കാനനപാതകൾ താണ്ടി അവർ വോട്ടുകുത്തി

ചേ​കാ​ടി: കാ​ടും​മേ​ടും ക​ട​ന്ന് വ​ന്യ​മൃ​ഗ​ങ്ങ​ൾ വി​ഹ​രി​ക്കു​ന്ന കാ​ന​ന​പാ​ത​ക​ൾ താ​ണ്ടി അ​വ​ർ ജ​നാ​ധി​പ​ത്യ​ത്തി​ന്റെ മ​ഷി ഇ​ട​തു ചൂ​ണ്ടു​വി​ര​ലി​ൽ പു​ര​ട്ടി. വ​യ​നാ​ട്ടി​ലെ വ​ന​ത്താ​ൽ ചു​റ്റ​​പ്പെ​ട്ട ഗ്രാ​മ​ങ്ങ​ളി​ലാ​ണ് രാ​വി​ലെ മു​ത​ൽ ഒ​റ്റ​ക്കാ​യും കൂ​ട്ട​മാ​യും വോ​ട്ടു​ചെ​യ്യാ​ൻ പ്ര​ദേ​ശ​വാ​സി​ക​ൾ എ​ത്തി​യ​ത്. പു​ൽ​പ​ള്ളി പ​ഞ്ചാ​യ​ത്തി​ലെ ചേ​കാ​ടി എ​ൽ.​പി സ്കൂ​ളി​ലെ​യും തി​രു​നെ​ല്ലി പ​ഞ്ചാ​യ​ത്തി​ലെ ഷാ​ണ​മം​ഗ​ല​ത്തെ ബാ​വ​ലി ജി.​യു.​പി.​എ​സി​ലെ​യും ബൂ​ത്തു​ക​ളി​ൽ ഗോ​ത്ര​വി​ഭാ​ഗ​ക്കാ​ര​ട​ക്കം രാ​വി​ലെ ത​ന്നെ വോ​ട്ടു​ചെ​യ്യാ​നെ​ത്തി. ചേ​കാ​ടി സ്കൂ​ളി​ലെ 26ാം ബൂ​ത്തി​ൽ 747ഉം 27ാം ​ബൂ​ത്തി​ൽ 368ഉം ​വോ​ട്ട​ർ​മാ​രാ​ണു​ള്ള​ത്. വ​ന​ത്താ​ൽ ചു​റ്റ​പ്പെ​ട്ട ചേ​കാ​ടി ഗ്രാ​മം കൃ​ഷി​ക്ക് പേ​രു​കേ​ട്ട ദേ​ശ​മാ​ണ്. ചേ​കാ​ടി​യി​ല്‍ 40 ഏ​ക്ക​റോ​ളം സ്ഥ​ല​ത്ത് ഗ​ന്ധ​ക​ശാ​ല ഇ​ന​ത്തി​ല്‍പ്പെ​ട്ട നെ​ല്ല് മാ​ത്ര​മാ​ണ് കൃ​ഷി ചെ​യ്തു​വ​രു​ന്ന​ത്. ആ​കെ​യു​ള്ള 150 ക​ര്‍ഷ​ക​രി​ല്‍ 93 പേ​രും ആ​ദി​വാ​സി വി​ഭാ​ഗ​ത്തി​ല്‍പ്പെ​ട്ട​വ​രാ​ണ്. 15 ശ​ത​മാ​ന​മാ​ണ് പൊ​തു​വി​ഭാ​ഗ​മു​ള്ള​ത്. പ​ണി​യ, കാ​ട്ടു​നാ​യ്ക്ക, അ​ടി​യ, ഊ​രാ​ളി, കു​റു​മ വി​ഭാ​ഗ​ങ്ങ​ളാ​ണ് കൂ​ടു​ത​ലു​ള്ള​ത്. ചേ​കാ​ടി​യി​ലെ ക്ഷേ​ത്ര ഉ​ത്സ​വം ന​ട​ക്കു​ന്ന​തി​നാ​ൽ രാ​വി​ലെ 10.30ഓ​ടെ വോ​ട്ട​ർ​മാ​രു​ടെ വ​ര​വ് കു​റ​ഞ്ഞി​രു​ന്നു. ആ​ന​പ്പാ​റ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ലെ ലാ​ബ് അ​സി​സ്റ്റ​ന്റാ​യ സി.​വി. ച​ന്ദ്ര​ശേ​ഖ​രാ​ണ് ബൂ​ത്ത് ലെ​വ​ൽ ഓ​ഫി​സ​ർ.

ഷാ​ണ​മം​ഗ​ല​ത്തെ ബാ​വ​ലി ജി.​യു.​പി സ്കൂ​ളി​ൽ 62, 63 ന​മ്പ​ർ ബൂ​ത്തു​ക​ളാ​ണ് പ്ര​വ​ർ​ത്തി​ച്ച​ത്. ആ​കെ 1208 വോ​ട്ട​ർ​മാ​രാ​ണു​ണ്ടാ​യി​രു​ന്ന​ത്. വ​യ​നാ​ട്ടി​ലെ മ​റ്റ് വ​ന​പ്ര​ദേ​ശ​ങ്ങ​ളി​ലെ ബൂ​ത്തു​ക​ളി​ലും രാ​വി​ലെ ത​ന്നെ നി​ര​വ​ധി​പേ​ർ വോ​ട്ടു​ചെ​യ്യാ​നെ​ത്തി​യി​രു​ന്നു.