മീ​ന​ങ്ങാ​ടി ടൗ​ണി​ൽ നാ​ളെ മു​ത​ൽ ട്രാ​ഫി​ക് പ​രി​ഷ്ക​ര​ണം

മീ​ന​ങ്ങാ​ടി: മീ​ന​ങ്ങാ​ടി ടൗ​ണി​ല്‍ തി​ങ്ക​ളാ​ഴ്ച മു​ത​ല്‍ ട്രാ​ഫി​ക് പ​രി​ഷ്ക​ര​ണം നി​ല​വി​ല്‍ വ​രും. സ്ഥി​രം പാ​ര്‍ക്കി​ങ് പൂ​ര്‍ണ​മാ​യി ഒ​ഴി​വാ​ക്കി 20 മി​നി​റ്റ് നേ​രം സ്ഥാ​പ​ന​ത്തി​നു മു​ന്നി​ല്‍ വാ​ഹ​നം നി​ര്‍ത്തി സാ​ധ​ന​ങ്ങ​ള്‍ വാ​ങ്ങാ​നോ മ​റ്റ് ആ​വ​ശ്യ​ങ്ങ​ള്‍ നി​റ​വേ​റ്റാ​നോ അ​നു​മ​തി ന​ല്‍കും. ഡ്രൈ​വ​ര്‍ വി​ളി​പ്പാ​ട​ക​ലെ ഉ​ണ്ടാ​ക​ണ​മെ​ന്ന നി​ബ​ന്ധ​ന​യോ​ടെ​യാ​ണ് പാ​ര്‍ക്ക് ആ​ൻ​ഡ് ബൈ ​സി​സ്റ്റം ന​ട​പ്പാ​ക്കു​ന്ന​ത്.

രാ​വി​ലെ വാ​ഹ​നം നി​ര്‍ത്തി​യി​ട്ട് രാ​ത്രി തി​രി​ച്ചെ​ത്തു​ന്ന​ത് വ​രെ പാ​ര്‍ക്ക് ചെ​യ്യു​ന്ന​വ​ര്‍ക്കെ​തി​രെ പി​ഴ ചു​മ​ത്തും. പൊ​ലീ​സ് സ്റ്റേ​ഷ​ന്‍ മു​ത​ല്‍ മു​സ്‍ലിം പ​ള്ളി വ​രെ റോ​ഡി​ന്റെ വ​ട​ക്ക് ഭാ​ഗ​ത്തെ പാ​ര്‍ക്കി​ങ് പൂ​ര്‍ണ​മാ​യി നി​രോ​ധി​ച്ചു. ഓ​ട്ടോ ടാ​ക്സി സ്റ്റാ​ൻ​ഡു​ക​ളി​ലും പു​നഃ​ക്ര​മീ​ക​ര​ണം വ​രു​ത്തി​യി​ട്ടു​ണ്ട്.

കോ​ഴി​ക്കോ​ട് ഭാ​ഗ​ത്തേ​ക്ക് പോ​കു​ന്ന ദീ​ര്‍ഘ​ദൂ​ര ബ​സു​ക​ള്‍ പ​ഞ്ചാ​യ​ത്ത് ഓ​ഫി​സി​നു മു​മ്പി​ലെ ബ​സ്ബേ യി​ല്‍ നി​ര്‍ത്തി ആ​ളു​ക​ളെ ഇ​റ​ക്കു​ക​യും ക​യ​റ്റു​ക​യും ചെ​യ്യേ​ണ്ട​താ​ണ്. പു​ല്‍പ​ള്ളി -അ​പ്പാ​ട് ഭാ​ഗ​ത്തു​നി​ന്നു​ള്ള ബ​സു​ക​ള്‍ ബ്ര​ദേ​ഴ്സ് ഹോ​ട്ട​ലി​നു മു​ന്നിൽ നി​ർ​ത്ത​ണം. കാ​ര്യ​മ്പാ​ടി ഭാ​ഗ​ത്തുനി​ന്ന് വ​രു​ന്ന ബ​സു​ക​ള്‍ വി​ല്ലേ​ജ് ഓ​ഫി​സി​നു എ​തി​ര്‍ വ​ശ​വും നി​ർ​ത്ത​ണം. മ​റ്റ് ബ​സ് സ്റ്റോ​പ്പു​ക​ള്‍ക്ക് മാ​റ്റ​മി​ല്ല.

രാ​വി​ലെ ഒ​മ്പ​ത് മു​ത​ല്‍ 10.30 വ​രെ​യും വൈ​കീ​ട്ട് 3.30 മു​ത​ല്‍ അ​ഞ്ച് വ​രെ​യും ടൗ​ണി​ല്‍ വ​ലി​യ വാ​ഹ​ന​ങ്ങ​ളി​ല്‍ ച​ര​ക്ക് ക​യ​റ്റു​ന്ന​തി​നും ഇ​റ​ക്കു​ന്ന​തി​നും നി​രോ​ധ​ന​മു​ണ്ട്. ഈ ​സ​മ​യ​ങ്ങ​ളി​ല്‍ സ്കൂ​ള്‍ റോ​ഡി​ലൂ​ടെ ടി​പ്പ​ര്‍ മു​ത​ലാ​യ വാ​ഹ​ന​ങ്ങ​ള്‍ അ​നു​വ​ദി​ക്കി​ല്ല. ടൗ​ണി​ലെ ന​ട​പ്പാ​ത​യു​ടെ ഹാ​ൻ​ഡ് റെ​യി​ലി​ല്‍ കൊ​ടി തോ​ര​ണ​ങ്ങ​ള്‍ കെ​ട്ടാ​ൻ നി​യ​ന്ത്ര​ണ​ങ്ങ​ള്‍ ഏ​ര്‍പ്പെ​ടു​ത്തി. ടൗ​ണി​ല്‍ വ​ഴി​യോ​ര ക​ച്ച​വ​ട​മോ, വാ​ഹ​ന​ങ്ങ​ളി​ലെ​ത്തി​ച്ചു​ള്ള വി​ല്‍പ​ന​യും അ​നു​വ​ദി​ക്കി​ല്ല.

ട്രാ​ഫി​ക് റെ​ഗു​ലേ​റ്റ​റി ക​മ്മി​റ്റി യോ​ഗ​ത്തി​ൽ പ​ഞ്ചാ​യ​ത്ത് പ്ര​സി​ഡ​ന്റ് കെ.​ഇ.​വി​ന​യ​ന്‍, സ്റ്റേ​ഷ​ന്‍ ഹൗ​സ് ഓ​ഫി​സ​ര്‍ രാം​കു​മാ​ര്‍, ഗ്ര​മ​പ​ഞ്ചാ​യ​ത്ത് സ്ഥി​രം സ​മി​തി അം​ഗ​ങ്ങ​ളാ​യ ബേ​ബി വ​ര്‍ഗ്ഗീ​സ്, ഉ​ഷ രാ​ജേ​ന്ദ്ര​ന്‍, പി. ​വാ​സു​ദേ​വ​ന്‍, ഭ​ര​ണ സ​മി​തി അം​ഗ​ങ്ങ​ള്‍, വ്യാ​പാ​രി വ്യ​വ​സാ​യി പ്ര​തി​നി​ധി​ക​ള്‍, രാ​ഷ്ട്രീ​യ പാ​ര്‍ട്ടി പ്ര​തി​നി​ധി​ക​ള്‍, ട്രേ​ഡ് യൂ​നി​യ​ന്‍ നേ​താ​ക്ക​ള്‍ എ​ന്നി​വ​ര്‍ പ​ങ്കെ​ടു​ത്തു.