അശാസ്ത്രീയ റോഡ് നവീകരണം; മൊക്കുമ്മൽ കയറ്റം കയറാനാവാതെ ഭാരവാഹനങ്ങൾ

കെ​ല്ലൂ​ർ: കോ​ടി​ക​ൾ മു​ട​ക്കി പു​തു​ക്കി പ​ണി​തി​ട്ടും സം​സ്ഥാ​ന പാ​ത​യി​ൽ ക​യ​റ്റം ക​യ​റാ​നാ​വാ​തെ വാ​ഹ​ന​ങ്ങ​ൾ. ക​യ​റ്റ​ത്തി​ൽ വാ​ഹ​നം നി​ന്നു​പോ​കു​ന്ന​തു കാ​ര​ണം നി​ര​വ​ധി അ​പ​ക​ട​ങ്ങ​ൾ​ക്കി​ട​യാ​ക്കി​യ ആ​റാം മൈ​ൽ മൊ​ക്കു​മ്മ​ൽ ക​യ​റ്റ​മാ​ണ് ഇ​പ്പോ​ഴും പ​ഴ​യ​പ​ടി​യി​ലുള്ള​ത്. ന​വീ​ക​ര​ണ പ്ര​വൃ​ത്തി പൂ​ർ​ത്തീ​ക​രി​ച്ച് റോ​ഡി​ന്റെ ക​യ​റ്റം കു​റ​ച്ചെ​ന്നാ​ണ് അ​ധി​കൃ​ത​രു​ടെ അ​വ​കാ​ശ​വാ​ദം. അ​ശാ​സ്ത്രീ​യ​മാ​യാ​ണ് പു​തു​ക്കി​പ​ണി​യ​ൽ ന​ട​ത്തി​യ​തെ​ന്നാ​ണ് നാ​ട്ടു​കാ​രു​ടെ പ​രാ​തി. ഭാ​രം ക​യ​റ്റിവ​രു​ന്ന വാ​ഹ​ന​ങ്ങ​ൾ ഇ​പ്പോ​ഴും ക​യ​റ്റം ക​യ​റാ​നാ​കാ​തെ പ്ര​യാ​സ​പ്പെ​ടു​ക​യാ​ണ്. പ​ല​തും ഇ​ട​ക്കു​ നി​ന്നു​പോ​കു​ന്നു.

അ​ധി​കൃ​ത​രു​ടെ കെ​ടു​കാ​ര്യ​സ്ഥ​ത മൂ​ലം ഖ​ജ​നാ​വി​ലെ കോ​ടി​ക​ൾ പോ​യി എ​ന്ന​ത​ല്ലാ​തെ റോ​ഡു​പ​ണി കൊ​ണ്ട് ഉ​ദ്ദേ​ശി​ച്ച പ്ര​യോ​ജ​നം ഉ​ണ്ടാ​യി​ട്ടി​ല്ലെ​ന്ന ആ​ക്ഷേ​പം ശ​ക്ത​മാ​ണ്. ര​ണ്ടു വ​ർ​ഷ​ത്തി​ലേ​റെ റോ​ഡു​പ​ണി നീ​ണ്ട​തി​നാ​ൽ നാ​ട്ടു​കാ​രും സ​മീ​പ​ത്തെ വീ​ട്ടു​കാ​രും പൊ​ടി ശ​ല്യ​മ​ട​ക്കം ഏ​റെ ബു​ദ്ധി​മു​ട്ടാ​ണ് സ​ഹി​ച്ച​ത്. റോ​ഡ് വീ​തി കൂ​ട്ടാ​നും ക​യ​റ്റം കു​റ​ക്കാ​നു​മാ​യി ഇ​വി​ടെ​യു​ള്ള മ​ഖാ​മി​ന്റെ മു​ൻ വ​ശം പൊ​ളി​ക്കാ​ൻ ആ​റാം മൈ​ൽ മ​ഹ​ല്ല് ക​മ്മി​റ്റി സ​ഹ​ക​രി​ച്ചി​രു​ന്നു. ക​ഴി​ഞ്ഞ ദി​വ​സം ലോ​ഡു​മാ​യി വ​ന്ന ലോ​റി ര​ണ്ടു ദി​വ​സ​മാ​ണ് ക​യ​റ്റം ക​യ​റാ​നാ​വാ​തെ മൊ​ക്കു​മ്മ​ൽ ക​യ​റ്റ​ത്തി​ൽ കു​ടു​ങ്ങി​പ്പോ​യ​ത്. തു​ട​ർ​ന്ന് പ്ര​ദേ​ശ​ത്ത് ര​ണ്ടു ദി​വ​സ​വും ഗ​താ​ഗ​ത കു​രു​ക്കു​ണ്ടാ​യി. മണ്ണുമാന്തി യന്ത്രം ​ഉ​പ​യോ​ഗി​ച്ചാ​ണ് വാ​ഹ​നം മു​ക​ളി​ലേ​ക്ക് ക​യ​റ്റി​യ​ത്.

പ​ണി തീ​ർ​ന്ന​തി​ന് ശേ​ഷം ക​യ​റ്റം ക​യ​റാ​നാ​വാ​തെ ഒ​ട്ടേ​റെ വാ​ഹ​ന​ങ്ങ​ൾ പ്ര​ദേ​ശ​ത്ത് കു​ടു​ങ്ങു​ക പ​തി​വാ​ണ്. അ​റ്റ​കു​റ്റ​പ​ണി​യി​ൽ ന​ട​ന്ന അ​നാ​സ്ഥ​യെ കു​റി​ച്ച് അ​ന്വേ​ഷ​ണം ന​ട​ത്തി കു​റ്റ​ക്കാ​ർ​ക്കെ​തി​രെ ന​ട​പ​ടി സ്വീ​ക​രി​ക്ക​ണ​മെ​ന്നും ഭാ​രം ക​യ​റ്റി വ​രു​ന്ന വാ​ഹ​ന​ങ്ങ​ൾ​ക്ക​ട​ക്കം സു​ഗ​മ​മാ​യി ക​ട​ന്നു​പോ​കു​ന്ന ത​ര​ത്തി​ൽ റോ​ഡ് ന​ന്നാ​ക്ക​ണ​മെ​ന്നു​മാ​ണ് നാ​ട്ടു​കാ​രു​ടെ ആ​വ​ശ്യം.