Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightWayanadchevron_rightVellamundachevron_rightമദ്യലഹരിയിൽ സുഹൃത്തിനെ ...

മദ്യലഹരിയിൽ സുഹൃത്തിനെ തലക്കടിച്ചുകൊന്ന കേസ്​; പ്രതി പിടിയിൽ

text_fields
bookmark_border
മദ്യലഹരിയിൽ സുഹൃത്തിനെ തലക്കടിച്ചുകൊന്ന കേസ്​; പ്രതി പിടിയിൽ
cancel

വെള്ളമുണ്ട: മദ്യലഹരിയിൽ സുഹൃത്തിനെ തലക്കടിച്ചു കൊന്ന കേസിലെ പ്രതിയെ പൊലീസ് അറസ്​റ്റ് ചെയ്തു . തൊണ്ടർനാട് മക്കിയാട് എടത്തറ കോളനിയിൽ വെള്ളനാണ് കൊല്ലപ്പെട്ടത്.

പ്രതിയായ മക്കിയാട് ഞാറലോട് സ്വദേശി തടത്തിൽ കൊച്ച് എന്ന വർഗീസിനെയാണ് (52) മാനന്തവാടി ഡിവൈ.എസ്.പി എ.പി. ചന്ദ്രൻ, വെള്ളമുണ്ട സി.ഐ എൻ.എ. സന്തോഷ്, തൊണ്ടർനാട് എസ്.ഐ എ.യു. ജയപ്രകാശ്​ എന്നിവരടങ്ങുന്ന പൊലീസ്​ സംഘം അറസ്​റ്റ്​ ചെയ്തത്.

മദ്യലഹരിയിൽ തർക്കമുണ്ടാവുകയും വർഗീസ് ചുറ്റിക കൊണ്ട് വെള്ള​െൻറ തലക്കടിച്ചുവെന്നുമാണ്​ കേസ്​. വെള്ളിയാഴ്ച രാത്രിയാണ് സംഭവം.

മദ്യം വാങ്ങിയ പണവുമായി ബന്ധപ്പെട്ട പ്രശ്നങ്ങളാണ് വാക്കേറ്റത്തിലും മർദനത്തിലും കലാശിച്ചത്​. വെള്ള​െൻറ വീട്ടിൽ വെച്ചായിരുന്നു വാക്ക് തർക്കം. അവിടെയുണ്ടായിരുന്ന ചുറ്റികയെടുത്ത്​ വർഗീസ്​ വെള്ള​െൻറ തലക്കടിക്കുകയായിരുന്നു.

കണ്ണിന് സമീപം അടിയേറ്റ് ബോധരഹിതനായതിനെ തുടർന്ന് ജില്ല ആശുപത്രി അത്യാഹിത വിഭാഗത്തിൽ എത്തിച്ച വെള്ളൻ ചികിത്സക്കിടെയാണ് മരിച്ചത്. കൊലപാതക കുറ്റവും എസ്.സി–എസ്.ടി അതിക്രമ നിയമ പ്രകാരവും കേസെടുത്തിട്ടുണ്ട്. പ്രതിയെ സംഭവസ്ഥലത്തെത്തിച്ച് തെളിവെടുപ്പ് നടത്തി.

Show Full Article
TAGS:murder case 
Web Title - Case of murdering friend by beating his head; accuse arrested
Next Story