Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightബം​ഗ​ളൂ​രു​വി​ൽ...

ബം​ഗ​ളൂ​രു​വി​ൽ പ​ഠി​ക്കു​ന്ന കു​ട്ടി വെ​ള്ള​മു​ണ്ട എ.​യു.​പി​യി​ലും; വിവാദം പുകയുന്നു

text_fields
bookmark_border
ബം​ഗ​ളൂ​രു​വി​ൽ പ​ഠി​ക്കു​ന്ന കു​ട്ടി വെ​ള്ള​മു​ണ്ട എ.​യു.​പി​യി​ലും; വിവാദം പുകയുന്നു
cancel

ബം​ഗ​ളൂ​രു​വി​ൽ പ​ഠി​ക്കു​ന്ന കു​ട്ടി​യു​ടെ അ​ഡ്മി​ഷ​ൻ ര​ക്ഷി​താ​വ​റി​യാ​തെ വെ​ള്ള​മു​ണ്ട എ.​യു.​പി​യി​ലെ​ത്തി​യ​തി​ൽ ദു​രൂ​ഹ​ത​യേ​റു​ന്നു. ത​രു​വ​ണ ഗ​വ. യു.​പി സ്കൂ​ളി​ൽ ക​ഴി​ഞ്ഞ വ​ർ​ഷം അ​ഞ്ചാം ത​ര​ത്തി​ൽ പ​ഠി​ച്ചി​രു​ന്ന ത​രു​വ​ണ തേ​ട്ടോ​ളി ബ​ഷീ​റി​ന്‍റെ മ​ക​ൻ മു​ഹ​മ്മ​ദ് ഹി​ഷാ​ദി​ന്‍റെ അ​ഡ്മി​ഷ​നാ​ണ് ര​ക്ഷി​താ​വ് അ​റി​യാ​തെ വെ​ള്ള​മു​ണ്ട എ.​യു.​പി​യി​ലെ​ത്തി​യ​ത്.

ക​ഴി​ഞ്ഞ മേ​യ് മു​ത​ൽ ബം​ഗ​ളൂ​രു​വി​ലെ ശ​ബ​രി സ്കൂ​ളി​ൽ പ​ഠി​ക്കു​ന്ന ഈ ​കു​ട്ടി​യു​ടെ ടി.​സി ആ​റാം പ്ര​വൃ​ത്തി ദി​വ​സം വെ​ള്ള​മു​ണ്ട എ.​യു.​പി​യി​ലേ​ക്ക് വ​ന്ന​ത് എ​ങ്ങ​നെ എ​ന്ന ചോ​ദ്യ​മാ​ണ് ഉ​യ​രു​ന്ന​ത്. ഈ ​കു​ട്ടി​യു​ടെ ടി.​സി ശ​ബ​രി സ്കൂ​ളി​ലേ​ക്ക് അ​നു​വ​ദി​ച്ച​താ​യി ത​രു​വ​ണ ഗ​വ. വി​ദ്യാ​ല​യ​ത്തി​ലെ പ്ര​ധാ​നാ​ധ്യാ​പ​ക​നും പ​റ​യു​ന്നു. വെ​ള്ള​മു​ണ്ട എ.​യു.​പി​യി​ലേ​ക്ക് ഈ ​കു​ട്ടി​യു​ടെ ടി.​സി ന​ൽ​കി​യ​ത് ര​ക്ഷി​താ​വി​ന്‍റെ അ​പേ​ക്ഷ പ്ര​കാ​ര​മ​ല്ലെ​ന്ന് കു​ട്ടി​യു​ടെ പി​താ​വ് ബ​ഷീ​ർ പ​റ​ഞ്ഞു.

അ​ധ്യ​യ​നം തു​ട​ങ്ങി​യ സ​മ​യ​ത്ത് എ.​യു.​പി​യി​ൽ നി​ന്നു അ​ധ്യാ​പ​ക​ർ മ​ക​ന് ഇ​വി​ടെ അ​ഡ്മി​ഷ​ൻ വ​ന്നി​ട്ടു​ണ്ടെ​ന്ന് പ​റ​യു​ക​യും ബം​ഗ​ളൂ​രു​വി​ൽ പ​ഠി​ക്കു​ക​യാ​ണെ​ന്ന് അ​റി​യി​ക്കു​ക​യും ചെ​യ്തി​രു​ന്നു​വെ​ന്ന് അ​ദ്ദേ​ഹം പ​റ​ഞ്ഞു. ജൂ​ൺ 14ന് ​ഈ കു​ട്ടി​യെ വെ​ള്ള​മു​ണ്ട എ.​യു.​പി​യി​ൽനി​ന്നു ത​രു​വ​ണ ഗ​വ. യു.​പി​യി​ലേ​ക്ക് ടി.​സി ന​ൽ​കി മാ​റ്റി​യ​താ​യും സൂ​ച​ന​യു​ണ്ട്.

എ​ന്നാ​ൽ, ബം​ഗ​ളൂ​രു​വി​ൽ പ​ഠി​ക്കു​ന്ന കു​ട്ടി​യു​ടെ ടി.​സി തെ​റ്റാ​യി വ​ന്ന​താ​ണെ​ന്ന് വെ​ള്ള​മു​ണ്ട എ.​യു.​പി സ്കൂ​ൾ അ​ധി​കൃ​ത​രും പ​റ​യു​ന്നു. ബം​ഗ​ളൂ​രു​വി​ലെ വി​ദ്യാ​ല​യ​ത്തി​ലേ​ക്ക് ടി.​സി അ​നു​വ​ദി​ച്ച കു​ട്ടി എ​ങ്ങ​നെ ര​ക്ഷി​താ​വ​റി​യാ​തെ വെ​ള്ള​മു​ണ്ട​യി​ലെ​ത്തി എ​ന്ന ചോ​ദ്യ​മാ​ണ് ഉ​യ​രു​ന്ന​ത്. വി​ദ്യാ​ഭ്യാ​സ വ​കു​പ്പി​ലെ ഉ​ന്ന​ത​ർ അ​റി​ഞ്ഞു കൊ​ണ്ട് ന​ട​ത്തി​യ ക്ര​മ​ക്കേ​ടി​ന്‍റെ വി​വ​ര​ങ്ങ​ളാ​ണ് പു​റ​ത്തു വ​രു​ന്ന​തെ​ന്നാ​ണ് ര​ക്ഷി​താ​ക്ക​ൾ പ​റ​യു​ന്ന​ത്.

ത​സ്തി​ക ഉ​റ​പ്പി​ക്കാ​ൻ ത​രു​വ​ണ ഗ​വ. യു.​പി സ്കൂ​ളി​ൽ​നി​ന്ന് കു​ട്ടി​ക​ളെ വെ​ള്ള​മു​ണ്ട സ്കൂ​ളി​ലേ​ക്ക് മാ​റ്റി​ചേർത്തത് രാ​ത്രി​യി​ൽ

വെ​ള്ള​മു​ണ്ട: സി.​പി.​എം ജി​ല്ല നേ​താ​വി​ന്‍റെ മ​ക​ന് വെ​ള്ള​മു​ണ്ട എ.​യു.​പി സ്കൂ​ളി​ൽ നി​യ​മ​നം ന​ൽ​കു​ന്ന​തി​ന് വി​ദ്യാ​ഭ്യാ​സ വ​കു​പ്പി​ൽ വ​ഴി​വി​ട്ട നീ​ക്ക​ങ്ങ​ൾ ന​ട​ന്ന​താ​യി ആ​രോ​പ​ണം. വെ​ള്ള​മു​ണ്ട എ​യ്ഡ​ഡ് സ്‌​കൂ​ളി​ലെ കു​ട്ടി​ക​ളു​ടെ എ​ണ്ണം വ​ര്‍ധി​പ്പി​ച്ച് ത​സ്തി​ക ഉ​റ​പ്പി​ക്കാ​നാ​യി നാ​ലു കീ​ലോ​മീ​റ്റ​ർ അ​പ്പു​റ​ത്തു​ള്ള ത​രു​വ​ണ ഗ​വ. യു.​പി സ്‌​കൂ​ളി​ൽ നി​ന്നു രാ​ത്രിസ​മ​യ​ത്ത് കു​ട്ടി​ക​ളെ മാ​റ്റി.

രാ​ത്രിസ​മ​യ​ത്ത് ര​ണ്ട് വി​ദ്യാ​ര്‍ഥി​ക​ള്‍ക്ക് ടി.​സി ന​ല്‍കി​യ​താ​യി സ്‌​കൂ​ളി​ല്‍നി​ന്നു ല​ഭി​ച്ച വി​വ​രാ​വ​കാ​ശ​രേ​ഖ​യി​ൽ പ​റ​യു​ന്നു. സ്‌​കൂ​ളി​ലെ ആ​റാം പ്ര​വൃ​ത്തി​ദി​ന​ത്തി​ല്‍ സ​മ്പൂ​ര്‍ണ ഓ​ണ്‍ലൈ​ന്‍ വെ​ബ്‌​പോ​ര്‍ട്ട​ലി​ല്‍ ന​ല്‍കു​ന്ന കു​ട്ടി​ക​ളു​ടെ എ​ണ്ണ​ത്തി​ന്റെ അ​ടി​സ്ഥാ​ന​ത്തി​ലാ​ണ് ത​സ്തി​ക നി​ര്‍ണ​യം ന​ട​ത്തു​ന്ന​ത്. ഇ​ത് സം​ബ​ന്ധി​ച്ച് കൃ​ത്യ​മാ​യ മാ​ര്‍ഗ​നി​ര്‍ദേ​ശം ജൂ​ണ്‍ തു​ട​ക്ക​ത്തി​ല്‍ ത​ന്നെ പൊ​തു​വി​ദ്യാ​ഭ്യാ​സ വ​കു​പ്പ് പു​റ​പ്പെ​ടു​വി​ച്ചി​രു​ന്നു. ഇ​തു​പ്ര​കാ​രം ആ​റാം പ്ര​വൃ​ത്തി ദി​വ​സ​മാ​യ ജൂ​ണ്‍ എ​ട്ടി​ന് അ​ഞ്ച് മ​ണി​വ​രെ​യാ​ണ് സ​മ്പൂ​ര്‍ണ​യി​ല്‍ മാ​റ്റ​ങ്ങ​ള്‍ വ​രു​ത്താ​നു​ള്ള സ​മ​യ​പ​രി​ധി.

എ​ന്നാ​ല്‍, ത​രു​വ​ണ ജി.​യു.​പി സ്‌​കൂ​ളി​ല്‍ നി​ന്നു അ​ന്നേ​ദി​വ​സം എ.​യു.​പി സ്‌​കൂ​ളി​ലേ​ക്ക് ടി.​സി ന​ല്‍കി​യ നാ​ല് വി​ദ്യാ​ര്‍ഥി​ക​ളി​ല്‍ ര​ണ്ടു പേ​ര്‍ക്ക് രാ​ത്രി എ​ട്ടു മ​ണി​യോ​ടെ​യാ​ണ് ടി.​സി ന​ല്‍കി​യ​തെ​ന്ന് വി​വ​രാ​വ​കാ​ശ​രേ​ഖ​യി​ല്‍ പ​റ​യു​ന്നു. എ.​ഇ.​ഒ സ​മ്പൂ​ര്‍ണ റീ​സെ​റ്റ് ചെ​യ്ത് ന​ല്‍കി​യ​തി​നാ​ലാ​ണ് ഇ​ത്ത​ര​ത്തി​ല്‍ ടി.​സി ന​ല്‍കി​യ​തെ​ന്നാ​ണ് ത​രു​വ​ണ​യി​ലെ പ്ര​ധാ​നാ​ധ്യാ​പ​ക​ൻ പ​റ​യു​ന്ന​ത്. രാ​ത്രി എ​ട്ടി​ന് ടി.​സി ന​ല്‍കി​യ ര​ണ്ട് വി​ദ്യാ​ര്‍ഥി​ക​ളെ​യും അ​ന്നേ​ദി​വ​സം ത​ന്നെ വെ​ള്ള​മു​ണ്ട എ.​യു.​പി​യി​ലെ പ​ട്ടി​ക​യി​ല്‍ ഉ​ള്‍പ്പെ​ടു​ത്തി.

എ​യ്ഡ​ഡ് വി​ദ്യാ​ല​യ​ത്തി​ല്‍ പു​തി​യ ത​സ്തി​ക സൃ​ഷ്ടി​ച്ച ശേ​ഷം ജി​ല്ല​യി​ലെ ഉ​ന്ന​ത രാ​ഷ്ട്രീ​യ നേ​താ​വി​ന്റെ മ​ക​ന് സ്‌​കൂ​ളി​ല്‍ ജോ​ലി​ന​ല്‍കാ​ന്‍ വേ​ണ്ടി​യാ​ണ് ഇ​ത്ത​ര​ത്തി​ല്‍ ച​ട്ട​വി​രു​ദ്ധം ന​ട​ത്തി​യ​തെ​ന്നും ആ​രോ​പ​ണ​മു​യ​രു​ന്നു​ണ്ട്. എ​ന്നാ​ൽ, അ​ന്നേ ദി​വ​സം സൈ​റ്റ് ഹാ​ങ്ങാ​യ​തി​നാ​ൽ പ്ര​ത്യേ​ക അ​നു​മ​തി വാ​ങ്ങി​യാ​ണ് രാ​ത്രി ടി.​സി ന​ൽ​കി​യ​തെ​ന്ന് ബ​ന്ധ​പ്പെ​ട്ട​വ​ർ പ​റ​യു​ന്നു. സി.​പി.​എം നേ​താ​വി​ന്‍റെ മ​ക​ന് നി​യ​മ​നം ന​ൽ​കു​ന്ന​തി​ന് ക്ര​മം​വി​ട്ട പ്ര​വ​ർ​ത്ത​നം ന​ട​ന്ന​താ​യ ആ​രോ​പ​ണം ശ​രി​യ​ല്ലെ​ന്ന് വെ​ള്ള​മു​ണ്ട എ.​യു.​പി സ്കൂ​ൾ മാ​നേ​ജ​ർ വി.​എം. മു​ര​ളീ​ധ​ര​ൻ മാ​ധ്യ​മ​ത്തോ​ട് പ​റ​ഞ്ഞു. നേ​താ​വി​ന്‍റെ മ​ക​നെ താ​ൽ​ക്കാലി​ക​മാ​യാ​ണ് നി​യ​മി​ച്ച​ത്. സ്ഥി​രം നി​യ​മ​ന​ത്തി​നു​ള്ള ഒ​രു ന​ട​പ​ടി​ക്ര​മ​വും ഇ​തു​വ​രെ ന​ട​ത്തി​യി​ട്ടി​ല്ലെ​ന്നും അ​ദ്ദേ​ഹം പ​റ​ഞ്ഞു.

നി​ല​വി​ലു​ള്ള ര​ണ്ട് അ​ധ്യാ​പ​ക​ർ ത​ന്നെ പ്രൊ​ട്ട​ക്റ്റി​ങ് പോ​സ്റ്റി​ലാ​ണ് ഇ​വി​ടെ ജോ​ലി ചെ​യ്യു​ന്ന​ത്. ആ ​അ​വ​സ്ഥ നി​ല​നി​ൽ​ക്കു​മ്പോ​ഴാ​ണ് പു​തി​യ നി​യ​മ​നം ച​ർ​ച്ച​യാ​വു​ന്ന​ത്.

സ​ർ​ക്കാ​ർ വി​ദ്യാ​ല​യ​ത്തെ ത​ക​ർ​ത്ത് എ​യ്ഡ​ഡി​ന് കു​ട​പി​ടി​ക്കു​ന്നു -യൂ​ത്ത് കോ​ൺ​ഗ്ര​സ്

വെ​ള്ള​മു​ണ്ട: സി.​പി.​എം ജി​ല്ല സെ​ക്ര​ട്ട​റി​യു​ടെ മ​ക​ന്‍റെ അ​ധ്യാ​പ​ക ജോ​ലി​ക്കാ​യി സ​ർ​ക്കാ​ർ സ്കൂ​ളി​ലെ വി​ദ്യാ​ർ​ഥി​ക​ൾ​ക്ക് നി​യ​മ​വി​രു​ദ്ധ​മാ​യി എ​യ്ഡ​ഡ് സ്കൂ​ളി​ൽ അ​ഡ്മി​ഷ​ൻ ന​ൽ​കി തി​രി​മ​റി ന​ട​ത്തി​യ​താ​യി വെ​ള്ള​മു​ണ്ട മ​ണ്ഡ​ലം യൂ​ത്ത് കോ​ൺ​ഗ്ര​സ് ആ​രോ​പി​ച്ചു.

ത​രു​വ​ണ ഗ​വ. യു.​പി സ്കൂ​ളി​ലെ​യും സ​മീ​പ​ത്തെ മ​റ്റ് സ്കൂ​ളി​ലെ​യും ചി​ല അ​ൺ എ​യ്ഡ​ഡ് വി​ദ്യാ​ല​യ​ത്തി​ലെ​യും കു​ട്ടി​ക​ളെ അ​ഡ്മി​ഷ​ൻ സ​മ​യം ക​ഴി​ഞ്ഞ​പ്പോ​ൾ മാ​ന​ന്ത​വാ​ടി എ.​ഇ.​ഒ​യു​ടെ ഒ​ത്താ​ശ​യോ​ടെ സ​മ്പൂ​ർ​ണ സോ​ഫ്റ്റ് വെ​യ​റി​ൽ കൃ​തി​മം ചെ​യ്താ​ണ് ഈ ​നി​യ​മ​വി​രു​ദ്ധ ഇ​ട​പാ​ടു​ക​ൾ ന​ട​ത്തി​യ​ത്.

സ്കൂ​ൾ മാ​നേ​ജ്മെ​ന്‍റും സ​ർ​ക്കാ​ർ അ​ധി​കൃ​ത​രും ഭ​ര​ണ സ്വാ​ധീ​ന​ത്തി​ന്‍റെ മ​റ​വി​ൽ ന​ട​ത്തി​യ ന​ട​പ​ടി​ക്കെ​തി​രെ ശ​ക്ത​മാ​യ സ​മ​രം ന​ട​ത്താ​ൻ യോ​ഗം തീ​രു​മാ​നി​ച്ചു. മ​ണ്ഡ​ലം പ്ര​സി​ഡ​ന്‍റ് കെ. ​ശ്രീ​ജി​ത്ത് അ​ധ്യ​ക്ഷ​ത വ​ഹി​ച്ചു.

ജി​തി​ൻ തോ​മ​സ്, ജൈ​മോ​ൻ, കെ.​പി. റി​ൻ​ഷാ​ദ്, ല​ളി​ത ബാ​ബു, സി.​എ​സ്. അ​ർ​ച്ച​ന, മ​ധു​പ്പ​ല്ലോ​റ, ലി​ജോ​സ​ണ്ണി, കെ.​ഇ. ഷ​മീം എ​ന്നി​വ​ർ സം​സാ​രി​ച്ചു.

നി​യ​മ​ന വി​വാ​ദ​ത്തി​ൽ സ​മ​ഗ്രാ​ന്വേ​ഷ​ണം ന​ട​ത്ത​ണം -എം.​എ​സ്.​എ​ഫ്

ക​ൽ​പ​റ്റ: വെ​ള്ള​മു​ണ്ട എ.​യു.​പി സ്കൂ​ളി​ൽ സി.​പി.​എം ജി​ല്ല സെ​ക്ര​ട്ട​റി​യു​ടെ മ​ക​ന് വ​ഴി​വി​ട്ട നി​യ​മ​ന​ത്തി​ന് അ​വ​സ​രം ന​ൽ​കാ​ൻ പൊ​തു വി​ദ്യാ​ഭ്യാ​സ​ത്തെ ത​ക​ർ​ക്കു​ന്ന ത​ര​ത്തി​ൽ ഇ​ട​പെ​ട​ൽ ന​ട​ന്നു​വെ​ന്ന വാ​ർ​ത്ത പു​റ​ത്തുവ​ന്ന സാ​ഹ​ച​ര്യ​ത്തി​ൽ വി​ഷ​യ​ത്തി​ൽ സ​മ​ഗ്രാ​ന്വേ​ഷ​ണം ന​ട​ത്ത​ണ​മെ​ന്ന് എം.​എ​സ്.​എ​ഫ് ജി​ല്ല ക​മ്മി​റ്റി ആ​വ​ശ്യ​പ്പെ​ട്ടു.

വി​ഷ​യ​ത്തി​ൽ സ​മ​ഗ്രാ​ന്വേ​ഷ​ണം ന​ട​ത്തി കു​റ്റ​ക്കാ​ർ​ക്കെ​തി​രെ ന​ട​പ​ടി​യെ​ടു​ക്ക​ണ​മെ​ന്ന ആ​വ​ശ്യം ഉ​ന്ന​യി​ച്ച് തി​ങ്ക​ളാ​ഴ്ച രാ​വി​ലെ 10ന് ​സ്കൂ​ളി​ലേ​ക്ക് മാ​ർ​ച്ച് ന​ട​ത്തു​മെ​ന്നും ക​മ്മി​റ്റി പ്ര​സ്താ​വ​ന​യി​ലൂ​ടെ അ​റി​യി​ച്ചു.

സി.​പി.​എം ഉ​ന്ന​ത ബ​ന്ധം അ​ന്വേ​ഷി​ക്ക​ണം -ബി.​ജെ.​പി

ക​ൽ​പ​റ്റ: വെ​ള്ള​മു​ണ്ട എ.​യു.​പി സ്കൂ​ളി​ലേ​ക്ക് പു​തി​യ കു​ട്ടി​ക​ളെ ക​ണ്ടെ​ത്തു​ന്ന​തി​നാ​യി മ​റ്റൊ​രു സ്കൂ​ളി​ലെ വി​ദ്യാ​ർ​ഥി​ക​ളു​ടെ വി​ടു​ത​ൽ സ​ർ​ട്ടി​ഫി​ക്ക​റ്റ് അ​ന​ധി​കൃ​ത​മാ​യി ത​ര​പ്പെ​ടു​ത്തി​യ സം​ഭ​വ​ത്തി​ൽ സി.​പി.​എം നേ​തൃ​ത്വ​ത്തി​ന്‍റെ ഉ​ന്ന​ത ബ​ന്ധം അ​ന്വേ​ഷി​ക്ക​ണ​മെ​ന്ന് ബി.​ജെ.​പി ജി​ല്ല ക​മ്മി​റ്റി ആ​വ​ശ്യ​പ്പെ​ട്ടു.

സി.​പി.​എം ജി​ല്ല സെ​ക്ര​ട്ട​റി​യു​ടെ മ​ക​ന് അ​ധ്യാ​പ​ക പ​ദ​വി നി​ല​നി​ർ​ത്താ​ൻ വേ​ണ്ടി പ്ര​വൃ​ത്തി സ​മ​യം ക​ഴി​ഞ്ഞി​ട്ടും ക​ള്ള സോ​ഫ്റ്റ് വെ​യ​ർ ഉ​പ​യോ​ഗി​ച്ച് ന​ട​ത്തി​യ ത​ട്ടി​പ്പി​ന് പി​ന്നി​ൽ ഉ​ന്ന​ത ഉ​ദ്യോ​ഗ​സ്ഥ​ന്മാ​രു​ടെ നീ​ണ്ട നി​ര ത​ന്നെ ഉ​ണ്ട്. ത​ട്ടി​പ്പി​ന് കൂ​ട്ടു​നി​ന്ന ഉ​ദ്യോ​ഗ​സ്ഥ​ന്മാ​രെ അ​ന്വേ​ഷ​ണ വി​ധേ​യ​മാ​യി ജോ​ലി​യി​ൽ​നി​ന്ന് മാ​റ്റി നി​ർ​ത്തു​ക​യും സി.​പി​എം ജി​ല്ല സെ​ക്ര​ട്ട​റി​യു​ടെ മ​ക​നെ ജോ​ലി​യി​ൽ​നി​ന്ന് പി​രി​ച്ച് വി​ടാ​നും സം​സ്ഥാ​ന സ​ർ​ക്കാ​ർ ത​യാ​റാ​ക​ണ​മെ​ന്നും ബി.​ജെ.​പി അ​വ​ശ്യ​പ്പെ​ട്ടു. ജി​ല്ല പ്ര​സി​ഡ​ന്‍റ് കെ.​പി. മ​ധു അ​ധ്യ​ക്ഷ​ത വ​ഹി​ച്ചു. പ​ള്ളി​യ​റ മു​കു​ന്ദ​ൻ, സ​ജി ശ​ങ്ക​ർ, കെ. ​സ​ദാ​ന​ന്ദ​ൻ, പ്ര​ശാ​ന്ത് മ​ല​വ​യ​ൽ, കെ. ​ശ്രീ​നി​വാ​സ​ൻ, കെ. ​മോ​ഹ​ൻ​ദാ​സ് എ​ന്നി​വ​ർ സം​സാ​രി​ച്ചു.

വി​ദ്യാ​ഭ്യാ​സ വ​കു​പ്പി​ലെ ചി​ല​രു​ടെ ഇ​ട​പെ​ട​ലും ച​ർ​ച്ച​യാ​വു​ന്നു

വെ​ള്ള​മു​ണ്ട: സി.​പി.​എം ജി​ല്ല സെ​ക്ര​ട്ട​റി​യു​ടെ മ​ക​ന്‍റെ താ​ൽ​ക്കാ​ലി​ക നി​യ​മ​ന​വു​മാ​യി ബ​ന്ധ​പ്പെ​ട്ട് ഉ​യ​രു​ന്ന പ​രാ​തി​യി​ൽ വി​ദ്യാ​ഭ്യാ​സ വ​കു​പ്പി​ലെ ചി​ല​രു​ടെ ഇ​ട​പെ​ട​ലും ച​ർ​ച്ച​യാ​വു​ന്നു. വാ​യു​വി​ൽ പ​റ​ക്കു​ന്ന ടി.​സി​ക​ളും ആ​റാം പ്ര​വൃ​ത്തി ദി​വ​സ​ത്തി​ന് ശേ​ഷം കാ​ണാ​താ​വു​ന്ന കു​ട്ടി​ക​ളെ കു​റി​ച്ചും വി​ശ​ദ​മാ​യ അ​ന്വേ​ഷ​ണം വേ​ണ​മെ​ന്ന ആ​വ​ശ്യ​മാ​ണ് ഉ​യ​രു​ന്ന​ത്.

ആ​റാം പ്ര​വൃ​ത്തി ദി​വ​സം ക​ണ​ക്കൊ​പ്പി​ക്കു​ന്ന​തി​ന് വേ​ണ്ടി ചേ​ർ​ക്കു​ന്ന വി​ദ്യാ​ർ​ഥി​ക​ളി​ൽ പ​ല​രും ആ ​വി​ദ്യാ​ല​യ​ത്തി​ൽ ഒ​രു ദി​വ​സം പോ​ലും പ​ഠ​ന​ത്തി​ന് എ​ത്താ​റി​ല്ല. സ്വ​കാ​ര്യ വി​ദ്യാ​ല​യ​ങ്ങ​ളി​ലും മ​റ്റു സം​സ്ഥാ​ന​ങ്ങ​ളി​ലും പ​ഠി​ക്കു​ന്ന വി​ദ്യാ​ർ​ഥി​ക​ൾ വ​രെ ആ​റാം പ്ര​വൃ​ത്തി ദി​ന​ത്തി​ൽ 'സ​മ്പൂ​ർ​ണ​യു​ടെ ക​ണ​ക്കി​ൽ പെ​ടു​ത്തി എ​ണ്ണം വ​ർ​ധി​പ്പി​ക്കു​ന്ന അ​വ​സ്ഥ​യു​ണ്ട്. പ​ല എ​യ്ഡ​ഡ് വി​ദ്യാ​ല​യ​ങ്ങ​ളി​ലും, ഇ​ല്ലാ​ത്ത കു​ട്ടി​ക​ളു​ടെ ക​ണ​ക്ക് കാ​ണി​ച്ചാ​ണ് ഡി​വി​ഷ​ൻ രൂ​പ​വ​ത്ക​രി​ക്കു​ന്ന​തെ​ന്ന പ​രാ​തി​ക്ക് വ​ർ​ഷ​ങ്ങ​ളു​ടെ പ​ഴ​ക്ക​മു​ണ്ട്.

മു​ൻ​വ​ർ​ഷ​ങ്ങ​ളി​ൽ സൂ​പ്പ​ർ ചെ​ക് സെ​ൽ ന​ട​ത്തി​യ പ​രി​ശോ​ധ​ന​യി​ൽ ഇ​ത് ക​ണ്ടെ​ത്തു​ക​യും വ​ലി​യ പി​ഴ വി​ധി​ക്കു​ക​യും ചെ​യ്തി​രു​ന്നു. ഇ​തേ തു​ട​ർ​ന്ന് പ​ഴു​ത​ട​ച്ച പ്ര​വ​ർ​ത്ത​ന​മാ​ണ് നി​ല​വി​ൽ ന​ട​ക്കു​ന്ന​ത്. മ​റ്റു സം​സ്ഥാ​ന​ങ്ങ​ളി​ലെ വി​ദ്യാ​ല​യ​ങ്ങ​ളി​ലേ​ക്ക് മാ​റി​യ കു​ട്ടി​ക​ളു​ടെ എ​ണ്ണം ര​ക്ഷി​താ​ക്ക​ൾ അ​റി​യാ​തെ ചേ​ർ​ക്കു​ന്ന​തും അ​ധി​കൃ​ത​ർ അ​റി​ഞ്ഞു കൊ​ണ്ട് ന​ട​ക്കു​ന്ന പ്ര​വ​ർ​ത്ത​ന​മാ​ണെ​ന്ന് ര​ക്ഷി​താ​ക്ക​ൾ പ​റ​യു​ന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:vellamundaVellamunda A.U.P school
News Summary - A child studying in Bangalore at Vellamunda A.U.P.; Controversy rages on
Next Story