പാതയോരങ്ങളിലെ ഉപയോഗശൂന്യമായ വാഹനങ്ങൾ നീക്കം ചെയ്യണം

ഗൂഡല്ലൂർ: പാതയോരങ്ങളിൽ ഉപയോഗശൂന്യമായി ഉപേക്ഷിച്ച വാഹനങ്ങൾ ഉടമസ്ഥർ ഫെബ്രുവരി 25നുള്ളിൽ ഒഴിവാക്കണമെന്ന് ഗൂഡല്ലൂർ ട്രാഫിക് പൊലീസ് വാഹനങ്ങൾക്ക് മീതെ നോട്ടീസ് പതിച്ച് മുന്നറിയിപ്പ് നൽകി. പ്രധാന പാതയോരങ്ങളിലും വർഷോപ്പുകൾക്ക് മുന്നിലും ഗതാഗത തടസ്സത്തിന് കാരണമാകുന്നവിധം പഴയ ഉപയോഗശൂന്യമായ വാഹനങ്ങൾ നിർത്തിയിട്ടിരിക്കുന്നത് ഒഴിവാക്കണമെന്ന് പൊലീസ് അറിയിച്ചു.

രണ്ടു ദിവസത്തിനുള്ളിൽ വാഹനം മാറ്റിയില്ലെങ്കിൽ പൊക്കിക്കൊണ്ടുപോകുമെന്ന് വാഹനത്തിനു മുകളിൽ ഒട്ടിച്ച നോട്ടീസിലൂടെ മുന്നറിയിപ്പ് നൽകി. ഗൂഡല്ലൂർ നഗരത്തിലെ കോഴിക്കോട് റോഡ്, മൈസൂർ റോഡ് ദേവർഷോല റോഡ് ഉൾപ്പെടെയുള്ള റോഡുകളുടെ പാതയോരങ്ങളിൽ നിർത്തിയ വാഹനങ്ങളിലാണ് നോട്ടീസ് പതിച്ചത്.