വ്യാ​ജരേ​ഖ​ക​ളു​മാ​യി എ​ത്തി​യ ടൂ​റി​സ്റ്റ് ബ​സ് പി​ടി​കൂ​ടി

സു​ൽ​ത്താ​ൻ ബ​ത്തേ​രി: കേ​ര​ള -ക​ർ​ണാ​ട​ക അ​തി​ർ​ത്തി​യി​ലെ മു​ത്ത​ങ്ങ ചെ​ക്ക്പോ​സ്റ്റി​ൽ മ​റ്റൊ​രു വാ​ഹ​ന​ത്തി​ന്റെ രേ​ഖ​ക​ളു​മാ​യി മൈ​സൂ​രു​വി​ലെ ആ​ർ. കെ.​പു​ര​ത്തു നി​ന്നും എ​ത്തി​യ ടൂ​റി​സ്റ്റ് ബ​സ് പി​ടി​കൂ​ടി. മു​ത്ത​ങ്ങ ആ​ർ.​ടി.​ഒ ചെ​ക്ക്പോ​സ്റ്റി​ൽ ഡ്യൂ​ട്ടി​യി​ലു​ണ്ടാ​യി​രു​ന്ന മോ​ട്ടോ​ർ വെ​ഹി​ക്കി​ൾ ഇ​ൻ​സ്പെ​ക്ട​ർ പി.​ആ​ർ. മ​നു​വി​ന്‍റെ നേ​തൃ​ത്വ​ത്തി​ലു​ള്ള സം​ഘ​മാ​ണ് ബ​സ് പി​ടി​കൂ​ടി കേ​സെ​ടു​ത്ത് സു​ൽ​ത്താ​ൻ ബ​ത്തേ​രി പൊ​ലീ​സി​ന് കൈ​മാ​റി​യ​ത്.

ക​ഴി​ഞ്ഞ​ദി​വ​സം വൈ​കീ​ട്ട് ആ​റി​ന് മു​ത്ത​ങ്ങ​യി​ലെ​ത്തി​യ ഈ ​ബ​സ് മ​റ്റൊ​രു വാ​ഹ​ന​ത്തി​ന്‍റെ വ്യാ​ജ രേ​ഖ​ക​ൾ ന​ൽ​കി പെ​ർ​മി​റ്റ് എ​ടു​ക്കാ​ൻ ശ്ര​മി​ക്കു​ക​യാ​യി​രു​ന്നു. ഇ​തി​നി​ട​യി​ൽ വാ​ഹ​ന​ത്തി​ന്‍റെ ന​മ്പ​ർ പ്ലേ​റ്റി​ൽ സ്റ്റി​ക്ക​ർ പ​തി​ച്ച​ത് ശ്ര​ദ്ധ​യി​ൽ​പെ​ട്ട എം.​വി.​ഐ പി.​ആ​ർ. മ​നു വാ​ഹ​ന​ത്തി​ന്റെ എ​ൻ​ജി​ൻ ന​മ്പ​റും ചെ​യി​സ് ന​മ്പ​റും ശേ​ഖ​രി​ച്ച് ക​മ്പ്യൂ​ട്ട​റി​ൽ പ​രി​ശോ​ധി​ച്ച​പ്പോ​ഴാ​ണ് രേ​ഖ​ക​ൾ വ്യാ​ജ​മാ​ണെ​ന്ന് മ​ന​സി​ലാ​യ​ത്. ഉ​ട​ൻ വാ​ഹ​നം ക​സ്റ്റ​ഡി​യി​ലെ​ടു​ത്ത് സു​ൽ​ത്താ​ൻ ബ​ത്തേ​രി പൊ​ലീ​സി​ൽ വി​വ​രം അ​റി​യി​ച്ചു. ഡ്രൈ​വ​റെ​യും ബ​സും പൊ​ലീ​സ് സ്റ്റേ​ഷ​നി​ൽ എ​ത്തി​ക്കാ​നാ​യി​രു​ന്നു പൊ​ലീ​സ് നി​ർ​ദേ​ശം. പൊ​ലീ​സ് എ​ത്താ​താ​യ​തോ​ടെ ഡ്രൈ​വ​ർ വ​ന​ത്തി​ലൂ​ടെ ഓ​ടി ര​ക്ഷ​പ്പെ​ട്ടു.

പി​റ്റേ​ന്ന് രാ​വി​ലെ വാ​ഹ​നം പി​ടി​കൂ​ടി​യ ഉ​ദ്യോ​ഗ​സ്ഥ​നാ​യ പി.​ആ​ർ. മ​നു ത​ന്നെ ബ​ത്തേ​രി​യി​ലെ ഹോ​ട്ട​ലി​ൽ വെ​ച്ച് ഡ്രൈ​വ​റെ​യും വാ​ഹ​ന ഉ​ട​മ​ക​ളെ​യും പൊ​ലീ​സി​നെ വി​ളി​ച്ചു​വ​രു​ത്തി കൈ​മാ​റു​ക​യാ​യി​രു​ന്നു. ര​ണ്ട് വ​ർ​ഷ​മാ​യി പ്ര​സ്തു​ത വാ​ഹ​ന​ത്തി​ന് പെ​ർ​മി​റ്റോ ഇ​ൻ​ഷുറോ മ​റ്റ് രേ​ഖ​ക​ളോ ഉ​ണ്ടാ​യി​രു​ന്നി​ല്ല. മ​റ്റൊ​രു വാ​ഹ​ന​ത്തി​ന്റെ രേ​ഖ​ക​ളു​മാ​യാ​ണ് നി​റ​യെ വി​നോ​ദ സ​ഞ്ചാ​രി​ക​ളെ​യും കു​ത്തി നി​റ​ച്ച് വാ​ഹ​നം കേ​ര​ള​ത്തി​ലേ​ക്ക് എ​ത്തി​യ​ത്.

വാ​ഹ​നം പി​ടി​ച്ചെ​ടു​ക്കു​ന്ന സം​ഘ​ത്തി​ൽ എ.​എം.​വി ഐ​മാ​രാ​യ ഷാ​ൻ എ​സ്. നാ​ഫ്, ബൈ​ജു, ഒ.​എ. അ​ബി​ൻ, ഒ.​എ പ്ര​ബി​ൻ എ​ന്നി​വ​രും പ​ങ്കെ​ടു​ത്തു.