റോഡിന് ഓവുചാലില്ല; മഴവെള്ളം വീടുകളിലേക്ക് ഇരച്ചുകയറുന്നു

മേ​പ്പാ​ടി: നെ​ടു​മ്പാ​ല - മ​ഞ്ഞ​പ്പാ​റ റൂ​ട്ടി​ൽ പ​ള്ളി​ക്ക​വ​ല ഭാ​ഗ​ത്ത് റോ​ഡി​നി​രു​വ​ശ​ത്തും ഓ​വു​ചാ​ൽ നി​ർ​മി​ക്കാ​ത്ത​തി​നാ​ൽ റോ​ഡി​ലൂ​ടെ കു​ത്തി​യൊ​ഴു​കി വ​രു​ന്ന ച​ളി​യും മ​ണ്ണും വീ​ടു​ക​ളി​ലേ​ക്ക് ഒ​ഴു​കി​യെ​ത്തു​ന്നു. വീ​ടു​ക​ൾ​ക്കു​ള്ളി​ലേ​ക്കും മു​റ്റ​ത്തും ച​ളി കെ​ട്ടി​ക്കി​ട​ന്ന് പു​റ​ത്തി​റ​ങ്ങാ​ൻ ക​ഴി​യാ​തെ അ​ഞ്ചു കു​ടും​ബ​ങ്ങ​ൾ ദു​രി​തം അ​നു​ഭ​വി​ക്കു​ക​യാ​ണ്. മൂ​പ്പൈ​നാ​ട് പ​ഞ്ചാ​യ​ത്ത് ഒ​ന്നാം വാ​ർ​ഡി​ൽ താ​മ​സി​ക്കു​ന്ന കു​ടും​ബ​ങ്ങ​ളാ​ണ് ദു​രി​ത​മ​നു​ഭ​വി​ക്കു​ന്ന​ത്.

മു​ൻ വാ​ർ​ഡ് അം​ഗം പ​ള്ള​ത്ത് കൃ​ഷ്ണ​ൻ​കു​ട്ടി, പൊ​ടി​മ​റ്റ​ത്തി​ൽ ബീ​ന, പ്ര​ഭാ​ക​ര​ൻ, പ്ര​വീ​ഷ്, ഫ്രാ​ൻ​സീ​സ് എ​ന്നി​വ​രു​ടെ കു​ടും​ബ​ങ്ങ​ളാ​ണ് ദു​രി​ത​ത്തി​ലാ​കു​ന്ന​ത്. പ​ള്ള​ത്ത് കൃ​ഷ്ണ​ൻ​കു​ട്ടി​യു​ടെ വീ​ടി​ന്‍റെ സം​ര​ക്ഷ​ണ ഭി​ത്തി​യും മ​ഴ​യി​ൽ ത​ക​ർ​ന്നു വീ​ണു. പൊ​തു മ​രാ​മ​ത്ത് വ​കു​പ്പ് നി​ർ​മി​ച്ച റോ​ഡി​ന് ഈ ​ഭാ​ഗ​ത്ത് ഇ​രു​വ​ശ​ത്തും ഓ​വു​ചാ​ലി​ല്ല. അ​തി​നാ​ൽ മ​ഴ​വെ​ള്ളം സ​മീ​പ​ത്തെ വീ​ടു​ക​ളി​ലേ​ക്കൊ​ഴു​കി​യെ​ത്തു​ക​യാ​ണ്. വീ​ടു​ക​ളി​ലേ​ക്ക് വാ​ഹ​നം ക​യ​റ്റാ​ൻ പ​ഴ​യ ഓ​വു​ചാ​ൽ പ​ല​രും കോ​ൺ​ക്രീ​റ്റ് ചെ​യ്ത് അ​ട​ച്ചു. ഓ​വു​ചാ​ൽ നി​ർ​മി​ക്ക​ണ​മെ​ന്നാ​വ​ശ്യ​പ്പെ​ട്ട് പൊ​തു​മ​രാ​മ​ത്ത് വ​കു​പ്പ​ധി​കൃ​ത​ർ​ക്ക് പ​രാ​തി ന​ൽ​കി ര​ണ്ടു വ​ർ​ഷം ക​ഴി​ഞ്ഞി​ട്ടും ന​ട​പ​ടി​യി​ല്ലെ​ന്നും പ്ര​ദേ​ശ​വാ​സി​ക​ൾ പ​രാ​തി​പ്പെ​ടു​ന്നു. പു​തി​യ ഓ​വു​ചാ​ൽ നി​ർ​മി​ക്കു​ക​യോ അ​ട​ഞ്ഞ ഓ​വു​ചാ​ൽ തു​റ​ക്കു​ക​യോ വേ​ണ​മെ​ന്നാ​ണ് നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്.