മു​ട്ടി​ൽ മ​രം​മു​റി കോ​ട​തി വി​ധി പ്ര​തി​ക​ൾ​ക്ക് തി​രി​ച്ച​ടി​യാ​കും

ക​ൽ​പ​റ്റ: മു​ട്ടി​ൽ മ​രം​മു​റി കേ​സി​ൽ കോ​ട​തി വി​ധി പ്ര​തി​ക​ൾ​ക്ക് തി​രി​ച്ച​ടി​യാ​കും. മു​ട്ടി​ല്‍ സൗ​ത്ത് വി​ല്ലേ​ജി​ല്‍ നി​യ​മ​വി​രു​ദ്ധ​മാ​യി മു​റി​ച്ച​തി​ന​ത്തു​ട​ര്‍ന്ന് ക​സ്റ്റ​ഡി​യി​ലെ​ടു​ത്ത ഈ​ട്ടി​ത്ത​ടി​ക​ള്‍ വ​നം വ​കു​പ്പ് ക​ണ്ടു​കെ​ട്ടി​യ​തി​നെ​തി​രെ പ്ര​തി​ക​ൾ ന​ൽ​കി​യ അ​പ്പീ​ലു​ക​ള്‍ അ​ഡീ​ഷ​ന​ല്‍ ജി​ല്ല കോ​ട​തി(​ഒ​ന്ന്) ജ​ഡ്ജി എ.​വി. മൃ​ദു​ല ക​ഴി​ഞ്ഞ ദി​വ​സം ത​ള്ളി​യി​രു​ന്നു. റോ​ജി അ​ഗ​സ്റ്റി​നും മ​റ്റും സ​മ​ര്‍പ്പി​ച്ച അ​പ്പീ​ലു​ക​ളാ​ണ് ത​ള്ളി​യ​ത്. പ്ര​തി​ക​ളു​ടെ വാ​ദ​ങ്ങ​ളൊ​ന്നും നി​ല​നി​ൽ​ക്കി​ല്ലെ​ന്ന് ഉ​ത്ത​ര​വി​ൽ കോ​ട​തി ചൂ​ണ്ടി​ക്കാ​ട്ടി​യ​ത് പ്ര​തി​ക​ൾ​ക്ക് തി​രി​ച്ച​ടി​യാ​കു​മെ​ന്നാ​ണ് വി​ല​യി​രു​ത്ത​ൽ. ഉ​ത്ത​ര​വി​ന്റെ കൂ​ടു​ത​ൽ വി​വ​ര​ങ്ങ​ൾ പു​റ​ത്തു​വ​ന്നി​ട്ടു​ണ്ട്. മു​ട്ടി​ൽ മ​രം​മു​റി കേ​സി​ൽ മു​ൻ റ​വ​ന്യൂ സെ​ക്ര​ട്ട​റി​യു​ടെ വി​വാ​ദ ഉ​ത്ത​ര​വി​നെ​യും വ​യ​നാ​ട് അ​ഡീ​ഷ​ന​ൽ ജി​ല്ലാ കോ​ട​തി ഉ​ത്ത​ര​വി​ൽ പ​രോ​ക്ഷ​മാ​യി വി​മ​ർ​ശി​ച്ചി​ട്ടു​ണ്ട്.

സ​ർ​ക്കാ​ർ ഉ​ത്ത​ര​വു​ക​ളും സ​ർ​ക്കു​ല​റു​ക​ളും കൊ​ണ്ട് നി​ല​വി​ലു​ള്ള വ​ന​നി​യ​മ​ങ്ങ​ൾ മ​റി​ക​ട​ക്കാ​നാ​വി​ല്ലെ​ന്നാ​ണ് കോ​ട​തി വ്യ​ക്ത​മാ​ക്കി​യ​ത്. ഈ​ട്ടി​ത്ത​ടി​ക​ള്‍ ക​ണ്ടു​കെ​ട്ടി സൗ​ത്ത് വ​യ​നാ​ട് ഡി.​എ​ഫ്.​ഒ 2022 ഒ​ക്ടോ​ബ​ര്‍ 27ന് ​ഉ​ത്ത​ര​വാ​യി​രു​ന്നു. ഇ​തി​നെ​തി​രെ​യാ​യി​രു​ന്നു അ​പ്പീ​ലു​ക​ൾ. മു​ട്ടി​ല്‍ സൗ​ത്ത് വി​ല്ലേ​ജി​ല്‍ മു​റി​ച്ച മ​ര​ങ്ങ​ളി​ൽ 231 ക്യു​ബി​ക് മീ​റ്റ​ര്‍ ഈ​ട്ടി​യാ​ണ് വ​നം വ​കു​പ്പ് ക​സ്റ്റ​ഡി​യി​ലെ​ടു​ത്ത് ഡി​പ്പോ​യി​ലേ​ക്ക് മാ​റ്റി​യ​ത്. ച​ന്ദ​നം ഒ​ഴി​കെ​യു​ള്ള മ​ര​ങ്ങ​ൾ മു​റി​ച്ചെ​ടു​ക്കു​ന്ന​തി​ന് കൈ​വ​ശ​ക്കാ​രെ അ​നു​വ​ദി​ച്ച് റ​വ​ന്യൂ പ്രി​ന്‍സി​പ്പ​ല്‍ സെ​ക്ര​ട്ട​റി 2020 ഒ​ക്ടോ​ബ​ര്‍ 24നു ​ഇ​റ​ക്കി​യ ഉ​ത്ത​ര​വി​ന്റെ മ​റ​വി​ലാ​യി​രു​ന്നു അ​ന​ധി​കൃ​ത ഈ​ട്ടി മ​രം മു​റി. 500 വ​ർ​ഷ​ത്തി​ൽ കൂ​ടു​ത​ൽ പ​ഴ​ക്ക​മു​ള്ള സം​ര​ക്ഷി​ത മ​ര​ങ്ങ​ൾ അ​ട​ക്ക​മാ​ണ് മു​റി​ച്ചു​മാ​റ്റി​യ​തെ​ന്ന് ഡി.​എ​ൻ.​എ പ​രി​ശോ​ധ​ന​യി​ൽ തെ​ളി​ഞ്ഞി​രു​ന്നു.

മു​ൻ റ​വ​ന്യൂ സെ​ക്ര​ട്ട​റി​യും ഇ​പ്പോ​ഴ​ത്തെ ചീ​ഫ് സെ​ക്ര​ട്ട​റി​യു​മാ​യ എ. ​ജ​യ​തി​ല​കാ​ണ് 2020ൽ ​പ​ട്ട​യ​ഭൂ​മി​യി​ലെ ഈ​ട്ടി​ത്ത​ടി​ക​ൾ മു​റി​ക്കാ​മെ​ന്ന വി​വാ​ദ ഉ​ത്ത​ര​വ് ഇ​റ​ക്കി​യ​ത്. സ​ഹോ​ദ​ര​ന്മാ​രാ​യ റോ​ജി അ​ഗ​സ്റ്റി​ന്‍, ആ​ന്റോ അ​ഗ​സ്റ്റി​ന്‍, ജോ​സ് കു​ട്ടി അ​ഗ​സ്റ്റി​ന്‍, ര​ണ്ട് വി​ല്ലേ​ജ് ഓ​ഫി​സ​ർ​മാ​ർ എ​ന്നി​വ​രാ​ണ് വി​വാ​ദ​മാ​യ മു​ട്ടി​ൽ മ​രം മു​റി കേ​സി​ലെ മു​ഖ്യ പ്ര​തി​ക​ള്‍. നേ​ര​ത്തെ കേ​സി​ല്‍ 68 പേ​രെ​യാ​ണ് പ്ര​തി ചേ​ർ​ത്തി​രു​ന്ന​ത്. പി​ന്നീ​ട് ക​ർ​ഷ​ക​രെ ഒ​ഴി​വാ​ക്കി എ​ട്ടു​പേ​രെ പ്ര​തി​പ്പ​ട്ടി​ക​യി​ൽ ഉ​ൾ​പെ​ടു​ത്തു​ക​യാ​യി​രു​ന്നു.