കൈ​പ്പാ​ണി ഇ​ബ്രാ​ഹി​ം; മ​റ​ഞ്ഞ​ത് വെ​ള്ള​മു​ണ്ട​യു​ടെ കാ​രു​ണ്യ​ഹ​സ്തം

വെ​ള്ള​മു​ണ്ട: നി​ര​വ​ധി പേ​ർ​ക്ക്​ സാ​​ന്ത്വ​ന​മേ​കു​ക​യും വ​യ​നാ​ട്, കൂ​ർ​ഗ്, നീ​ല​ഗി​രി ജി​ല്ല​ക​ളി​ൽ ഒ​ട്ട​ന​വ​ധി പെ​യി​ൻ ആ​ൻ​ഡ് പാ​ലി​യേ​റ്റി​വ്, സാ​ന്ത്വ​നം യൂ​നി​റ്റു​ക​ൾ തു​ട​ങ്ങു​ന്ന​തി​ന് നേ​തൃ​പ​ര​മാ​യ പ​ങ്ക് വ​ഹി​ക്കു​ക​യും ചെ​യ്​​ത കൈ​പ്പാ​ണി ഇ​ബ്രാ​ഹി​മി​െൻറ അ​കാ​ല വി​യോ​ഗം നാ​ടി​െൻറ നൊ​മ്പ​ര​മാ​യി. അ​പ​ക​ട​വാ​ർ​ത്ത അ​റി​ഞ്ഞ​തു മു​ത​ൽ നാ​ടൊ​ന്നാ​കെ പ്രാ​ർ​ഥ​ന​യി​ലാ​യി​രു​ന്നു. ഒ​ടു​ക്കം നൊ​മ്പ​രം വി​ത​റി മ​ട​ക്കം.

ബം​ഗ​ളൂ​രു​വി​ൽ സ്​​കൂ​ട്ട​റി​ൽ സ​ഞ്ച​രി​ക്ക​വെ കാ​റി​ടി​ച്ചു​ണ്ടാ​യ അ​പ​ക​ട​മാ​ണ്​ മ​ര​ണ​ത്തി​ലേ​ക്ക്​ ന​യി​ച്ച​ത്. നി​ര​വ​ധി ജീ​വ​കാ​രു​ണ്യ സം​രം​ഭ​ങ്ങ​ളി​ൽ നി​റ​ഞ്ഞു​നി​ന്നി​രു​ന്ന ഇ​ബ്രാ​ഹിം എ​സ്.​എ​സ്.​എ​ഫ് ജി​ല്ല സെ​ക്ര​ട്ട​റി, കെ.​എ​സ്.​യു ജി​ല്ല ഭാ​ര​വാ​ഹി,

യൂ​ത്ത് കോ​ണ്‍ഗ്ര​സ് ജി​ല്ല സെ​ക്ര​ട്ട​റി എ​ന്നീ നി​ല​ക​ളി​ൽ പ്ര​വ​ർ​ത്തി​ച്ചി​രു​ന്നു. 1983ൽ ​കാ​ലി​ക്ക​റ്റ് സ​ർ​വ​ക​ലാ​ശാ​ല യൂ​നി​യ​ന്‍ കൗ​ണ്‍സി​ല​ര്‍ ആ​യി പ്ര​വ​ർ​ത്തി​ച്ചു. 2005ൽ ​ഡെ​മോ​ക്രാ​റ്റി​ക് ഇ​ന്ദി​ര കോ​ൺ​ഗ്ര​സ്​ പ്ര​തി​നി​ധി​യാ​യി മാ​ന​ന്ത​വാ​ടി ബ്ലോ​ക്ക്​ പ​ഞ്ചാ​യ​ത്ത് അം​ഗ​മാ​യി തെ​ര​ഞ്ഞെ​ടു​ക്ക​പ്പെ​ട്ടു.

2010ല്‍ ​മാ​ന​ന്ത​വാ​ടി ബ്ലോ​ക്ക് പ​ഞ്ചാ​യ​ത്ത് വൈ​സ് പ്ര​സി​ഡ​ൻ​റാ​യി. ഡി.​ഐ.​സി ജി​ല്ല സെ​ക്ര​ട്ട​റി, ഡി.​ഐ.​സി ലെ​ഫ്റ്റ് അ​ഡ്‌​ഹോ​ക് ക​മ്മി​റ്റി ജ​ന​റ​ൽ ക​ൺ​വീ​ന​ർ, കോ​ൺ​ഗ്ര​സ്​ എ​സ് ജി​ല്ല പ്ര​സി​ഡ​ൻ​റ്​ തു​ട​ങ്ങി​യ നി​ല​ക​ളി​ലും പ്ര​വ​ര്‍ത്തി​ച്ചു. ക​ഴി​ഞ്ഞ പ​ഞ്ചാ​യ​ത്ത് തി​ര​ഞെ​ടു​പ്പി​നോ​ട​നു​ബ​ന്ധി​ച്ചു മു​സ്‌​ലിം ലീ​ഗി​ല്‍ ചേ​ര്‍ന്നു. വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി, സ​മ​സ്ത കേ​ര​ള സു​ന്നി യു​വ​ജ​ന സം​ഘം ജി​ല്ല ഭാ​ര​വാ​ഹി​യാ​യും, മാ​ന​ന്ത​വാ​ടി മു​അ​സ്സ​സ കോ​ള​ജ്, വെ​ള്ള​മു​ണ്ട അ​ൽ ഫു​ർ​ഖാ​ൻ ഫൗ​ണ്ടേ​ഷ​ൻ എ​ന്നി​വ​യു​ടെ സ്ഥാ​പ​ക ഭാ​ര​വാ​ഹി​യാ​യും ദീ​ർ​ഘ​കാ​ലം പ്ര​വ​ർ​ത്തി​ച്ചി​ട്ടു​ണ്ട്. മാ​ന​ന്ത​വാ​ടി മേ​രി മാ​ത ആ​ർ​ട്സ് കോ​ള​ജ്, വെ​ള്ള​മു​ണ്ട ജി.​എം.​എ​ച്ച്‌.​എ​സ്.​എ​സ്, ഗ​വ. കോ​ള​ജ് എ​ന്നി​വി​ട​ങ്ങ​ളി​ൽ വി​വി​ധ ഘ​ട്ട​ങ്ങ​ളി​ലാ​യി പി.​ടി.​എ പ്ര​സി​ഡ​ൻ​റാ​യും വ​ര​യാ​ൽ യു.​പി സ്കൂ​ൾ മാ​നേ​ജ്‌​െ​മ​ൻ​റ്​ ക​മ്മി​റ്റി അം​ഗ​മാ​യും പ്ര​വ​ർ​ത്തി​ച്ചി​ട്ടു​ണ്ട്.

ഇ​ബ്രാ​ഹി​മി​െൻറ നേ​തൃ​ത്വ​ത്തി​ൽ തു​ട​ക്കം​കു​റി​ച്ച പ​ഴ​ഞ്ച​ന റി​ലീ​ഫ് ക​മ്മി​റ്റി ന​ട​ത്തി​യ സാ​ന്ത്വ​ന പ്ര​വ​ർ​ത്ത​ന​ങ്ങ​ൾ വ​ലി​യ ശ്ര​ദ്ധ പി​ടി​ച്ചു​പ​റ്റി​യി​രു​ന്നു.

ജാ​തി-​മ​ത ഭേ​ദ​മ​ന്യേ നി​ർ​ധ​ന​രാ​യ നൂ​റു​ക​ണ​ക്കി​ന് യു​വ​തീ​യു​വാ​ക്ക​ളു​ടെ സ​മൂ​ഹ വി​വാ​ഹ​ത്തി​ന് ക​മ്മി​റ്റി വേ​ദി​യൊ​രു​ക്കി. ജി​ല്ല​യി​ലെ ആ​രോ​ഗ്യ​മേ​ഖ​ല നേ​രി​ടു​ന്ന പ്ര​ശ്ന​ങ്ങ​ൾ മു​ൻ​നി​ർ​ത്തി നി​ര​വ​ധി സ​മ​ര​ങ്ങ​ൾ​ക്ക് നേ​തൃ​ത്വം ന​ൽ​കി​യി​ട്ടു​ണ്ട്. ആ​തു​ര ശ്രു​ശൂ​ഷ രം​ഗ​ത്തെ മി​ക​ച്ച സേ​വ​ന​ത്തി​നു​ള്ള നാ​ഷ​ന​ൽ ഫോ​റം ഫോ​ർ പീ​പ്ൾ​സ് റൈ​റ്റി​െൻറ ദേ​ശീ​യ അ​വാ​ർ​ഡ് ല​ഭി​ച്ചി​ട്ടു​ണ്ട്. ഈ​യ​ടു​ത്താ​യി ബം​ഗ​ളൂ​രു കേ​ന്ദ്ര​മാ​യി പ്ര​വ​ർ​ത്തി​ച്ചു​വ​രു​ക​യാ​യി​രു​ന്നു.

ബംഗളൂരുവിൽനിന്ന് രാത്രിയോടെ മൃതദേഹം വെള്ളമുണ്ട എട്ടേനാൽ പഴഞ്ചനയിലെ കൈപ്പാണി വീട്ടിലെത്തിച്ചു. നൂറുകണക്കിനാളുകൾ മൃതദേഹം ഒരുനോക്ക് കാണാൻ മണിക്കൂറുകളോളം കാത്തുനിന്നിരുന്നു. പൊതുദർശനത്തിനു ശേഷം പഴഞ്ചന ജുമാമസ്ജിദ് ഖബർസ്ഥാനിൽ ഖബറടക്കി.