പച്ചപിടിക്കുന്നു വാനില വീണ്ടും

പു​ൽ​പ​ള്ളി: വാ​നി​ല കൃ​ഷി​ക്ക് ജി​ല്ല​യി​ൽ വീ​ണ്ടും പു​തു​ജീ​വ​ൻ. പ​ച്ച ബീ​ൻ​സി​ന് കി​ലോ​ക്ക് 2000 രൂ​പ​യോ​ളം വി​ല​യാ​യ​തോ​ടെ​യാ​ണ് ക​ർ​ഷ​ക​ർ ഈ ​കൃ​ഷി​യി​ലേ​ക്ക് തി​രി​ച്ചു​വ​രു​ന്ന​ത്. 90ക​ളി​ൽ വ​യ​നാ​ട്ടി​ൽ വാ​നി​ല കൃ​ഷി വ്യാ​പ​ക​മാ​യി​രു​ന്നു. വി​ല​യി​ടി​വും രോ​ഗ​ബാ​ധ​യും കാ​ര​ണം പ​തി​യെ ക​ർ​ഷ​ക​ർ കൃ​ഷി ഉ​പേ​ക്ഷി​ച്ചു. സ​മീ​പ​കാ​ല​ത്ത് വീ​ണ്ടും വാ​നി​ല​യു​ടെ വി​ല വ​ർ​ധി​ക്കു​ക​യാ​ണ്.

പ​ഴ​യ​തി​ൽ​നി​ന്ന്​ വ്യ​ത്യ​സ്​​ത​മാ​യി ഗ്രീ​ൻ നെ​റ്റ് ഷെ​ഡു​ക​ൾ തീ​ർ​ത്ത് അ​തി​നു​ള്ളി​ലാ​ണ് പ​ല​രും കൃ​ഷി ചെ​യ്യു​ന്ന​ത്. പു​ൽ​പ​ള്ളി ഷെ​ഡ് വ​ർ​ഗീ​സ്​ ചെ​റു​തോ​ട്ടി​ൽ 500ഓ​ളം വാ​നി​ല​ത്തൈ​ക​ളാ​ണ് ന​ട്ടു​പി​ടി​പ്പി​ച്ചി​രി​ക്കു​ന്ന​ത്. ത​ണു​പ്പ് ആ​വ​ശ്യ​മു​ള്ള ഒ​രു വി​ള​യാ​ണ് വാ​നി​ല​യെ​ന്നും അ​തു​കൊ​ണ്ടാ​ണ് ഗ്രീ​ൻ നെ​റ്റു​ക​ൾ​ക്കു​ള്ളി​ൽ കൃ​ഷി ന​ട​ത്തു​ന്ന​തെ​ന്നും അ​ദ്ദേ​ഹം പ​റ​യു​ന്നു.

വി​ദേ​ശ​ത്ത​ട​ക്കം വാ​നി​ല​യു​ടെ ഉ​ൽ​പാ​ദ​നം കു​റ​വാ​ണെ​ന്നാ​ണ് റി​പ്പോ​ർ​ട്ട്. അ​തു​കൊ​ണ്ട് ത​ന്നെ വാ​നി​ല​യു​ടെ വി​ല ഇ​നി​യും വ​ർ​ധി​ക്കാ​നാ​ണ് സാ​ധ്യ​ത. കേ​ര​ള​ത്തി​ൽ ഇ​ടു​ക്കി, വ​യ​നാ​ട്, എ​റ​ണാ​കു​ളം ജി​ല്ല​ക​ളി​ലാ​ണ് ഏ​റ്റ​വും കൂ​ടു​ത​ൽ വാ​നി​ല കൃ​ഷി​യു​ള്ള​ത്. വി​പ​ണ​ന സാ​ധ്യ​ത​ക​ൾ കൂ​ടി​വ​രു​ന്ന​ത് ക​ർ​ഷ​ക​ർ​ക്ക് പു​ത്ത​ൻ പ്ര​തീ​ക്ഷ​ക​ൾ ന​ൽ​കു​ക​യാ​ണ്.