ബ​ത്തേ​രി ന​ഗ​രം വി​ടാ​തെ പു​ലി; ജ​നം ആ​ശ​ങ്ക​യി​ൽ

സു​ൽ​ത്താ​ൻ ബ​ത്തേ​രി: ഒ​രു മാ​സ​ത്തോ​ള​മാ​യി സു​ൽ​ത്താ​ൻ ബ​ത്തേ​രി ന​ഗ​ര​ത്തി​ൽ ത​ങ്ങു​ന്ന പു​ലി ര​ണ്ടു ദി​വ​സ​ത്തെ ഇ​ട​വേ​ള​ക്കു​ശേ​ഷം വീ​ണ്ടും പു​റ​ത്തി​റ​ങ്ങി. പാ​ട്ട​വ​യ​ൽ റോ​ഡി​ൽ സെ​ന്റ് ജോ​സ​ഫ്സ് സ്കൂ​ളി​ന​ടു​ത്ത് ഇ​ട​വ​ഴി​യി​ലാ​ണ് വെ​ള്ളി​യാ​ഴ്ച രാ​ത്രി പു​ലി​യെ ക​ണ്ട​ത്. കെ​ട്ടി​ട​ത്തി​നു സ​മീ​പ​ത്തെ മ​തി​ലി​ലൂ​ടെ ന​ട​ന്ന് പു​ലി റോ​ഡ് മ​ുറി​ച്ചു​ക​ട​ന്ന് സ്വ​കാ​ര്യ തോ​ട്ട​ത്തി​ലേ​ക്ക് ഓ​ടിപ്പോ​വു​ക​യാ​യി​രു​ന്നു. കോ​ട്ട​ക്കു​ന്ന് പു​തു​ശ്ശേ​രി പോ​ൾ​മാ​ത്യൂ​സി​ന്റെ വീ​ടി​നോ​ടു ചേ​ർ​ന്ന് പു​ലി​യെ പി​ടി​കൂ​ടാ​ൻ ക​ഴി​ഞ്ഞ​ദി​വ​സം കൂ​ടു​വെ​ച്ചി​രു​ന്നു.

ഇ​വി​ടെ​നി​ന്ന് ഒ​രു കി​ലോ​മീ​റ്റ​ർ അ​ക​ലെ​യാ​ണ് സെ​ന്റ് ജോ​സ​ഫ്സ് സ്കൂ​ൾ. പു​ലി​യു​ടെ സാ​ന്നി​ധ്യം സ്ഥി​രീ​ക​രി​ച്ച​തോ​ടെ ശ​നി​യാ​ഴ്ച രാ​വി​ലെ ഡി.​എ​ഫ്.​ഒ അ​ജി​ത്ത് കെ. ​രാ​മ​ൻ ഉ​ൾ​പ്പെ​ടെ​യു​ള്ള വ​ന​പാ​ല​ക​സം​ഘം സെ​ന്റ് ജോ​സ​ഫ്സ് സ്കൂ​ളി​ന​ടു​ത്ത് തി​ര​ച്ചി​ൽ ന​ട​ത്തി. പു​ലി​യെ ക​ണ്ടെ​ത്തി വെ​ടി​വെ​ച്ചു കൊ​ല്ല​ണ​മെ​ന്ന് പ്ര​ദേ​ശ​വാ​സി​ക​ളി​ൽ ചി​ല​ർ വ​നം വ​കു​പ്പി​നോ​ട് ആ​വ​ശ്യ​പ്പെ​ട്ടു. ഇ​ത് പ്രാ​യോ​ഗി​ക​മ​ല്ലാ​ത്ത​തി​നാ​ലാ​ണ് വ​നം വ​കു​പ്പ് എ​ത്ര​യും പെ​ട്ടെ​ന്ന് കൂ​ടു​വെ​ക്കാ​നു​ള്ള ന​ട​പ​ടി സ്വീ​ക​രി​ച്ച​ത്.

സെ​ന്റ് ജോ​സ​ഫ്സ് സ്കൂ​ളി​ന​ടു​ത്താ​ണ് ര​ണ്ടാ​മ​ത്തെ കൂ​ട് വെ​ച്ചി​ട്ടു​ള്ള​ത്. കോ​ട്ട​ക്കു​ന്നി​ൽ കോ​ഴി​യെ തേ​ടി ഇ​ട​ക്കി​ടെ എ​ത്തി​യി​രു​ന്ന പു​ലി കൂ​ട് വെ​ച്ച​തി​നു​ശേ​ഷം അ​വി​ടേ​ക്ക് എ​ത്തി​യി​ട്ടി​ല്ല. അ​തി​നാ​ൽ പു​ലി മു​മ്പ് കൂ​ട്ടി​ൽ അ​ക​പ്പെ​ട്ട​താ​ണോ എ​ന്ന് സം​ശ​യ​മു​ണ്ട്. ജ​ന​വാ​സ കേ​ന്ദ്ര​ത്തി​ൽ​നി​ന്ന് വ​നം വ​കു​പ്പ് പി​ടി​കൂ​ടി പി​ന്നീ​ട് കാ​ട്ടി​ൽ ഉ​പേ​ക്ഷി​ച്ച പു​ലി​യാ​യി​രി​ക്കാം ഇ​പ്പോ​ൾ സു​ൽ​ത്താ​ൻ ബ​ത്തേ​രി​യി​ൽ എ​ത്തി​യി​ട്ടു​ള്ള​തെ​ന്നാ​ണ് സം​ശ​യം. ഒ​രു​ത​വ​ണ കൂ​ട്ടി​ൽ ക​യ​റി​യ പു​ലി വീ​ണ്ടും കൂ​ട്ടി​ൽ ക​യ​റാ​നു​ള്ള സാ​ധ്യ​ത കു​റ​വാ​ണെ​ന്ന് ഈ ​മേ​ഖ​ല​യു​മാ​യി ബ​ന്ധ​പ്പെ​ട്ട​വ​ർ പ​റ​യു​ന്നു. കോ​ട്ട​ക്കു​ന്ന്, ഫെ​യ​ർ​ലാ​ൻ​ഡ്, പ​ട്ട​രു​പാ​ടി, ചു​ങ്കം, മ​ന്ത​ണ്ടി​ക്കു​ന്ന് ക​വ​ല എ​ന്നി​വി​ട​ങ്ങ​ളി​ലെ​ല്ലാം ജ​നം പു​ലി ഭീ​തി​യി​ലാ​ണ്.

ക​ബ​നി​ഗി​രി​യി​ൽ പു​ലി വീ​ണ്ടും ആ​ടി​നെ കൊ​ന്നു​തി​ന്നു

പു​ൽ​പ​ള്ളി: മു​ള്ള​ൻ​കൊ​ല്ലി ക​ബ​നി​ഗി​രി​യി​ൽ പു​ലി വീ​ണ്ടും ആ​ടി​നെ കൊ​ന്നു​തി​ന്നു. ക​ബ​നി​ഗി​രി​യി​ൽ പ​ന​ച്ചി​മ​റ്റ​ത്തി​ൽ ജോ​യി​യു​ടെ കൂ​ട്ടി​ൽ​നി​ന്നാ​ണ് പു​ലി മൂ​ന്ന​ര വ​യ​സ്സു​ള്ള ആ​ടി​നെ പി​ടി​ച്ച​ത്. ജോ​യി​യു​ടെ മൂ​ന്ന് ആ​ടു​ക​ളെ മൂ​ന്ന് ദി​വ​സ​ത്തി​ന​കം കൊ​ല​പ്പെ​ടു​ത്തി. ക​ഴി​ഞ്ഞ ഒ​രാ​ഴ്ച​യാ​യി പു​ലി ഭീ​തി​യി​ലാ​ണ് ക​ബ​നി​ഗി​രി മ​ര​ക്ക​ട​വ് പ്ര​ദേ​ശം. പു​ലി​യെ പി​ടി​കൂ​ടു​ന്ന​തി​നാ​യി നി​രീ​ക്ഷ​ണ കാ​മ​റ​യും കൂ​ടും ക​ബ​നി​ഗി​രി​യി​ൽ സ്ഥാ​പി​ച്ചി​ട്ടു​ണ്ട്. ഇ​തി​നോ​ടു ചേ​ർ​ന്ന സ്ഥ​ല​ത്തു​നി​ന്നാ​ണ് പു​ലി ആ​ടു​ക​ളെ പി​ടി​കൂ​ടി കൊ​ന്ന​ത്.

പു​ലി​യു​ടെ ദൃ​ശ്യം സി.​സി.​ടി.​വി കാ​മ​റ​യി​ല​ട​ക്കം പ​തി​ഞ്ഞി​രു​ന്നു. ക​ഴി​ഞ്ഞ ദി​വ​സ​ങ്ങ​ളി​ൽ വ​ന​പാ​ല​ക സം​ഘം പ്ര​ദേ​ശ​ത്ത് തി​ര​ച്ചി​ൽ ന​ട​ത്തി. എ​ന്നാ​ൽ, പു​ലി​യു​ടെ കാ​ൽ​പാ​ടു​ക​ളും മ​റ്റും ക​ണ്ടെ​ത്താ​ൻ ക​ഴി​ഞ്ഞി​ല്ല. പ​ന​ച്ചി​മ​റ്റ​ത്തി​ൽ ജോ​യി​യു​ടെ മൂ​ന്ന് ആ​ടു​ക​ൾ​ക്കും​കൂ​ടി 75000 രൂ​പ​യാ​ണ് ന​ഷ്​​ട​പ​രി​ഹാ​ര​മാ​യി വ​നം​വ​കു​പ്പ് ന​ൽ​കാ​ൻ തീ​രു​മാ​നി​ച്ചി​രി​ക്കു​ന്ന​ത്. ഈ ​തു​ക കു​റ​വാ​ണെ​ന്നും ഇ​ത് ഉ​യ​ർ​ത്ത​ണ​മെ​ന്നു​മാ​ണ് ജോ​യി പ​റ​യു​ന്ന​ത്. ക​ടു​വ​യെ പി​ടി​കൂ​ട​ണ​മെ​ന്നും ന​ഷ്​​ട​പ​രി​ഹാ​ര​തു​ക ഉ​യ​ർ​ത്ത​ണ​മെ​ന്നും ക​ത്തോ​ലി​ക്ക കോ​ൺ​ഗ്ര​സ്​ നേ​തൃ​സ​മി​തി ഭാ​ര​വാ​ഹി​ക​ളാ​യ സു​നി​ൽ പാ​ല​മ​റ്റ​വും ബീ​ന ജോ​സും ആ​വ​ശ്യ​പ്പെ​ട്ടു.