ​മി​ച്ച​തി​ലും അ​പാ​ക​ത​യു​ണ്ട്. ചി​ല മു​റി​ക​ളി​ലെ ടൈ​ലു​ക​ൾ ഇ​ള​കു​ന്ന​താ​യും പ​രാ​തി​യു​ണ്ട്. ഇ​വ ഉ​ട​ൻ പ​രി​ഹ​രി​ച്ച് വീ​ടു​ക​ൾ കൈ​മാ​റു​മെ​ന്ന് അ​ധി​കൃ​ത​ർ പ​റ​ഞ്ഞു.