യുവാവിനെ വീട്ടിൽകയറി വെട്ടിയ സംഭവം: ക്വട്ടേഷൻ സംഘത്തിലെ മൂന്നുപേർ കൂടി പിടിയിൽ

മീ​ന​ങ്ങാ​ടി: ക​ര​ണി​യി​ൽ വീ​ട്ടി​ൽ ക​യ​റി യു​വാ​വി​നെ കൊ​ല​പ്പെ​ടു​ത്താ​ൻ ശ്ര​മി​ച്ച സം​ഭ​വ​ത്തി​ൽ ക്വ​ട്ടേ​ഷ​ൻ സം​ഘ​ത്തി​ലെ മൂ​ന്നു​പേ​രെ ത​മി​ഴ് നാ​ട്ടി​ലെ തേ​നി​യി​ൽ നി​ന്നും തൃ​ച്ചി​യി​ൽ നി​ന്നും പൊ​ലീ​സ് പി​ടി​കൂ​ടി. തേ​നി കോ​ട്ടൂ​ർ സ്വ​ദേ​ശി വ​ര​ദരാ​ജ​ൻ (34), തേ​നി അ​ല്ലി​ന​ഗ​രം സ്വ​ദേ​ശി അ​ശ്വ​ത​മ​ൻ എ​ന്ന അ​ച്യു​ത​ൻ (23), ത്രി​ച്ചി കാ​ട്ടൂ​ർ അ​ണ്ണാ​ന​ഗ​ർ സ്വ​ദേ​ശി മ​ണി​ക​ണ്ഠ​ൻ (29) എ​ന്നി​വ​രെ​യാ​ണ് സു​ൽ​ത്താ​ൻ ബ​ത്തേ​രി ഡി​വൈ.​എ​സ്.​പി അ​ബ്ദു​ൽ ഷ​രീ​ഫി​ന്റെ നേ​തൃ​ത്വ​ത്തി​ലു​ള്ള സം​ഘം പി​ടി​കൂ​ടി​യ​ത്. വ​ര​ത​രാ​ജ​നും അ​ശ്വ​ത​മ​നും ത​മി​ഴ് നാ​ട്ടി​ലെ ജെ​ല്ലി​ക്കെ​ട്ട്, കോ​ഴി​പ്പോ​ര് എ​ന്നി​വ​യു​മാ​യി ബ​ന്ധ​പ്പെ​ട്ടും മ​റ്റും നി​ര​വ​ധി ക്രി​മി​ന​ൽ കേ​സു​ക​ളി​ൽ പ്ര​തി​ക​ളാ​ണ്. 13ന് ​പു​ല​ർ​ച്ച​യാ​ണ് മു​ഖം​മൂ​ടി ധ​രി​ച്ചെ​ത്തി​യ സം​ഘം മാ​ര​കാ​യു​ധ​ങ്ങ​ളു​മാ​യി രാ​ത്രി വീ​ട് ച​വി​ട്ടി​പ്പൊ​ളി​ച്ചു പി​താ​വി​നെ കെ​ട്ടി​യി​ട്ട് ക​ര​ണി സ്വ​ദേ​ശി​യും നി​ര​വ​ധി കേ​സു​ക​ളി​ൽ പ്ര​തി​യു​മാ​യ അ​ഷ്ക​ർ അ​ലി​യെ കൊ​ല​പ്പെ​ടു​ത്താ​ൻ ശ്ര​മി​ച്ച​ത്.

എ​റ​ണാ​കു​ളം നോ​ർ​ത്ത് പ​റ​വൂ​ർ സ്വ​ദേ​ശി​ക​ളാ​യ മ​ന്നം കോ​ക്ക​ർ​ണി പ​റ​മ്പി​ൽ ശ​ര​ത് (34), മാ​ഞ്ഞാ​ലി ക​ണ്ടാ​ര​ത്ത് അ​ഹ​മ്മ​ദ് മ​സൂ​ദ് (27), മ​ന്നം കോ​ക്ക​ർ​ണി പ​റ​മ്പി​ൽ കെ.​എ. അ​ഷ്ബി​ൻ (26), ക​മ്പ​ള​ക്കാ​ട് ക​ല്ല​പ​റ​മ്പി​ൽ കെ.​എം. ഫ​ഹ​ദ് (28) എ​ന്നി​വ​രെ അ​ന്വേ​ഷ​ണ സം​ഘം നേ​ര​ത്തെ അ​റ​സ്റ്റ് ചെ​യ്തി​രു​ന്നു. ക്വ​ട്ടേ​ഷ​ൻ സം​ഘ​ങ്ങ​ളെ കേ​ന്ദ്രീ​ക​രി​ച്ച് കൂ​ടു​ത​ൽ അ​ന്വേ​ഷ​ണം ന​ട​ത്തി​വ​രി​ക​യാ​ണെ​ന്ന് ജി​ല്ല പൊ​ലീ​സ് മേ​ധാ​വി പ​ദം സി​ങ് അ​റി​യി​ച്ചു. കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ് ചെ​യ്തു. മീ​ന​ങ്ങാ​ടി ഇ​ൻ​സ്പെ​ക്ട​ർ ബി​ജു ആ​ൻ​റ​ണി, സു​ൽ​ത്താ​ൻ ബ​ത്തേ​രി ഇ​ൻ​സ്പെ​ക്ട​ർ എം.​എ സ​ന്തോ​ഷ്, എ​സ്.​ഐ ഹ​രീ​ഷ് കു​മാ​ർ, എ.​എ​സ്.​ഐ ബി​ജു വ​ർ​ഗീ​സ് എ​ന്നി​വ​രും സം​ഘ​ത്തി​ൽ ഉ​ണ്ടാ​യി​രു​ന്നു.