കക്കടവ് പുഴ വരളുന്നു; ഗ്രാമങ്ങളിൽ കുടിവെള്ള ക്ഷാമം രൂക്ഷം

ത​രു​വ​ണ: വേ​ന​ൽ ക​ഠി​ന​മാ​യ​തോ​ടെ ഗ്രാ​മ​പ്ര​ദേ​ശ​ങ്ങ​ളി​ൽ ജ​ല​ക്ഷാ​മം അ​തി​രൂ​ക്ഷ​മാ​വു​ന്നു. വെ​ള്ള​മു​ണ്ട പ​ഞ്ചാ​യ​ത്തി​ലെ ഒ​ട്ടു​മി​ക്ക വാ​ർ​ഡു​ക​ളി​ലും ദൈ​നം​ദി​ന ആ​വ​ശ്യ​ങ്ങ​ൾ​ക്ക് വെ​ള്ള​മി​ല്ലാ​തെ പ​ല കു​ടും​ബ​ങ്ങ​ളും ന​ട്ടം​തി​രി​യു​ക​യാ​ണ്.

നെ​ൽ​പാ​ട​ങ്ങ​ളോ​ട് ചേ​ർ​ന്ന് കു​ഴി​ച്ച കു​ള​ങ്ങ​ൾ​പോ​ലും വ​റ്റി​വ​ര​ണ്ടു. വെ​ള്ള​മു​ണ്ട-​പ​ടി​ഞ്ഞാ​റ​ത്ത​റ പ​ഞ്ചാ​യ​ത്തു​ക​ൾ​ക്ക് ദാ​ഹ​ജ​ലം ന​ൽ​കി​യി​രു​ന്ന വാ​രാ​മ്പ​റ്റ-​പു​തു​ശ്ശേ​രി- ക​ക്ക​ട​വ് പു​ഴ നീ​രൊ​ഴു​ക്ക് നി​ല​ച്ച് മ​ലി​ന​ജ​ലം കെ​ട്ടി​ക്കി​ട​ക്കു​ന്ന കു​ഴി​ക​ൾ മാ​ത്ര​മാ​യ അ​വ​സ്ഥ​യാ​ണ്. ഇ​തു​മൂ​ലം കു​ടി​വെ​ള്ളം ല​ഭ്യ​ത​യും മൃ​ഗ​പ​രി​പാ​ല​ന​വും മു​ട​ങ്ങി.

പു​തു​ശ്ശേ​രി-​ക​ക്ക​ട​വ് പു​ഴ​യി​ലൂ​ടെ​യു​ള്ള നീ​രൊ​ഴു​ക്ക് ത​ട​ഞ്ഞ് ബാ​ണാ​സു​ര ഡാം ​നി​ർ​മി​ച്ച​തോ​ടെ ഡാ​മി​ന് താ​ഴെ​യു​ള്ള ആ​യി​ര​ക്ക​ണ​ക്കി​ന് കു​ടും​ബ​ങ്ങ​ളു​ടെ കാ​ർ​ഷി​ക പ്ര​വൃ​ത്തി​ക​ൾ താ​ളം​തെ​റ്റി. വൈ​ദ്യു​തി ഉ​ൽ​പാ​ദ​ന​ത്തി​നു​ള്ള ജ​ല​ത്തി​നു പു​റ​മേ, കാ​ർ​ഷി​കാ​വ​ശ്യ​ത്തി​ന് ഡാ​മി​ൽ​നി​ന്ന് ക​നാ​ലി​ലൂ​ടെ വെ​ള്ളം ല​ഭ്യ​മാ​ക്കി​യി​രു​ന്നു​വെ​ങ്കി​ൽ ഇ​ത്ത​ര​മൊ​രു ദു​ർ​ഗ​തി ഇ​രു​പ​ഞ്ചാ​യ​ത്തു​ക​ൾ​ക്കും നേ​രി​ടേ​ണ്ടി​വ​രി​ല്ലാ​യി​രു​ന്നു.

ജ​ന​കീ​യ സ​മ്മ​ർ​ദ​ത്തെ തു​ട​ർ​ന്ന് ഡാ​മി​ൽ​നി​ന്ന് അ​ല്പം ജ​ലം തു​റ​ന്നു വി​ട്ടാ​ലും, വ​ൻ​കി​ട തോ​ട്ടം ഉ​ട​മ​ക​ളും റി​സോ​ർ​ട്ട് മു​ത​ലാ​ളി​മാ​രും ജ​ല​മെ​ല്ലാം ഊ​റ്റി​യെ​ടു​ക്കു​ന്ന അ​വ​സ്ഥ​യു​ണ്ടെ​ന്ന ആ​രോ​പ​ണ​വും ഉ​യ​രു​ന്നു​ണ്ട്. നെ​ൽ​പാ​ട​ങ്ങ​ളു​ടെ വ്യാ​പ​ക​മാ​യ ത​രം​മാ​റ്റ​ലും ത​ത്ത്വ​ദീ​ക്ഷ​യി​ല്ലാ​ത്ത മ​രം മു​റി​യും നാ​ടി​നെ വ​ര​ൾ​ച്ച​യി​ലേ​ക്ക് ന​യി​ക്കു​ക​യാ​ണ്.

നെ​ൽ​പ്പാ​ട​ങ്ങ​ളു​ടെ​യും ച​തു​പ്പു​ക​ളു​ടെ​യും സം​ര​ക്ഷ​ണ​ത്തി​ന് ഭ​ര​ണ​കൂ​ടം അ​ടി​യ​ന്ത​ര ന​ട​പ​ടി​ സ്വീ​ക​രി​ക്ക​ണ​മെ​ന്നും സ്വ​കാ​ര്യ ഭൂ​മി​യി​ൽ വൃ​ക്ഷ​ങ്ങ​ൾ നി​ല​നി​ർ​ത്തു​ന്ന​തി​ന് കാ​ർ​ബ​ൺ ന്യൂ​ട്ര​ൽ ഫ​ണ്ട് ഫ​ല​പ്ര​ദ​മാ​യി വി​നി​യോ​ഗി​ക്ക​ണ​മെ​ന്നും പാ​ലി​യാ​ണ പൗ​ര​സ​മി​തി ആ​വ​ശ്യ​പ്പെ​ട്ടു.