ചി​കി​ത്സ ന​ല്‍കു​ന്ന​തി​ല്‍ വീ​ഴ്ച; ഡോ​ക്ട​റി​ല്‍നി​ന്ന്​ 50,000 രൂപ ന​ഷ്​​ട​പ​രി​ഹാ​രം ഈ​ടാ​ക്ക​ണ​മെ​ന്ന്​ ബാ​ലാ​വ​കാ​ശ ക​മീ​ഷ​ന്‍

ക​ൽ​പ​റ്റ: വൈ​ത്തി​രി താ​ലൂ​ക്ക് ആ​ശു​പ​ത്രി​യി​ലെ​ത്തി​ച്ച കു​ട്ടി​ക്ക് ചി​കി​ത്സ ന​ല്‍കു​ന്ന​തി​ല്‍ വീ​ഴ്ച വ​രു​ത്തി​യ ഡോ​ക്ട​റു​ടെ ശ​മ്പ​ള​ത്തി​ല്‍ നി​ന്ന്​ 50,000 രൂ​പ ന​ഷ്​​ട​പ​രി​ഹാ​രം ന​ല്‍കാ​ന്‍ ബാ​ലാ​വ​കാ​ശ ക​മീ​ഷ​ന്‍ ഉ​ത്ത​ര​വ്. അ​നു​വ​ദി​ക്കു​ന്ന തു​ക കു​ട്ടി​ക്കു​വേ​ണ്ടി മാ​ത്ര​മേ ഉ​പ​യോ​ഗി​ക്കാ​വൂ. ആ​ശു​പ​ത്രി അ​ധി​കൃ​ത​രു​ടെ ഭാ​ഗ​ത്തു​നി​ന്നും തി​ക​ഞ്ഞ ബാ​ലാ​വ​കാ​ശ ലം​ഘ​നം ന​ട​ന്ന​താ​യി വി​ല​യി​രു​ത്തി​യ ക​മീ​ഷ​ന്‍ അം​ഗ​ങ്ങ​ളാ​യ കെ. ​ന​സീ​ര്‍, ബി. ​ബ​ബി​ത എ​ന്നി​വ​രു​ടെ ഡി​വി​ഷ​ന്‍ ബെ​ഞ്ചാ​ണ് ന​ഷ്​​ട​പ​രി​ഹാ​രം ന​ല്‍കാ​ന്‍ ഉ​ത്ത​ര​വി​ട്ട​ത്.

താ​ലൂ​ക്ക് ആ​ശു​പ​ത്രി ഡോ​ക്ട​ര്‍, സ്​​റ്റാ​ഫ് ന​ഴ്‌​സ് എ​ന്നി​വ​രു​ടെ ഭാ​ഗ​ത്തു​നി​ന്നു​ണ്ടാ​യ വീ​ഴ്ച​യും പ​രാ​തി​ക്കാ​ര​െൻറ ആ​രോ​പ​ണ​ങ്ങ​ളും സം​ബ​ന്ധി​ച്ച് വ​കു​പ്പു​ത​ല അ​​ന്വേ​ഷ​ണം ന​ട​ത്തു​ന്ന​തി​ന് ന​ട​പ​ടി സ്വീ​ക​രി​ക്കാ​നും ആ​രോ​ഗ്യ വ​കു​പ്പ് സെ​ക്ര​ട്ട​റി, ഡ​യ​റ​ക്ട​ര്‍, വൈ​ത്തി​രി താ​ലൂ​ക്ക് ആ​ശു​പ​ത്രി സൂ​പ്ര​ണ്ട് എ​ന്നി​വ​ര്‍ക്ക് ക​മീ​ഷ​ന്‍ നി​ർ​ദേ​ശം ന​ല്‍കി.

2019 ഡി​സം​ബ​ര്‍ അ​ഞ്ചി​ന്​ രാ​ത്രി കു​ട്ടി​യെ വൃ​ഷ​ണ സം​ബ​ന്ധ​മാ​യ അ​സു​ഖ​ത്തെ​ത്തു​ട​ര്‍ന്ന് വൈ​ത്തി​രി താ​ലൂ​ക്ക് ആ​ശു​പ​ത്രി അ​ത്യാ​ഹി​ത വി​ഭാ​ഗ​ത്തി​ല്‍ കാ​ണി​ച്ചു. മ​ക​ന് ക​ല​ശ​ലാ​യ വേ​ദ​ന​യു​ണ്ടാ​യി​രു​ന്നി​ട്ടും ഡോ​ക്ട​ര്‍ ശ​രി​ക്കു പ​രി​ശോ​ധി​ക്കാ​തെ ഗു​ളി​ക​യും ഇ​ഞ്ച​ക്​​ഷ​നും ന​ല്‍കി സ്​​റ്റാ​ഫ് ന​ഴ്‌​സി​നോ​ട് കു​ട്ടി​യെ നോ​ക്കാ​ന്‍ പ​റ​ഞ്ഞു. കു​ട്ടി​യു​ടെ പി​താ​വി​നെ രോ​ഗ​ത്തി​െൻറ ഗൗ​ര​വം അ​റി​യി​ച്ചി​ല്ല. ഉ​ട​ൻ സ​ര്‍ജ​റി ചെ​യ്യാ​ന്‍ പ​റ്റു​ന്ന ആ​ശു​പ​ത്രി​യി​ലേ​ക്ക് റ​ഫ​ര്‍ ചെ​യ്തി​രു​ന്നെ​ങ്കി​ല്‍ മ​ക​ന് ഈ ​അ​വ​സ്ഥ വ​രി​ല്ലാ​യി​രു​ന്നു​വെ​ന്ന പ​രാ​തി​യു​മാ​യാ​ണ്​ പി​താ​വ്​ ക​മീ​ഷ​നെ സ​മീ​പി​ച്ച​ത്.