‘വിദ്യാവാഹിനി’യിലെ അവ്യക്തത സ്കൂളിലെത്താതെ കുട്ടികൾ

വെ​ള്ള​മു​ണ്ട: അ​ധ്യ​യ​ന വ​ർ​ഷം തു​ട​ങ്ങി ഒ​ന്ന​ര മാ​സം പി​ന്നി​ടു​മ്പോ​ഴും ‘വി​ദ്യാ​വാ​ഹി​നി’​യു​ടെ കാ​ര്യ​ത്തി​ൽ തീ​രു​മാ​ന​മാ​യി​ല്ല. ഗോ​ത്ര വ​ർ​ഗ വി​ദ്യാ​ർ​ഥി​ക​ളെ സ്കൂ​ളി​ലെ​ത്തി​ക്കാ​ൻ തു​ട​ങ്ങി​യ പ​ദ്ധ​തി​യാ​ണ് സ്കൂ​ൾ തു​റ​ന്ന് ഒ​ന്ന​ര​മാ​സം ക​ഴി​ഞ്ഞി​ട്ടും അ​നി​ശ്ചി​ത​ത്വ​ത്തി​ലാ​യി​രി​ക്കു​ന്ന​ത്. വാ​ഹ​ന ഉ​ട​മ​ക​ളി​ൽ​നി​ന്ന് ക്വ​ട്ടേ​ഷ​ൻ വി​ളി​ച്ച് പ​ദ്ധ​തി ട്രൈ​ബ​ൽ വ​കു​പ്പ് ഏ​റ്റെ​ടു​ത്തെ​ങ്കി​ലും പ​ദ്ധ​തി​യി​ലെ ആ​ശ​ങ്ക​ക​ൾ കാ​ര​ണം ഇ​തു​വ​രെ ന​ട​പ്പാ​യി​ട്ടി​ല്ല.

സ​ർ​ക്കാ​ർ മാ​ന​ദ​ണ്ഡ​പ്ര​കാ​രം കി​ലോ മീ​റ്റ​റി​ന് 20 രൂ​പ​യാ​ണ് വാ​ഹ​ന​ങ്ങ​ൾ​ക്ക് ല​ഭി​ക്കു​ക. ഈ ​തു​ക​യേ​ക്കാ​ൾ ഉ​യ​ർ​ന്ന ക്വ​ട്ടേ​ഷ​നാ​ണ് വാ​ഹ​ന ഉ​ട​മ​ക​ളെ​ല്ലാം ന​ൽ​കി​യ​ത്. ഇ​തോ​ടെ സ​ർ​ക്കാ​ർ മാ​ന​ദ​ണ്ഡ​പ്ര​കാ​രം പ​ദ്ധ​തി ന​ട​ക്കി​ല്ലെ​ന്ന അ​വ​സ്ഥ​യു​ണ്ടാ​യി. സ​ർ​ക്കാ​ർ നി​ശ്ച​യി​ച്ച നി​ര​ക്കി​ൽ ഓ​ടാ​ൻ ക​ഴി​യി​ല്ലെ​ന്ന് രേ​ഖാ​മൂ​ലം ഡ്രൈ​വ​ർ​മാ​ർ അ​റി​യി​ച്ച​തി​നെ തു​ട​ർ​ന്ന് എം.​എ​ൽ.​എ, ഡി.​ഡി.​ഇ തു​ട​ങ്ങി​യ​വ​ർ​ക്ക് പ്ര​ധാ​നാ​ധ്യാ​പ​ക​ർ പ​രാ​തി ന​ൽ​കി​യി​ട്ടു​ണ്ട്.

പൊ​തു വി​ഭാ​ഗ​ത്തി​ലെ കു​ട്ടി​ക​ൾ കൃ​ത്യ​മാ​യി സ്കൂ​ളി​ൽ എ​ത്തു​ന്നു​ണ്ടെ​ങ്കി​ലും വാ​ഹ​ന സൗ​ക​ര്യം ല​ഭി​ക്കാ​താ​യ​തോ​ടെ ആ​ദി​വാ​സി വി​ദ്യാ​ർ​ഥി​ക​ൾ കൂ​ട്ട​ത്തോ​ടെ പ​ഠ​നം നി​ർ​ത്തി​യ അ​സ്ഥ​യി​ലാ​ണ്. പ​ണി​യ വി​ഭാ​ഗ​ത്തി​ലെ കു​ട്ടി​ക​ളാ​ണ് വി​ദ്യാ​ല​യ​ങ്ങ​ളി​ലെ​ത്താ​ത്ത​ത് . കൃ​ത്യ​മാ​യി ന​ട​ന്ന ഗോ​ത്ര സാ​ര​ഥി പ​ദ്ധ​തി ഈ ​വ​ർ​ഷം മു​ത​ൽ വി​ദ്യാ​വാ​ഹി​നി എ​ന്ന പേ​ര് ന​ൽ​കി പ​രി​ഷ്ക​രി​ച്ച് ട്രൈ​ബ​ൽ വ​കു​പ്പി​നെ ഏ​ൽ​പ്പി​ക്കു​ക​യാ​യി​രു​ന്നു.

കു​ട്ടി​ക​ൾ സ്കൂ​ളി​ലെ​ത്താ​തായ​തോ​ടെ ര​ക്ഷി​താ​ക്ക​ളും അ​ധ്യാ​പ​ക​രും ആ​ശ​ങ്ക​യി​ലാ​ണ്. ക്വ​ട്ടേ​ഷ​ൻ അ​നു​വ​ദി​ച്ച​തി​ലും വ്യാ​പ​ക ക്ര​മ​ക്കേ​ടു​ണ്ടെ​ന്ന് പ​രാ​തി ഉ​യ​ർ​ന്നി​ട്ടു​ണ്ട്. കി​ലോ​മീ​റ്റ​ർ ചാ​ർ​ജ് ക്ര​മ​പ്പെ​ടു​ത്തി​യ​തോ​ടെ കൂ​ടു​ത​ൽ ക്ര​മ​ക്കേ​ട് കാ​ണി​ച്ച് വ​ലി​യ തു​ക അ​നു​വ​ദി​ച്ച​താ​യും ആ​രോ​പ​ണ​മു​ണ്ട്.

ഇ​ത്ത​ര​ത്തി​ൽ വ്യാ​പ​ക​ പ​രാ​തി​ക​ൾ പ​ല​ഭാ​ഗ​ങ്ങ​ളി​ൽ നി​ന്നും ഉ​യ​ർ​ന്നി​ട്ടു​ണ്ട്. കോ​ള​നി​യി​ൽ നി​ന്നും വി​ദ്യാ​ല​യ​ത്തി​ലേ​ക്കു​ള്ള ദൂ​ര​മാ​ണ് ട്രൈ​ബ​ൽ വ​കു​പ്പ് പ​രി​ഗ​ണി​ച്ച​ത്. എ​ന്നാ​ൽ, ചി​ല​യി​ട​ങ്ങ​ളി​ൽ കി​ലോ മീ​റ്റ​ർ കൂ​ടു​ത​ൽ രേ​ഖ​പ്പെ​ടു​ത്തി​യെ​ന്ന് ആ​ക്ഷേ​പ​മു​ണ്ട്. പു​തു​താ​യി ഇ​റ​ക്കി​യ സ​ർ​ക്കാ​ർ മാ​ന​ദ​ണ്ഡ പ്ര​കാ​രം തൊ​ട്ട​ടു​ത്ത വി​ദ്യാ​ല​യ​ങ്ങ​ളി​ലേ​ക്ക് മാ​ത്ര​മാ​ണ് വി​ദ്യാ വാ​ഹി​നി അ​നു​വ​ദി​ക്കു​ക. എ​ന്നാ​ൽ, വി​ദ്യാ​ല​യ​ങ്ങ​ൾ മ​റി​ക​ട​ന്ന് മ​റ്റ് വി​ദ്യാ​ല​യ​ങ്ങ​ളി​ലേ​ക്ക് പോ​കു​ന്ന വ​ണ്ടി​ക​ളി​ൽ കു​ട്ടി​ക​ളെ ഉ​ൾ​പ്പെ​ടു​ത്തു​ന്ന​താ​യും പ​റ​യു​ന്നു.