ആരോഗ്യപ്രവർത്തകരെ കൈയേറ്റം ചെയ്ത രണ്ടുപേർ അറസ്​റ്റിൽ

കൽപറ്റ: ആംബുലന്‍സ് ജീവനക്കാരായ രണ്ട് ആരോഗ്യ പ്രവര്‍ത്തകരെ കൈയേറ്റം ചെയ്യാന്‍ ശ്രമിച്ചെന്ന പരാതിയിൽ രണ്ടുപേരെ മാനന്തവാടി പൊലീസ് അറസ്​റ്റ് ചെയ്തു. അഞ്ചാം മൈല്‍ കെല്ലൂര്‍ സ്വദേശികളായ പെരിങ്ങോളന്‍ വീട്ടില്‍ ഹംസ, വയില്‍ വീട്ടില്‍ അസ്സു എന്നിവരെയാണ് അറസ്​റ്റ് ചെയ്തത്.

കഴിഞ്ഞദിവസം ബത്തേരി ആശുപത്രിയിലെ 108 ആംബുലൻസിലെ ആരോഗ്യപ്രവര്‍ത്തകർ തട്ടുകടയില്‍ കയറി ചായ കുടിക്കാനായി മാസ്‌ക് ഊരിയ സമയം ഇരുവരും സദാചാരം ചമഞ്ഞ് കൈയേറ്റം ചെയ്യാന്‍ ശ്രമിച്ചതായാണ് പരാതി. ആരോഗ്യ പ്രവര്‍ത്തകരുടെ പരാതിയുടെ അടിസ്ഥാനത്തിലാണ് നടപടി.