ചെക്ക്ഡാമുകൾ നിർമിക്കാൻ പദ്ധതിയുണ്ട്; സംരക്ഷിക്കാനാളില്ല

വെ​ള്ള​മു​ണ്ട: വ​ലി​യ വാ​ഗ്ദാ​ന​ങ്ങ​ൾ നി​ര​ത്തി ല​ക്ഷ​ങ്ങ​ൾ പാ​ഴാ​ക്കി നി​ർ​മി​ച്ച ചെ​ക്ക്ഡാ​മു​ക​ൾ ഉ​പ​യോ​ഗ​ശൂ​ന്യ​മാ​യി ന​ശി​ക്കു​ന്നു. വെ​ള്ള​മു​ണ്ട ഗ്രാ​മ​പ​ഞ്ചാ​യ​ത്തി​ലെ വി​വി​ധ ഭാ​ഗ​ങ്ങ​ളി​ലാ​ണ് നി​ര​വ​ധി ചെ​ക്ക്ഡാ​മു​ക​ളും ജ​ല​സേ​ച​ന പ​ദ്ധ​തി​ക​ളും ഉ​പ​യോ​ഗ​ശൂ​ന്യ​മാ​യി കി​ട​ക്കു​ന്ന​ത്.

മൊ​ത​ക്ക​ര കു​ണ്ടി​ൽ വീ​ട് മ​ല​ക്കാ​രി ക്ഷേ​ത്ര​ത്തി​ന​ടു​ത്തു ചെ​റു​കി​ട ജ​ല​സേ​ച​ന വ​കു​പ്പ് ക​ഴി​ഞ്ഞ വ​ർ​ഷം 40 ല​ക്ഷം രൂ​പ ചെ​ല​വ​ഴി​ച്ച് നി​ർ​മി​ച്ച ചെ​ക്ക്ഡാം മ​ണ്ണ് നി​റ​ഞ്ഞു ഉ​പ​യോ​ഗ​ശൂ​ന്യ​മാ​യി. ക​ബ​നീ ന​ദി​യി​ലേ​ക്ക് ഒ​ഴു​കു​ന്ന ജ​ലം ശേ​ഖ​രി​ക്കു​ക എ​ന്ന ല​ക്ഷ്യ​ത്തോ​ടെ​യാ​ണ് വ​ലി​യ തു​ക ചെ​ല​വ​ഴി​ച്ച് ചെ​ക്ക്ഡാം നി​ർ​മി​ച്ച​ത്. ജി​ല്ല​യി​ൽ പ​ല​യി​ട​ത്തും വേ​ണ്ട​ത്ര പ​ഠ​നം ന​ട​ത്താ​തെ​യാ​ണ് പ​ദ്ധ​തി ന​ട​പ്പാ​ക്കു​ന്ന​ത്.

മൊ​ത​ക്ക​ര ചെ​ക്ക്ഡാം പ​ണി​ക്ക് ഒ​രു കോ​ടി 20 ല​ക്ഷം രൂ​പ​യാ​ണ് പ​ദ്ധ​തി വി​ഹി​തം. പ​ണി ന​ട​ന്ന് കൊ​ണ്ടി​രി​ക്കു​ന്ന മൊ​ത​ക്ക​ര പ​ദ്ധ​തി​യു​ടെ​യും സ്ഥി​തി​യും ഇ​തു​പോ​ലെ ത​ന്നെ​യാ​ണ്. നി​ർ​മാ​ണ​ത്തി​ലെ ആ​വേ​ശം പി​ന്നീ​ട് കാ​ണാ​റി​ല്ല. പ​ദ്ധ​തി ക​ഴി​യു​മ്പോ​ൾ കി​ട്ടു​ന്ന ക​മീ​ഷ​ൻ മാ​ത്ര​മാ​ണ് പ​ല പ​ദ്ധ​തി​ക​ളു​ടെ​യും ല​ക്ഷ്യ​മെ​ന്ന് ക​ർ​ഷ​ക​ർ പ​റ​യു​ന്നു.